1е Фессалоникийцам 4:13 - Новый Завет на эскимосском языке

¹³ Ухпықа̄лгутымнъи, лӣсимакысюгамси ухпықаның қавалӷӣның қивӷукыфқӣта писқылъюки сиӷималъҳилңуӷыстун.

1е Фессалоникийцам 4:13 Iomraidhean Croise

От Матфея 27:52

лъӣвӷыт қылъпыӷаҳта̄ткат, углялӷӣтлъю Кияӷныӷым юги туқуляӷа̄тка̄ялӷӣт уңуваҳтӯткат,

От Иоанна 11:24

Марфам пика̄: «Лӣсимакақа уңуваҳлъықуқ туқукат уңуваҳтӯската киңулиӷми аӷныӷми».

Деяния 13:36

Давидым уңувалъыӷмини атуқыхкақа̄ Кияӷныӷым пиюкылъҳа. Та̄хкын қаваӷьян қуңуқақа̄т сивунӷан ся̄ӷўитхун, югусӣ аӷука̄гуқ лъивыӷми.

Деяния 7:60

Сыгысқуҳлъюни игляхтупихлъюни пикақ: «Атанық, сыӷывутики хўакын сыӷлыҳқылъҳитның». Таўатын пилюни туқукақ.

К Римлянам 1:13

Ухпықа̄лгутымни, лӣсимакысюгамси аўын ля̄лиҳфиксюгақамси иўырңа ся̄м қӯнпың пинӷитыстақа̄ңа. Ынка̄м ма̄тын каюсӣсюганка Римыӷмӣт ухпыӷысқылъюки Христосыкун, иляңитнун язычнигнун пилъымтун.

1е Коринфянам 10:1

Ухпықа̄лгутымни, сюмыҳтаӷа̄ткысқысюганка Иудеит, малихся̄ӷикат Моисейемың. Египетмың аӷуляқақңамың қамахлъютың малихтыкақа̄т қиляўа̄қ, маӷьяҳқуӷилӷӣ тӯмкаҳқӣтхун. Ка̄сята Кавилңуӷмун Кылъӣмун, Кияӷныӷым пылъыҳтыкақыхкаңа мық аӷвӣсқылъюки яйўа̄сың.

1е Коринфянам 12:1

Ухпықа̄лгутымни, лӣтысюгамси Аглыӷналӷӣм Таӷныӷам тунуся̄мың.

1е Коринфянам 15:6

Киңуңитның ю̄к ма̄лӷук қуля сӣпнықлъюкуның углялӷӣм малихся̄ҳтыңита қырңаҳлъягмың ысҳақақа̄т. Кияң та̄кут уңува̄т, иляңи туқука̄ӷңа̄ӷмың.

2е Коринфянам 1:8

Ухпықа̄лгутымнъи, налъюкысюнӷитамси сыӷлылӣлъыӷмың нанӷӣқамнъың Асиями. Ынңа̄талъ сыӷлыҳлъягӯқ уқихтупихтыка̄гуқ, рыпалъ сиӷимананиқа̄гукут кияҳтылъыҳқамнъың.

К Ефесянам 2:12

Нықамиклъюку тама̄ни пилъыӷни налъюксяӷаҳси Христос кинаңутаңа. Нуната̄яҳтуси Израилыӷмӣнун ынка̄м илятылъҳисяҳтуси Кияӷныӷым акықусяқыхка̄нун лъңитнун. Нунами хўани кияҳтыңъуяҳтуси сиӷималъңунасилъю, Кияӷныңунасилъю.

К Ефесянам 2:3

Қамахлъюта кияҳтыка̄гукут тама̄кустун югыстун. Атуқыхкақапут сыӷлыҳқыңъалӷӣт пиюкылъҳи югусимталъю, умьюгамталъю. Ынка̄м қамахлъюта алъхықа̄тымнъың сыӷлыҳқыстыңулюта, аӷью̄лъыңнақңуяҳтукут Кияӷныӷым сякша̄лъҳакун.

1е Фессалоникийцам 4:14

Ухпықаҳпут Иисус туқулюни уңувақа̄гуқ. Ынка̄м ухпықаҳпут Кияӷныӷым тагилъықӣ Иисусыкун тама̄кут қавақат ухпықилютың лъңаның.

1е Фессалоникийцам 4:15

Уңипа̄тңўа̄ӷамси Атанӷым апыҳтӯтка̄ның. Атанық тагикан, хўаңкута паниның уңувалӷӣни иңьяӷаӷна̄нӷитапут тама̄кут қавақат.

1е Фессалоникийцам 5:10

Иисусым туқуматкыхкақӣлъю лъминитысқылъюта уңуваяӷңа̄мта, туқука̄яӷңа̄мта тагикуми.

1е Фессалоникийцам 5:6

Ынка̄м қава̄фқа̄мта пилъта иляңистун, итупилъ тыҳумалъта, лӣсималюта.

2е Петра 3:4

хўатын пилъықут: «Иисус акықика̄гуқ тагинқихлъықнилюни. На̄гу? Има сивуныпут туқуляӷа̄тылъҳитның, паниның сяңўа̄ қамахлъюни алмысиқақа̄ нунам пӣнлилъҳаның».

2е Петра 3:8

Илякумта̄мни, пуйгухпына̄н уна! Атаныӷми аӷнық ата̄сиқ тысяча аюмиқулъҳыстун аюқуқ, тысяча аюмиқулъҳыт ата̄ситун аӷныҳтун аюқуқ.