1е Фессалоникийцам 3:6 - Новый Завет на эскимосском языке

⁶ Иўырңа Тимофейем утыӷниӷлюни уңипа̄тӣнкут қуяналӷӣмың уңипа̄мың ухпықилъыҳпысиныңлъю, пиниқылъыҳпысиныңлъю. Уңипа̄тақӣнкуңлъю ӣўлың нықамикақнилюта пинитун, ысҳаӷьюгақнилюталъю катам хўаңкута ысҳаӷьюлъымтыстун лъпыси.

1е Фессалоникийцам 3:6 Iomraidhean Croise

Деяния 16:1

Павел Дервияткақ ынка̄м та̄хкын нагнықақ Листрамун, тама̄ни налъяқа̄ ухпықақ ю̄к а̄тқылӷӣ Тимофейемың. На̄ңалъю ухпықа̄лӷӣ Иудеянкаңуфтуқ, нақам атаңа Грегуфтук.

Деяния 18:1

Та̄м киңуңаның Павел Коринфыткақ Афинымың.

Деяния 18:5

Силамлъю, Тимофейемлъю ка̄ткак Македониямың, та̄хкын кынлыклъюку Павел уңипақиңинаӷлюни лъӣқақ. Иудеянун а̄пқа̄ Иисус, Христосыңунилюку.

1е Коринфянам 11:2

Усюқамси нықамикыхкыфсиңа, атуқыхкысилъю апыҳтӯсянка.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Филиппийцам 1:8

Кияӷнық лӣсимакистыкақа ысҳаӷьюпихтақамси, қаюҳлъяк қамахлъюси пиниқамси Христос Иисусым пиниқылъҳатун лъпыси.

К Колоссянам 1:4

Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун.

К Колоссянам 4:18

Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси. Кияӷнық наңлъыхтаӷли лъпысини.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 2:17

Ухпықа̄лгутымнъи, амьюқыта̄ткистымта аӷуляқыстақңамикут Фессалоникамың, пылъҳутутыстӣнкутлъю, иўырңа паниның сюмыӷмикақамси. Ысҳаӷьюпихтақсяӷамси хинасилъю

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Фессалоникийцам 3:7

Ухпықа̄лгутымнъи, сыӷлылӣҳлъягумалюта, икфиқыҳлъягумалюта илютуҳтукут қаюҳлъяк нагныӷутңукыси ухпықилъыҳси.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

2е Тимофею 1:3

Унухтӯма̄н, аӷныҳтӯма̄н юӷалъымкун игамсиқаюгвикақақа Кияӷнық лъпынун. Қыпҳа̄тақақа сыӷлыӷьюлъңунаңа, катам сивунымтун.

К Филимону 1:5

қаюҳлъяк нагақуӷақақа пиниқылъҳын тамаҳӣтнун Кияӷныӷым югитнун, ухпықилъҳынлъю Атаныҳқун Иисусыкун.

К Евреям 13:3

Нықамиклъюки анусимиңлъяӷвигмылңӯт, никимқун лъпысилъю анусимиңлъяӷвигмылңуси. Нықамиклъюки икфиқңалӷӣт, никимқун лъпысилъю икфиқылӷӣси.

К Евреям 13:7

Нықамиклъюки иглыӷутистыси уңипақикат лъпысинун Кияӷныӷым акузитаңаның. Нықамиклъюки натын кияҳтыка̄таңи ынка̄м ухпылъылгунақитык лъңистун.

1е Иоанна 3:23

Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.