1е Фессалоникийцам 3:3 - Новый Завет на эскимосском языке

³ қаюҳлъяк ӣлъқаюхтысюнӷилъкымси ухпықилъыҳпысиның сыӷлылӣлъыси апалъюқлъюки. Иўырңа лӣсимакаҳси ухпықани хўаңкута сыӷлылӣӷьяҳқа̄гукут.

1е Фессалоникийцам 3:3 Iomraidhean Croise

От Луки 21:12

Иўырңа қамахлъюки тама̄кут пистыхпынаки, тугулюси амьюқыта̄ткылъықӣси. Синагоганун агля̄лъюси нанқихлъықӣси ынка̄м анусимиңлъяҳлъықӣси. Агля̄лъықӣси умӣлыгнунлъю правителынунлъю нанқихтысқылъюси хўаңа апалъюқлъюңа.

От Иоанна 16:2

Югыт иқитыслъықӣси синагогамыхның. А̄а, пилъыҳқақ тагиңӯқ, китум алңунак туқускумиси сюмыҳтаӷаӷьяҳқа̄гуқ қыпҳа̄тңунилюку Кияӷнық.

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

Деяния 2:25

Давидым акузиткыхкақа̄ Иисус хўатын: “Ысҳаӷақақа Атанық сивумнилъюку қӯнпың: унисигата̄ңа, ынка̄ңам сыӷлыӷмун қапшахтысна̄нӷитуңа.

Деяния 21:11

Хўаңкунъун тагилюни Павелым тафсиңа ӣклъюку асиҳқылъюки итыганилъю, ӣхынилъю пӣлъю: «Аглыӷналӷӣк Таӷныӷак пӣк: “Иерусалимыми тафсим ӯм юмаңа Иудеит асиҳқысяҳқақа̄т, та̄хкын тӯнылъықа̄т язычнигнун”».

Деяния 21:13

Иўырңа Павелым пӣнкут: «Сяңафси қиямаҳпыси таўатын пистыңъа? Сыӷлылӣҳқаҳпысиңа! Хўа̄ апыӷӣӷўа̄ӷлюңа аюқуңа асиҳқысяҳқа̄люңа Иерусалимыми, талўа туқуяҳқа̄люңа апалъюқлъюку Атанық Иисус».

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

К Римлянам 5:3

Та̄м ся̄ӷўакун қуя̄қукут сыӷлылӣлъымнъи қаюҳлъяк лӣсимакаҳпут сыӷлылӣлъҳым нуқынъыҳтулъыңыстақӣлъю.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

1е Коринфянам 4:9

Сюмыҳтаӷалъымни Кияӷныӷым ныкыхтыкақӣлъю апостолыни укалиҳпига̄люта югның. Анусимиңлъяӷастун аюқукут, туқусяҳқастун. Югыт қамахтыңъўа̄ӷлютың, яқулгытлъю ысҳапагақӣлъю.

К Ефесянам 3:13

Ынка̄ңам ӣлъқаягутыхпына̄н ухпықилъыҳси апалъюқлъюку икфиқуткыңъукымси. Икфиқылъыӷма қӯлваҳтыслъықӣси.

К Филиппийцам 1:28

Аликыхпынаки аңуяси, қӯнпың илютулъюси. Ынка̄м таўатын пилъыҳпыси ипапиҳқылъықа̄т лъңит кая̄лъқӣна̄нӷитут. Лъпыси кая̄лъқӣлъықуси қаюҳлъяк Кияӷныӷӯқ кая̄лъқӣстилӷӣ лъпысиның.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

1е Фессалоникийцам 5:9

Кияӷныӷым пиюкылъқынӷита̄ икфиқысқылъюта сякша̄лъыӷмың, иўырңа югулилъыңысюгӣлъю Атанымтыхун Иисус Христосыкун.

2е Фессалоникийцам 1:4

Тама̄кын апалъюқлъюку қанаткақамси иляңитнун ухпықат Кияӷныӷым юӷаӷвигитнилңуӷнун. А̄пҳақаҳпут нуқытутиныҳтулъыҳсилъю, ухпықилъыҳсилъю қайўа амью̄ткылъыңыӷңа̄ҳпыси, икфиқылъыңыӷңа̄ҳпысилъю.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

1е Петра 2:21

Кияӷныӷым накмикыхкақӣси сюфлъюҳтысқылъюки икфиқылъҳыт қаюҳлъяк Христосым икфиқуткыхкақӣси. Икфиқылъҳа успута̄гуқ лъпысинун малихтысқылъюку.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.