1е Фессалоникийцам 3:13 - Новый Завет на эскимосском языке

¹³ Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 3:13 Iomraidhean Croise

От Матфея 25:31

«Иӷныӷа Югым тагикуми ниӷуҳқылъыӷмикун, яқулыхтӯмаҳлъягми, та̄хкын ақумылъықуқ ниӷуҳқыңъалӷӣгныкун ақумутагмикун.

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 1:6

Кияӷныӷмун ылъқуӷутңалютык кияҳта̄ӷык. Қа̄ткыпихтыкаңик Атанӷым қылӷусӣлъю, Лӣлиҳтӯсӣлъю, авутңинъалютык.

К Римлянам 14:4

Кинаңунилютын пӣқсин нанқихтилӷӣ китум қыпҳаҳтыңаның? Қыпҳаҳтым пилӣтистыңина̄н нанқихлъықа̄ пинитун пиматаңа налиӷмың сыӷлытун пиматаңа. Атанӷым қыпҳаҳтыңа пинитун пилъықуқ қаюҳлъяк Атанӷым каюсиӷьяқлъыгукаңа пинитун писқылъюку.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Ефесянам 5:27

Христос таўатын пика̄гуқ а̄ңггунъалюки ухпықат лъңанун катам пиниӷналӷӣтун угӣӷнақылӷӣтун. Туқука̄гуқ ухпықат тагнықшӣтысқылъюки, уңлъыврыгӣтысқылъюки налиӷмың сямың алңунак афкуйӣтысқылъюки. Ынка̄м нулӣҳқа̄ аглыӷнаҳлъықуқ, авутңилъықуқлъю.

К Филиппийцам 1:10

Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Колоссянам 1:22

Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю.

1е Фессалоникийцам 2:19

Лъпыси сиӷималъқамси, қуясиқамси, қаҳпакамсилъю. Та̄на қаҳпа хўаңкута қука̄югусиқылъықаҳпут мануңани Атанымта Иисусым тагикан.

1е Фессалоникийцам 3:11

Кияӷнымта, Атам лъңаның катам, Атанымталъю Иисусым қантаӷақун лъпысинун пияҳқа̄ҳтыслъикут!

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Фессалоникийцам 4:15

Уңипа̄тңўа̄ӷамси Атанӷым апыҳтӯтка̄ның. Атанық тагикан, хўаңкута паниның уңувалӷӣни иңьяӷаӷна̄нӷитапут тама̄кут қавақат.

1е Фессалоникийцам 4:17

Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

2е Фессалоникийцам 1:7

Ынка̄м лъпыси икфиқылӷӣни Кияӷныӷым мыӷна̄лисна̄ӷӣси икфиқылъыӷмың хўаңкуталъю малигулъюта. Таўатын пилъықуқ алӣҳтыкумики Атанық Иисус, икнақыҳлъялӷӣтлъю яқулги. Қилягмың укихлъықут кыныӷмылъютың кумаӷуӷңалӷӣми.

2е Фессалоникийцам 2:1

Ухпықа̄лгутымнъи, уңипа̄сюгамси тагилъыҳқа̄ның Атанымта Иисус Христосым, қырңуӷутылъыҳқамнъыңлъю лъңанун.

От Иакова 5:8

Лъпысилъю қыляныныҳлъюгутык ныӷьюмаңинаӷлюси қаюҳлъяк Атанық тагияҳтуҳтуқ.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.