1е Фессалоникийцам 3:12 - Новый Завет на эскимосском языке

¹² Атанӷым, пиниқсялӣтутыстаӷаӷлиси. Пиниқылъыҳсилъю тывуӷаслъигу тамаҳа̄нун югнун, катам хўаңкута пиниқылъымтыстун лъпыси.

1е Фессалоникийцам 3:12 Iomraidhean Croise

От Матфея 22:39

Тӯңлиҳа̄ аңылъыҳпигақ Лӣлиҳтӯсяқ сивулиҳтун аюқуқ: “Пиниқсяҳқақатын юлгутытын пиниқылъыҳпытун лъпынун катам”.

От Матфея 7:12

Ынка̄м юлгутыхпысинун пинитун пистысюкуфси, лъпысилъю пинитун пӣқитыки. Таўатын апыҳтуӷиңӯт Моисейем Лӣлиҳтӯсӣлъю, ӯкналиқистытлъю игақыхкӣт».

От Луки 17:5

Апостолыт Атанық пика̄т: «Ухпықилъыҳтуҳтаӷақаҳқут!»

К Римлянам 13:8

Асыңыхпына̄ң китумың алңунак, иўырңақун пиниқылъыҳси асыңыкңинаҳтыху иляхпысинун. Китум алңунак пиниқыхкумики юлгутни қа̄ткыңъўӣ ӣңунӣта Лӣлиҳтӯсят.

2е Коринфянам 9:10

Кияӷныӷӯқ тӯникаюк пӣтутмың пӣтысиӷаҳтымун, нықмыңлъю ныӷьяҳқамың. Тӯнылъықа̄ қамахлъюку пӣтун аклъюкыхкаҳси, нагуслъықӣлъю. Ынка̄ңам унатаҳлъяхлъықуси қаюҳлъяк иӷлыгилңӯси.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Филиппийцам 1:9

Юӷа̄ткақамси пиниқиҳлъягысқылъюси, лӣсималъыңатаӷӣсқылъюси, лӣгикылъыңатаӷӣсқылъюсилъю.

1е Фессалоникийцам 2:8

Пиниқыпихтамси, ынка̄м қуякусиқинаӷлюку лъпысинун лӣсимакысюгапут Кияӷныӷым Пинилӷӣт Уңипӣ. Пинилӷӣңина̄т Уңипат пихпынаки, қуякусиқинаӷлюку сямың тамаҳа̄ның каюсиӷьюглюси аюқамси, қаюҳлъяк пиниқсялӣткақамси.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.

1е Фессалоникийцам 5:15

Ўатаҳлъяк акисяқунаки сыӷлытун пистыси иўырңа пинитун пӣқитыки иляси, қамахлъюкилъю югыт.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

От Иакова 1:17

Қамахлъютың пинилӷӣтлъю, сялъҳўа̄ҳӣлңӯтлъю тунусят қилягмың пиңӯт. Тама̄кут Атамың пиңӯт улимаӷистыңаның қамахлъюни ниӷугым; алъяңуҳсигатуқлъю, мамлыхтыстиңигатуқлъю.

2е Петра 1:7

Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.