1е Фессалоникийцам 2:9 - Новый Завет на эскимосском языке

⁹ Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Фессалоникийцам 2:9 Iomraidhean Croise

От Луки 18:7

Кияӷныӷым налъҳуся̄сяҳқақӣ накмикыхкани юӷалӷӣт аӷныҳтӯма̄н, унухтӯма̄н. Кияӷнық сюкаңисигатуқ кӣмсиӷилъыӷминун.

От Луки 2:37

Та̄хкын угиңӣтылъыӷминың 84ңуҳтыкаңи аюмиқулъҳыт. Аўын тагӣқылӷӣ Храмымун, аӷныӷуяӷңа̄н, унугуяӷңа̄н Кияӷнық манигуӷақыхкаңа, постақлъюнилъю, юӷаӷақлъюнилъю.

Деяния 18:3

ылъкыхкыниткақ қаюҳлъяк қыпҳақа̄к лъңан қыпҳақа̄тун аюқылӷӣ. Палаткаңлъялъҳым акиңа кияӷусиқыхкаңат.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 20:31

Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

1е Коринфянам 4:12

Қыпҳаӷақукутлъю қывӯлъюта маниңналюта кияҳта̄ӷусиҳқамың. Сыӷлықӯлӷӣт хўаңкунъың пинитун алыҳқуӷақапут. Ухпықа̄тымнъың амью̄ткылӷитлъю, акузилӷӣгатукутлъю, акисигатапутлъю.

1е Коринфянам 9:15

Лъпысиның сямың алңунак алъхыӷусигатуңа пикаҳқақсяқымның. Сюмыҳтаӷа̄ткыхпынаңа сямың алңунак туңсиӷнилюңа ма̄тын. Қуя̄қуңа акилыҳтӣсқигалңӯңа лъпысинун уңипақинымни Пинилӷӣның Уңипаның. Уңипақинақңӯңа акилыҳтӯсӣтыӷңа̄ӷма талўа паныӷьяӷңа̄ӷма. Ынка̄м китум алңунак пина̄нӷита̄ңа: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:18

Сяңа̄ўа акилыҳтӯсяқа? Акилыҳтӯсяқақа уна, қуяпихтақуңа акилыҳтӯсяңунаңа уңипақинымни Пинилӷӣның Уңипаның, қайўа акилыҳтуӷьяҳқақсяӷңа̄ҳпысиңа.

1е Коринфянам 9:4

Варнавалъю хўаңкутуң туңсиӷна̄нӷитӯкуң ныӷьяҳқамыңлъю, мыӷьяҳқамыңлъю лъпысиның апыҳтуқамсини?

2е Коринфянам 11:27

Уӷлыӷӣҳлъяка̄гуңа, пияқлъӣӷақлъюңа. Иляңани қаваҳпынаңа, игатаӷңа̄ӷмалъю, мықсюгңа̄ӷмалъю. Аўын нықңитақлъюңа, азигутӣтақлъюңа, ҳӯтақлъюңалъю а̄ткӣтым.

2е Коринфянам 11:9

Лъпысинитақңама уӷлыӷӣҳтылъҳитамси каюсӣтысқылъюңа аклъюкыхкамның. Ухпықа̄лгутыт Македониямың тагиткақа̄тңа сямың тамаҳа̄ның аклъюкыхкамның. Ынка̄м а̄пфикылъҳитамси аклъюкыхкамның, а̄пфикна̄нӷитамси.

2е Коринфянам 6:5

Қывутқуқа̄гукут, анусимиңлъяқа̄гукут, угля̄тылъыңыхка̄гукутлъю. Уӷлыӷӣқа̄гукут, қавалъқумаңитукут, игатақа̄гукутлъю.

К Филиппийцам 4:16

Ата̄сиҳа̄хпына̄н аклъюпигнымни манимың Фессалоникамылъюңа, туюӷақаҳпысиңа.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 2:2

Иўырңа сивунӷани лъпысинун пилъымта, лӣсимакаҳси Филиппыми икфиқлъӣҳтыстыкақӣнкутлъю, сыӷлықӯқақӣнкутлъю. Тама̄нлъюта қайўа углялӷӣм югым аӷулӣҳнақуткыӷңӣлъю Кияӷныӷым илютустыкақӣнкутлъю, ынка̄м уңипа̄сяҳтуӷамси Пинилӷӣның Уңипа̄мың Кияӷныӷым.

1е Фессалоникийцам 2:6

Усюқыся̄юхтыңъунӷитукут югның, лъпысиның, налиӷмың кинкуның.

1е Фессалоникийцам 3:10

Та̄куңинаҳа̄гның юӷа̄ткыңъўа̄мси унухтӯма̄н, аӷныҳтӯма̄н алъя ысҳаӷьяҳқа̄люси, иляяҳқа̄люки ухпықилъыҳпыси аклъюкыхкӣт.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

1е Тимофею 4:10

Тама̄кын апалъюқлъюку қыпҳаҳлъягӯкутлъю, сягиқлъӣҳтыңъӯкутлъю югнун ухпықысқылъюку ипапилъық. Таўатын пӣкут қаюҳлъяк ныӷьюкаҳпут уңувалӷӣ Кияӷнық, Югулиӷистыңат қамахлъютың югыт, кияң тама̄кут ухпылӷӣт лъңакун.

1е Тимофею 5:5

Угиңиӷақ илякўа̄ӷӣткақ сиӷимаңӯқ Кияӷныҳқун. Ынка̄м унухтӯма̄н, аӷныҳтӯма̄н юӷа̄маңина̄гуқ каюсӣтысқылъюни.

2е Тимофею 1:3

Унухтӯма̄н, аӷныҳтӯма̄н юӷалъымкун игамсиқаюгвикақақа Кияӷнық лъпынун. Қыпҳа̄тақақа сыӷлыӷьюлъңунаңа, катам сивунымтун.