1е Фессалоникийцам 2:4 - Новый Завет на эскимосском языке

⁴ Йыӷлыги, уңипақақапут Пинилӷӣт Уңипат қаюҳлъяк Кияӷныӷым итагнақлъюта ныӷьюкуткақӣ хўаңкунъун. Акузилъымтыхун ыфқуҳнақуткыңъунӷитапут югыт, иўырңа ыфқуҳсюкаҳпут Кияӷныӷӯқ, нанқихтиңалӷӣ илюмта сюмыҳтаӷалъҳаның.

1е Фессалоникийцам 2:4 Iomraidhean Croise

От Луки 12:42

Атанӷым кӣмсиқа̄ хўатын: «Кинаңа̄ўа ата̄сӣӷмылңуқ, пыҳқинылӷӣ қыпҳаҳта? Та̄наңуяҳқа̄гуқ умӣлган иглыӷутистыңлъяқа̄ қыпҳаҳтыминун, нықылита̄тӣсқылъюкилъю аҳутаңа тамаҳа̄н.

От Луки 16:11

Ата̄сӣӷмысимаңилъкуфси атуқақңафсики аклъюңит нунамылңӯт, китумңам ныӷьюкулъықаки лъпысинун аклъюңипӣгыт?

От Иоанна 21:17

Пиңайӣткун а̄птыка̄: «Симон, иӷныӷа Иоанным, пиниқсиңа̄?» Петр сыӷлыӷьюкақ, қаюҳлъяк Иисусым пиңаюның а̄птыкаңа: «Пиниқсиңа̄?» Петырым кӣмсиқа̄: «Атанық, лӣсимакан сяңўа̄ қамахлъюку. Лӣсимакаҳпыңа пиниқыхкымкын». Иисусым пика̄: «Ныҳқики пынъӣӷынка.

К Римлянам 8:27

Кияӷныӷым лӣсимакӣ югыт сюмыҳтаӷалъҳит. Лӣсимакӣлъю сюмыҳтаӷалъҳи Таӷныӷам, қаюҳлъяк Таӷныӷам юӷа̄ткақӣ юги Кияӷныӷым пиюкылъҳатун аюқлъюки.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 5:11

Ынка̄ңам аликақаҳпут Атанық, тама̄кын апалъюқлъюку ухпыҳтыснақуткақапут югыт Христосыкун. Кияӷныӷым лӣсимакӣлъю натылңӯтфут югни, сюнаңуқ лъпысилъю лӣсимакитыкут таўатылъюта.

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Галатам 2:7

Иглыӷутистыт лӣгикума̄т Кияӷныӷмун ныӷьюкусиманилюки хўаңамнун Пинилӷӣт Уңипат уңипақысқылъюки язычнигнун, катам таўатын ныӷьюкутылъҳатун Петырымун Пинилӷӣт Уңипат уңипақысқылъюки Иудеянун.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Ефесянам 6:6

Пилӣтистыси қа̄ткитыки қайўа ысҳапанӷитыӷңӣси. Қыпҳаҳтык ыфқуҳналюки пилӣтистыси катам ыфқуҳтылъыҳпысистун Атанық. Илюхпысиның атуқитыху Кияӷныӷым пиюкылъҳа Христосымун қыпҳаҳтыля̄қылӷӣстун.

К Колоссянам 3:22

Қыпҳаҳтыля̄ӷни, ӣўлың қа̄ткылъюки пилӣтистыси. Ӣўлыңлъю ыфқуҳнақлъюки ысҳапагуӷңа̄та налиӷмың ысҳапагунӷитыӷңа̄та. Қыпҳа̄тыки ипапиҳқылъюси қаюҳлъяк таўатын қӯлва̄ңўа̄ҳси Атанық.

1е Тимофею 6:20

Тимофей, кылыңаклъюки тама̄кут Кияӷныӷым ныӷьюкуткӣ лъпынун. Иқитңалютын ухпықа̄нӷилңӯтнъын тымңитхўаның акузитңитныңлъю, а̄ҳтӣра̄ӷутылъҳитныңлъю. Тама̄кут ухпықа̄нӷилңӯт сюмыӷмыхни лӣсималъыпӣлгунӣқут, иўырңа ипаңунӷитуқ.

2е Тимофею 1:14

Кылыңакигу ипапилъық ныӷьюкуткақ лъпынун. Кылыңакигу каюткылъюкык Аглыӷналӷӣк Таӷныӷак кияҳлъыҳӣк илюмнъи.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

К Евреям 4:13

Сяңўа̄ қамахтыңъўа̄ӷлюни Кияӷныӷым улима̄ӷа ӣӷңанӷитуқ Кияӷныӷмың. Алӣтут, хўатыҳлъюўа̄ӷӯтлъю ийыхкыни. Лъңанун қайвиҳқысяҳқақапут сялъыпут қамахлъюки.

1е Петра 4:11

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.

Откровение 2:23

Туқулъықанкалъю авақутӣ. Ынка̄м қамахлъютың ухпықат юӷаӷвигнилңӯт лӣлъықа̄тңа хўаңаңӯқ лӣсимакилӷӣ югым тамаӷаҳми сюмыҳтаӷалъҳитныңлъю, илюмикыхкӣтныңлъю. Аӷью̄ӷьяҳқақамси тамаӷаҳпыси сыӷлыҳқытулыхпысистун.