1е Фессалоникийцам 2:19 - Новый Завет на эскимосском языке

¹⁹ Лъпыси сиӷималъқамси, қуясиқамси, қаҳпакамсилъю. Та̄на қаҳпа хўаңкута қука̄югусиқылъықаҳпут мануңани Атанымта Иисусым тагикан.

1е Фессалоникийцам 2:19 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Иоанна 21:22

Иисусым кӣмсиқа̄: «Кияҳтысюкумкун кынляңа тагилъымнун, агӷиткысяҳқақынӷитан лъпык. Малихтыңъинаӷңа».

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

1е Коринфянам 4:5

Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

2е Коринфянам 1:14

сяңўа̄ ма̄тын лӣгикыхкаҳпыси налиӷныҳӣна̄, ынка̄м Аӷныӷани Атанӷым Иисусым лъпыси қука̄югуткылъықаҳпысикут катам хўаңкута қука̄югуткылъымтыстун лъпыси.

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

1е Фессалоникийцам 2:20

Ипапыста̄қ лъпыси қука̄югусиқамсилъю, қуясиқамсилъю!

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 4:15

Уңипа̄тңўа̄ӷамси Атанӷым апыҳтӯтка̄ның. Атанық тагикан, хўаңкута паниның уңувалӷӣни иңьяӷаӷна̄нӷитапут тама̄кут қавақат.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 1:4

Тама̄кын апалъюқлъюку қанаткақамси иляңитнун ухпықат Кияӷныӷым юӷаӷвигитнилңуӷнун. А̄пҳақаҳпут нуқытутиныҳтулъыҳсилъю, ухпықилъыҳсилъю қайўа амью̄ткылъыңыӷңа̄ҳпыси, икфиқылъыңыӷңа̄ҳпысилъю.

2е Фессалоникийцам 1:7

Ынка̄м лъпыси икфиқылӷӣни Кияӷныӷым мыӷна̄лисна̄ӷӣси икфиқылъыӷмың хўаңкуталъю малигулъюта. Таўатын пилъықуқ алӣҳтыкумики Атанық Иисус, икнақыҳлъялӷӣтлъю яқулги. Қилягмың укихлъықут кыныӷмылъютың кумаӷуӷңалӷӣми.

2е Фессалоникийцам 2:1

Ухпықа̄лгутымнъи, уңипа̄сюгамси тагилъыҳқа̄ның Атанымта Иисус Христосым, қырңуӷутылъыҳқамнъыңлъю лъңанун.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

От Иакова 5:7

Ухпықа̄лгутымни, қыляныҳпынаси кынляңа Атанӷым тагинқихтылъыҳқа̄нун. Пӣтысиӷаҳта успутақитыху. Нунами пӣтысиӷаӷлюни қыляныӷьюкаҳпынани утақӣгақуқ укся̄ӷымлъю, упынӷа̄млъю ыслъялъюўаның нагустикаюгмың пӣсяҳқаның.

От Иакова 5:8

Лъпысилъю қыляныныҳлъюгутык ныӷьюмаңинаӷлюси қаюҳлъяк Атанық тагияҳтуҳтуқ.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

2е Петра 1:16

Атуқумаңитапут пыҳқиниқутңўа̄ӷлюки уңипаӷа̄тыңлъяқат а̄пҳақңамтыки лъпысинун аҳтуӷьяҳқа̄нӷилъҳалъю, тагилъҳалъю Атанымта Иисус Христосым. Хўаңкута катам ийыҳлъюўа̄мнъың ысҳақақаҳпут лъңан а̄ңылъыҳлъяга.

2е Петра 3:4

хўатын пилъықут: «Иисус акықика̄гуқ тагинқихлъықнилюни. На̄гу? Има сивуныпут туқуляӷа̄тылъҳитның, паниның сяңўа̄ қамахлъюни алмысиқақа̄ нунам пӣнлилъҳаның».

1е Иоанна 2:28

Таӷнуҳамни, Христосымытыкыстаҳтык ынка̄м ука алӣқан илютуяҳқа̄люта, ӣӷнақыфқа̄мта кайңуюгым лъңаның пилӷа̄кут таўани Аӷныӷми тагилъҳани.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 22:12

Иисус пӣқ: «Нагатык! Тагияҳтуҳтуңа! Акилыҳтӯсяҳқанка кылъқылъықанка налъяңиҳтуӷналюки югыт кияҳта̄лъҳистун.