1е Фессалоникийцам 2:16 - Новый Завет на эскимосском языке

¹⁶ аӷулӣҳнақуткылъыӷмыхтыхун уңипақилъыҳпут язычнигнун югулилъыңнаюката. Таўатын пилъыӷмыхтыхун илямаңинаӷӣт сыӷлыҳқылъытың ынка̄м қынўатлъю Кияӷныӷым угумиягутыҳлъяглюки қантаӷақун аӷью̄ҳлъықӣ.

1е Фессалоникийцам 2:16 Iomraidhean Croise

От Матфея 12:45

Та̄хкын а̄нлюни тагиткӣ ма̄ӷраӷвинлык туӷныӷа̄т лъңаның сыӷлыӷатаӷалӷӣт. Итыӷа̄лъютың югмун таўантыкат. Ынка̄м та̄на ю̄к сивунӷаның ўатақа̄ӷақ сыӷлыӷўа̄ӷуҳтыкақ. Таўатыҳпигақ аюқсяҳқа̄гут сыӷлыӷыт югыт кияҳлъыҳӣт ма̄тын, ўатақа̄ӷақ сыӷлыӷуҳтаӷаӷьяҳқа̄гут сивунӷани пилъыӷмыхның».

От Матфея 23:32

Ынка̄м ся̄қыстык сивуныҳпыси пӣнлиқа̄т апыӷӣҳтыху.

От Матфея 24:14

Укутлъю Пинилӷӣт Уңипат Кияӷныӷым Атаныҳпагулъҳаның аюқылӷӣт уңипақсяҳқа̄гут нунатаҳа̄ни тамаҳа̄ни рамкыңитнун нагақӣсқылъюки. Та̄хкын нуна иқухлъықуқ».

От Матфея 24:6

Нагақӯлъықуси пилъюўаның, акусқаҳта̄ткылъҳитныңлъю пилъюўат; алиңыхпынаси қаюҳлъяк тама̄на пияҳқа̄гуқ. Иўырңа сялин иқухнақңунӷитуқ.

От Матфея 3:12

Та̄на тагияҳқақ нанқихтияқлъыхӣна̄гуқ. А̄фсяҳқақӣ пинилӷӣт югыт сыӷлыӷның, катам пӣтысӣӷаҳтым пыкутаминың малъӣлъҳатун зернот. Кахпаглюки зернот малъяқ тама̄на милю̄сяҳқақа̄ қа̄мьяҳқа̄нӷилңӯгнун кынӷыгнун».

От Марка 16:16

Кина алңунак ухпықилӷӣлъю, крестилӷӣлъю югулилъыңьяҳқа̄гуқ. Иўырңа кина алңунак ухпықинӷилңуқ аӷью̄лъыңьяҳқа̄гуқ сыӷлыҳқылъыӷминун.

Деяния 13:45

Иудеит ақинакат ысҳаӷьямыхтыки юлӷутыҳлъягыт ынка̄м Павел кипулъхинақа̄т, сыӷлықыхка̄тлъю.

Деяния 13:50

Иўырңа Иудеит такукӣт язычнигыт аӷнӣт манигӯткаюгыт Кияӷныӷмун, иглыӷутистыңилъю Антиохиям на̄вгӯнъалюкык Павелылъю, Варнавалъю. Тама̄кын апалъюқлъюку амью̄ткыхкахкыт та̄кук югык, аӷуляқыстыкахкытлъю нунамыхның.

Деяния 14:19

Та̄хкын иляңи Иудеит Антиохиямыңлъю, Икониямыңлъю ка̄ткат Листрамун. Листраӷмӣнун на̄вгӯлъюкык угумӣтыстыкахкыт. Ынка̄м Иудеитлъю, Листраӷмӣтлъю Павел милюҳпага̄таӷлюку қамуқа̄т ным кылютаңанун сюмыӷмыхни туқуманилюку.

Деяния 14:2

Ынка̄м Икониямытылъқинақак, тама̄ни тытухпынатык уңипақикак Атаныӷмың. Павелылъю, Варнавалъю Атанӷым алъя̄ҳлъюхўаҳтистыҳлъяга̄тақакык югнун ипаңутаңа лӣгикысқылъюку уңипақыхка̄к Атанӷым наңлъыхталъҳа. Иўырңа ухпыӷьюгумаңилңӯт Иудеит язычнигнун сыӷлытун сюмыҳтаӷа̄ткыстыкӣт ухпықат.

Деяния 14:5

Та̄хкын иляңита язычнигытлъю, Иудеитлъю малигулъютың иглыӷутистымыхнун амью̄ткысюкахкыт апостолык, милюҳпага̄таҳӣнақлъю туқусюкахкыт.

Деяния 17:13

Иўырңа Иудеит Фессалоникамылңӯт нагақуӷьямыхтыху Павел уңипақинилюку акузитаңаның Кияӷныӷым Вериями, Верияткат. Ка̄лъютың қапшаҳқӣкат югның сыӷлылӣҳқӣкат тама̄ни.

Деяния 19:9

Иўырңа иляңи пиныҳлъюлӷӣт ухпыӷьюнӷиткат, ынка̄м сивуңитни югыт сыӷлытун акузиткыхка̄т кияҳта̄лъық Атанӷым апыҳтӯся̄. Ынка̄м Павелым униткӣ кылъқылъюки ухпықат. Та̄хкын аҳутаңа тамаҳа̄н Тиранным апыҳтуӷивигани, Павелым алыҳқуӷақыхкаңи югыт.

Деяния 21:21

Уңипа̄тақӣнңуқ апыҳтуӷақатынңуқ қамахлъюки Иудеит, язычнигыт нунаңитнилңӯт қа̄ткутыфқӣта Моисейем Лӣлиҳтӯся̄мнъун писқылъюки. Пӣқатынлъюңуқ иӷныӷит обрезаниянӷисяӷңа̄та, талўаңуқ атуқыснаниӷақан Иудеит кияҳта̄лъҳат.

Деяния 23:12

Уна̄миңани югыт ма̄лӷугыгның углялӷӣт Иудеит агӷилъютың туқунъақыхка̄т Павел. Лъмыхның акықуткат ныӷна̄нӷинъилютыңлъю, мыӷна̄нӷинъилютыңлъю кынляңа туқутылъыӷмыхнун.

Деяния 24:9

Иудеит илятқаҳтыкат Тертуллымун, акузилъҳи қамахлъюки ипаңуникӣт.

Деяния 25:2

Таўани первосвященнигытлъю, иглыӷутистыңиталъю Иудеит уңипикатка̄т, Павел сыӷлылӣҳқӣҳлъяка̄нилюку Иудеяның.

Деяния 25:7

Тагисятху, Иерусалимыӷмӣт Иудеит каңлъюқаҳлъюку анахута̄таҳлъягуманика̄т иўырңа ипапиҳқыпагниңиткӣт анахутылъҳи.

Деяния 4:12

Ынка̄м Кияӷныӷым каяхтыкақа̄ нунамун, лъңинаҳа̄гуқ югулиӷияҳқақ. Алъя натын ю̄к югулилъыңна̄нӷитуқ иўырңақун а̄таӷакун Иисусым».

Деяния 9:23

Савля уңипақилъқинаӷьян таўатын қафсиныгьяхлъяк аӷнық, Иудеит ўатақа̄ӷақ угумиягутка̄т, рыпалъ қырңуӷулъютың агӷиткыхка̄т туқунъалюку.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

К Галатам 5:11

Ухпықа̄лгутымни, уңипақиңигатуңа югыт обрезаниясқылъюки. Таўатын уңипақиңуяқума Иудеит амьюқыта̄ткынъаниӷнаяӷа̄тңа ынка̄м қақӯра̄ Христосым сюгагнӣӷуткынъаянӷита̄т.

К Ефесянам 3:13

Ынка̄ңам ӣлъқаягутыхпына̄н ухпықилъыҳси апалъюқлъюку икфиқуткыңъукымси. Икфиқылъыӷма қӯлваҳтыслъықӣси.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

1е Фессалоникийцам 1:10

Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.

2е Фессалоникийцам 2:10

Атуқылъықӣлъю алъя̄ҳӣна̄т сыӷлыӷыт пӯҳналюки туқуяҳқат. Туқуяҳқа̄гут қаюҳлъяк ухпықсюнӷилъкаңат ипалъық югулисиҳқақсяқысың.

1е Тимофею 2:4

қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық.

К Евреям 6:8

Иўырңа нуна пӣтыстимакуми сикуҳлъюгныңлъю, плевелыныңлъю сятңунӷитуқ. Якуӷна̄нитуқ Кияӷныӷым сыӷлыӷунилъыҳқа̄ның, ынка̄м паныҳсяҳқа̄гуқ.

Откровение 22:11

Кина алңунак сыӷлытун пилӷӣ нагныӷли сыӷлытун, ынка̄м кина алңунак нукыхнамың сю̄мқылӷӣ нагныӷли нукыхнамың сю̄мқылъюни. Кина алңунак ылъқуӷутңалӷӣ нагныӷли ылъқуӷутңалюни, киналъю алңунак пылюңилңуқ нагныӷли пылюңилъюни».