1е Фессалоникийцам 2:13 - Новый Завет на эскимосском языке

¹³ Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

1е Фессалоникийцам 2:13 Iomraidhean Croise

От Матфея 10:20

Акузитыт лъпыси пикынӷитаси қаюҳлъяк Атахпыси Таӷныӷакык акузилъықук лъпысигун.

От Матфея 10:40

«Китум алңунак упуӷаскаңиси, хўаңалъю упуӷалъықа̄ңа, ынка̄м китум алңунак упуӷаскумиңа, упуӷалъықа̄ каяхтистыка.

От Луки 11:28

Иўырңа Иисусым пика̄: «Итупилъ, қуястаӷақа̄гут тама̄кут Кияӷныӷым акузитаңи нагалъюки қа̄ткыхкаңит!»

От Луки 5:1

Ата̄сими аӷныӷми, На̄йвам Геннисаретым ысныңани, Иисус ныкывӷаңулюку югыт каңлъюқаҳтыка̄т наганъалюки Кияӷныӷым Акузитаңи.

От Луки 8:11

«Та̄на уңипаӷа̄н хўатын писӣгуқ: Пӣтутыт Кияӷныӷым акузиткӣ.

От Луки 8:21

Иўырңа пикӣ: «На̄калъю, аңлыгутынкалъю тама̄куңӯт нагалъҳӣт акузитаңаның Кияӷныӷым, қа̄ткыхкаңитлъю».

От Иоанна 15:3

Лъпыси укмаңиӷўа̄ӷлюси аюқуси акузитытхун акузиткыхкамкун лъпысинун.

От Иоанна 17:17

А̄фтики лъпынун ипапилъыҳқун; акузитын ипапилъҳӯқ.

От Иоанна 17:19

Лъңит апалъюқлъюки хўаңамның а̄фтыка̄гуңа лъпынун, лъңитлъю а̄фтысқылъюки акузитыхпыгун ипапилъыҳқун.

Деяния 10:33

Ынка̄м таўаниңинақ ақфасқамкын, қуякамкын тагилӷӣтын. Лӣсимаклъюку Кияӷныӷым наюқылъҳа қамахлъюта хўа̄нлыңуӷни нагақуӷьюгаҳпут сяңўа̄ қамахлъюку Атанӷым лъпынун а̄пҳысқыхка̄ хўаңкунъун».

Деяния 13:48

Язычнигыт нагақуӷлюки та̄кут акузитыт қуяҳлъякат, пика̄лӷӣтлъю: «Кияӷныӷым уңипа̄ пинӣпихтуқ». Тама̄кут Кияӷныӷым накмикыхкӣ кынлыңилңуӷмың уңувалъыңысқылъюки ухпықикат уңипа̄мың.

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 17:11

Тама̄кут Иудеяңит нагасюкыстаӷлюкык аюқыхкыхкыт Павелылъю, Силалъю Фессалоникамылңуӷның. Аҳутаңа тамаҳа̄н Иудеит лъңитның лӣнъақыхкӣт Акузитыт Игақыхкат, лӣгикналюки Павелымлъю, Силамлъю апыҳтуӷилъҳик ипаңутаңи.

Деяния 17:32

Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу».

Деяния 2:41

Та̄хкын ухпықилӷӣт уңипа̄мың крестиқат. Ынка̄м таўани аӷныӷми 3,000 ю̄к иляткақ ухпықанун.

Деяния 8:14

Апостолыт Иерусалимымылңӯт нагақуӷлюки Самарияӷмӣт ухпыӷнилюки Кияӷныӷым Уңипа̄мың, каяхтыкахкыт Петырылъю, Иоаннылъю лъңитнун.

К Римлянам 10:17

Кина алңунак ухпықилъылгуна̄нӷитуқ нагатыхпынани уңипа̄мың Христосымың аюқылӷӣмың.

2е Коринфянам 3:18

Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

К Галатам 4:14

Қайўа қинуюлъыӷма сыӷлылӣҳтысяӷңа̄ӷмиси укаваҳсимаңитаҳпысиңа налиӷмың иҳсякумаңитаҳпысиңа. Йыӷлыги, упуӷатаҳпысиңа никимқун Кияӷныӷым яқулгатун, налиӷмың Христос Иисусытун.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.

К Евреям 4:2

Пинилӷӣ уңипақ Кияӷныӷым мыӷна̄ливиганың аюқылӷӣ нагақуқақаҳпут катам тама̄кустун югыстун Моисейем маӷьяҳқуқӣстун Египетмың. Иўырңа пинилӷӣм уңипам каюсӣтылъҳитӣ қаюҳлъяк ухпықумаңита̄т нагақуқаҳтың.

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.

1е Петра 1:23

Алъхынқихтыка̄гуси. Уңувалъыӷраӷаҳси туқукаюгмың пиңунӷитуқ, иўырңа туқуңигалңуӷмың пиңӯқ. Алъхынқихтыка̄гуси Кияӷныӷым акузитаңитхун, уңувалӷӣт, кынлыңилңӯт.

1е Петра 1:25

иўырңа акузитаңи Кияӷныӷым қӯнпыкаҳқа̄гут». Та̄куста акузитыт Пинилӷӣт Уңипат уңипақыхкаңит лъпысинун.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

2е Петра 3:2

Лъпысинун нықамикысюганка аглыӷналӷӣт ӯкналиқистыт ӯкналиқуткыхкӣт. Нықамикысюгақалъю қылӷусяқ Атанымта Югулиӷистым а̄пқа̄ апостолыхпысигун.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.