1е Фессалоникийцам 1:5 - Новый Завет на эскимосском языке

⁵ қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 1:5 Iomraidhean Croise

От Марка 16:20

Та̄хкын малихся̄ҳтыт аӷуляқлъютың тамаңанун уңипақикат Пинилӷӣның Уңипаның. Атанӷым қыпҳалгусиқӣ, ипапиҳқыстыка̄лъю уңипақ алъя̄ҳлъюхўаҳтистылъыӷмикун. Аминь.

От Луки 1:1

Аңылъымни Феофил Углялӷӣм югым игақуқақӣт таўатын пилъҳыт акулымнъи. Игақуқӣт та̄куңӯт ата̄сит нагақуқапут ысҳапаканың таўатын пилъҳистун има пӣнлилъҳитның. Лъңиталъю қыпҳа̄ткақа̄т Кияӷнық уңипақылъыӷмыхтыхун уңипақ Христосымың аюқылӷӣ.

Деяния 11:21

Атанӷым аҳтуӷьяҳқа̄нӷилъҳа лъңитнитка̄лӷӣ, ынка̄м угляпыста̄қ ю̄к ухпыҳтӯлъюни қӣвӯткақ Атаныӷмун.

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 2:33

Кияӷныӷым ныкыхтыкақа̄ Иисус аӷынқигныӷмикун, таўатын қӯлвақақа̄. Акықылъыӷмитун Иисус, тӯныхкақа̄к Аглыӷналӷӣк Таӷныӷак лъңанун, ынка̄м Иисусым хўаңкунъун тӯна̄к. Тама̄кут сяӷӣӷаналӷӣт ысҳақыси, нагаскыси Таӷныӷам аҳтуӷьяҳқа̄нӷилъҳакун пилъҳӯт.

К Римлянам 1:16

Кайңукигатанка Пинилӷӣт Уңипат: Кияӷныӷым аҳтуӷьяҳқа̄нӷилъқӣ югулилъыӷмун тамаҳа̄нун ухпықилӷӣнун. Сивуклъютың уңипақыхка̄гут Иудеянун та̄хкын язычнигнун.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

1е Коринфянам 1:24

Иўырңа хўаңкунъун Кияӷныӷым накмикыхка̄нун Иудеяңуӷңа̄мта, язычнигыңуӷңа̄мта таўатынъыӷитуқ. Христосым туқулъҳан қақӯракун лӣтыстыкақӣлъю Кияӷныӷым аҳтуӷьяҳқа̄нӷилъҳаныңлъю, пыҳқинылъҳаныңлъю.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

1е Коринфянам 3:6

Лъпыси Кияӷныӷым пӣтысиӷаӷвикӣси. Пӣтысиӷаӷақуңа, Аполлосым мыҳқақа̄, иўырңа Кияӷныӷым нагустақа̄.

1е Коринфянам 4:20

Кияӷныӷым Атаныҳпагулъҳа акузитытхун аюқынӷитуқ иўырңа аҳтуӷьяҳқа̄нӷилъыҳқун аюқуқ.

1е Коринфянам 9:14

Таўатытуқ Атанӷым қылӷуся̄: Уңипаҳтытлъю Пинилӷӣның Уңипаның аклъюкыхкатың алъхыҳсяҳқақӣт тама̄куның ухпықиканың Пинилӷӣның Уңипаның.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

К Галатам 2:2

Кияӷныӷым лӣгикыста̄ңа Иерусалимытысқылъюңа. Ка̄сямта ухпықат иглыӷутистыңинӣт қырңуӷутаҳтысқанка. Таўани уңипамсюгутанка натын язычнигнун уңипақилъымның Пинилӷӣның Уңипаның. Таўатын пика̄гуңа лю̄рақ та̄кут иглыӷутистыт апыҳтуӷилъҳынка тымңиңунинаюкатки сивунӷанилъю, ма̄тынлъю.

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Филиппийцам 4:9

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

2е Тимофею 2:8

Нықамиклъюку Кияӷныӷым уңуваҳтыстыкақа̄ Иисус Христос туқулъыӷмың, киңунқа̄ Давидым. Тама̄куңӯт уңипақақыхкынка апынымки Пинилӷӣт Уңипат.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

1е Петра 5:3

Агӷиткақыхпынаки афлъыңакыхкаси, иўырңа малихсюгнаҳқитык лъңитнун.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 1:19

Тама̄кын апалъюқлъюку хўаңкунъи налъюнықшахӣтут ӯкналиқистыт ӯкналиқуткыхкӣт ипаңутаңи. Лъпысинун пиниҳлъықут сюмыҳтаӷа̄ткыңъўа̄қуфсики ӯкналиқуткыхкӣт, қаюҳлъяк кынылӷутам кӯкхутылъҳатун аюқут мамлыгмун. Таўатытыкыстаҳтык кынляңа Христосым тагилъыҳқа̄н аӷныӷанун. Та̄хкын ниӷуга кӯкхулъықуқ илюхпысинун, уна̄ңум иӷалықыта̄ӷатун аюқлъюни.