1е Фессалоникийцам 1:3 - Новый Завет на эскимосском языке

³ Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 1:3 Iomraidhean Croise

От Иоанна 14:15

«Пиниқыхкуфсиңа қа̄ткылъықаси қылӷусянка.

От Иоанна 15:10

Қа̄ткыхкуфсики қылӷусянка пиниқылъымнитыкыстаҳлъықуси таўатыҳпигақ Атама пиниқылъҳанитылъымтун қа̄ткутылъымкун қылӷуся̄нун.

Деяния 10:31

Хўа̄ пӣңа: “Корнилий! Кияӷныӷым юӷалъыҳтын нагақӯмӣ, нықамикӣлъю аклъюмалӷӣнун каюсиӷилъыҳтын.

Деяния 3:19

Тама̄кын апалъюқлъюку авутыҳқылъюси, сыӷлыҳқынъаниӷлюси қӣвитык Кияӷныӷмун. Ухпықитыху Атанық ынка̄м сяңихлъықӣ сыӷлыҳқылъыси.

К Римлянам 12:12

Қуяңатык қаюҳлъяк сиӷималъылгӯси, нуқытақитык ныкыхмылъюси сыӷлылӣныҳпысини, юӷаӷақитыклъю ӣўлың.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 15:4

Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 16:6

Уңипа̄таҳнакыси Мария сю̄мқақақаңуқ; қывӯлъюни қыпҳа̄ткақӣси.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 5:13

Ухпықа̄лгутымни, Кияӷныӷым тахсиқақӣси итымңалъыӷмун Христосыкун. Та̄ўаңинақ атуқыхпына̄н итымңалъыҳси атуӷьяҳқа̄люки сыӷлыҳқыңъалӷӣт пиюкылъҳи югусим. Итупилъ қыпҳа̄тыки иляси пиниқылъыҳпысигун.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Галатам 6:9

Ынка̄м қинуягутыхпына̄н пинитун пилъық пилътыху, қаюҳлъяк ӣлъқаюнӷилъкумта пилъыҳқақ ка̄скан акилыҳтӯсяңылъықукут.

1е Фессалоникийцам 3:6

Иўырңа Тимофейем утыӷниӷлюни уңипа̄тӣнкут қуяналӷӣмың уңипа̄мың ухпықилъыҳпысиныңлъю, пиниқылъыҳпысиныңлъю. Уңипа̄тақӣнкуңлъю ӣўлың нықамикақнилюта пинитун, ысҳаӷьюгақнилюталъю катам хўаңкута ысҳаӷьюлъымтыстун лъпыси.

2е Фессалоникийцам 1:11

Ынка̄м қӯнпың юӷа̄ткақамси хўатын: Кияӷныӷым апыӷлиси кияҳтыңъунилюси лъми кияҳтысқысюлъыӷмитун. Аҳтуӷьяҳқа̄нӷилъыӷмикунлъю на̄михлъигу қамахлъюку пиюкылъыҳси пинилъыӷмун, қыпҳалъҳилъю ухпықилъыҳпыси.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

1е Тимофею 2:3

Таўатылңуқ юӷалъық пиниҳтуқ, ыфқуӷнаҳтуқ Кияӷныӷми Югулиӷистымнъи,

К Евреям 10:36

Аклъюкңўа̄ҳси нуқынъыҳтулъық атуқсяҳқа̄люку Кияӷныӷым пиюкылъҳа. Та̄хкын алъхыҳлъықаси акықусяқыхкӣ.

К Евреям 11:17

Кияӷныӷым акықыхкақыхкаңа Авраам: «Исаакыкун киңуныҳлъягулъықутын». Ухпықилъыҳқун Авраамым ныӷьюкыхкақа̄ Кияӷнық нанӷӣқўа̄қңатни. Ынка̄м аҳқуткысяҳқа̄ҳтыка̄ кызымаҳақ иӷныни, Исаак.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

К Евреям 6:15

Авраам қыляныҳпынани утақӣка̄гуқ, ынка̄м алъхыҳтыкақа̄ Кияӷныӷым акықуся̄.

1е Петра 3:4

Итупилъ пиниӷнаҳтык илюхпысигун қусывыхлъылиӷлюси, ныкыхмылъылиӷлюсилъю. Таўатылңуқ пиниӷналъық қӯнпыкаҳқа̄гуқ, мыгнунаҳлъяхтуқ Кияӷныӷмун.

1е Иоанна 3:18

Таӷнуҳаҳаӷни! Пиниқияҳқа̄нӷитукут акузитыра̄ӷинаҳтыхунлъю, акузилъымтыхунлъю. Йыӷлыги пиниқилъта ипапиҳқылъюта наңаӷнымтыхун.

1е Иоанна 3:21

Пиниқыхкамни, сыӷлыӷнинӷилъкумта тытугна̄нӷитаҳпут Кияӷнық.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.

1е Иоанна 5:3

Уна пиниқылъҳӯқ Кияӷныӷмун: қа̄ткутылъыҳпут қылӷуся̄нун. Қылӷусӣ пияқнаҳлъягунӷитут,

Откровение 2:19

Лӣсимакамси ся̄лъыҳси. Лӣсимакақа пиниқылъыҳси, ухпықылъыҳси, қыпҳа̄тилъыҳси, нуқытутилъыҳсилъю. Лӣсимаканка тама̄кут ўата пӣқаси сивунӷани пӣқылъыҳпысиның.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.