तीतु 3:8 - पवित्र पोल्‍ले

⁸ इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

तीतु 3:8 Iomraidhean Croise

मत्‍तयाल 20:4

मिमेटगुडा नावा अंगुर बगिचाते कबळ कियालय होंट. मीवा कबळलायक बूति मीकु हींतन, इंचि मालक ओर्क वेहतोर. अल्हा इत्‍तारित्‍ते ओरगुडा बगिचाते कबळ कियालय होत्‍तुर.

योहान 12:44

अस्‍के येसु वरगेय्‍सि, “बोर अय्ते नापोर्रो विस्वासम इर्रंतोर, ओर सिराप ना पोर्रेन आयो गानि, नाकुन लोहचीतोन पोर्रोगुडा विस्वासम इर्रंतोर.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

प्रेरितुल्‍कुना कबाह्‍क 12:15

अस्‍के, नीकु पिसा पीताना? इंचि अगा मत्‍तोर इत्‍तुर. अद वेहनद निजमे इंचि बच्‍चोनो वेहता. अस्‍के ओर, अद ओना पेनदा दूता आयावच्‍चु, इंचि इत्‍तुर.

रोम सहरतोरहाटीं पौलुसना सिट्‍टि 4:5

गानि पेनदा मुन्‍ने बोरे मनकल बेसता कबाह्‍क कीसि नीतिमंतुड आयोर. पापिर्कुनगुडा मापि कियना पेनदापोर्रो विस्वासम इरतेने, अद ओन नीतिमंतुड कींता.

2 कुरेंति 4:13

दर्मसास्‍त्रमते, “नना विस्वासम कीतन, अदुनहाटीं वळ्‍कतन” इंचि रासि मत्‍ताप मोमोट विस्वासम कीतोम, अदे विस्वासमता आत्मा मावा लोप्पो मंता इंचि मोमोट वळ्‍कतोम. बारित्‍ते अदे विस्वासमता आत्मा मावा लोप्पो मंता.

इपीसि 4:28

बोर अय्ते मुन्‍ने दोंगातनाल्‍क कियुंदुर, ओर इंदके अदुन होळसियना. सतता कय्‍कुने कस्‍टम कीसि, बेस तरिकाते कमांचना. अस्‍केन, अव्‍सरम मत्‍तोर्क ओर सहायम किया पर्रंतोर.

1 तिमोति 1:15

पापिर्कुन पिसागोटनाहाटीं येसु किरिस्‍तु इद दुनियाते वातोर. ई पोल्‍ले सत्‍तेम आनि पूरा ओप्कुननालायक मंता. अंटोर्कन्‍ना पेद्‍दा पापिन नना आंदुन.

1 तिमोति 2:8

अदुनहाटीं पारतना कियना अन्‍नि जेगाने मनसुने बतले होंगु-जगडम इर्रांकोंटा पवित्र कय्‍कु पोर्रो तेहचि मांडसा पारतना कियना इंचि नावा इच्‍चा मंता.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

तीतु 3:1

राज्येम कियानोरद आनि अदिकारिल्कुना पोल्‍ले केंजसि ओर वेहताप ताकना, इंचि लोकुल्‍कुंक मति कीसि हीम. इंका कदरलायक मंदना हरेक बेस कबळ कियालय बस्‍केळ्‍क तयार मंदना.

तीतु 3:14

अवसराल्कुन दोर्किच्‍कुननाहाटीं मना लोकुल्‍कगुडा बेस कबाह्‍क कीसेके मनमळ करियगोम, अल्हा कीते ओर पलम हियानोरलेह्का मनांतुर.

पिलेमोन 1:11

मोदाला ओर नीकु बता कबळ्‍क ओज्‍जाकोंटा मत्‍तोर. गानि इंदके ओर मना इव्‍वुर्कगुडा कबळ्‍क ओज्‍जंतोर.

इब्रि 10:24

मनम वरोंक वरोर पावरम कियालय, बेसता कबाह्‍क कियालय आनि बतल-बल्हा कीते बेस इंचि वरोंक-वरोर दैरनेम हियालय विचारम कीकोम.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.