तीतु 2:2 - पवित्र पोल्‍ले

² ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

तीतु 2:2 Iomraidhean Croise

मरकुस 5:15

येसुनगा वासि हूळतुर अय्ते, देय्याल्क पीसि मत्‍ता मनकल पुरागा बेस आसि, कपडिं केर्सि उद्‍दिसि मत्‍तद ओर्क दिसतोर. अल्हा मत्‍तद हूळसि ओर्क वेर्रे दल्‍गता.

लूकाल 8:35

बतल आता इंचि हूळालय अगाटा लोकुल्‍क येसुनगा वातुर. अगा वासि हूळतुर अय्ते, देय्याल्कुनाल इळबळता मनकल ओर बेस आसि, कपडिं केर्सि येसुना काल्कुनगा उद्‍दिसि मत्‍तोर. अल्हा मत्‍तद हूळसि ओर्क वेर्रे दल्‍गता.

प्रेरितुल्‍कुना कबाह्‍क 24:25

गानि बस्के अय्ते, सत्‍तेमते बल्हा ताकाना, बल्हा ओप्‍केते मनना, पेन दुनियातोरा न्‍यायम आकिरते बल्हा किय्‍यार इव पोल्‍लेना बारेमते पौलुस पिलिक्‍सुनतोनि चर्चा कीतोर, अस्‍के पिलिक्‍स वेरियसि, “इंदके निमे होन, वेला दोर्कतस्के नना नीकुन मर्रा केयंतन,” इंचि पौलुसुन इत्‍तोर.

रोम सहरतोरहाटीं पौलुसना सिट्‍टि 12:3

पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

1 कुरेंति 15:34

अदुनहाटीं नीतिते ताकसि उसारते मंटु, पापम कियमट. मीलोप्‍पो बच्‍चुटुरो पेनदुन एरपाट कियवोरगुडा मंतुर, मीक सिग्गु वायागोम इंचि इद पोल्‍ले वेहसेक मंतन.

1 कुरेंति 9:25

कर्सानोर अंटोर बेस करियसि ओरद-ओर तयारते मनंतुर, अदगुडा नासडेम आयाना किरिटम दोर्किच्‍कुनालय इवन्‍नि कींतुर. गानि मनम अय्ते बस्‍केने नासडेम आयवा किरिटम दोर्किच्‍कुनालय कींतोम.

2 कुरेंति 5:13

माकुन गिंटा बोरन्‍ना पिस्‍सालोर इंचि इत्‍ते, पेनदाहाटींगे आतोम. बोरन्‍नागिंटा माकुन बेसता बुद्‍दितोर इंचि इत्‍ते मीवाहाटींगे आतोम.

गलातिया 5:23

इल्‍हा ताकते इवुंक अड्‍डम बदे नियम हिल्‍ले.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

1 तेसलोनि 5:6

अदुनहाटीं मनम वेरेतोरालेसीं मींडसि मनमळ आयो गानि तेल्‍विते, उसारते मंदकोम.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

1 तिमोति 1:10

बोगमतनम कियानोराहाटीं, मांड्‍सा-मांड्‍सातोनि बोगमतनम कियानोराहाटीं, मनकालोर्कुन दोर्कापीसि अम्मानोराहाटीं, आबद्‍दम वळ्कानोराहाटीं, तप्‍पुड गवाइ वेहानोराहाटीं इंका सत्‍तेम पोल्‍लेन आबद्‍दम कियानोराहाटीं ई मूसाना नियमकु मंतां.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

1 तिमोति 1:2

विस्वासमते नावा निजम मर्रि आता तिमोतिंकु इद सिट्‍टि रासतन. मना पेनबाबानाहेंदाल आनि मना सामि येसु किरिस्‍तुनहेंदाल नीकु कुर्पा, दया आनि सांति दोर्कि.

1 तिमोति 1:5

ई आदेसता उद्‍देसम, पवित्र गुंडेताल, मनसुना बेस पोल्‍लेताल आनि निजम विस्वासमताल पुट्‍टना पावरम आंद.

1 तिमोति 3:11

इल्हेने मुर्ताह्कगुडा अंटोर कदर हियनलायक मनगोम. अवुनगा वेरेतोर्कुन अपमानम कियना गुनम मनामन्‍नि. गानि बेस ओप्‍केते अन्‍नि पोल्‍लेने विस्वासम कियनलायक अव मनगोम.

1 तिमोति 3:2

पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

1 तिमोति 3:4

ओर ओना सतता कुटुंब बारेमता अन्‍नि जिम्मेदारिं बेस हूळकुनानोर मनगोम, ओना मर्क-मियाह्क ओना देकरेकते मंचेके ओना बेस कदर कियनोर मनगोम.

1 तिमोति 3:8

कलिसियाता सेवाकुल्कगुडा अल्हेन कदरलायक मनना. ओर रोंड नाल्केनोर इत्‍ते चुगलीं कियानोर मनामन्‍नि, ओर्कु कल्‍लु उनना अलवट मनामन्‍नि, ओर तप्पु कबाह्‍क कीसि संपादिंचनोर मनामन्‍नि.

1 तिमोति 5:1

पेद्‍दा वयम मनकन तेराहताप वळ्कुमा, गानि ओन नीवा बाबाल इन्कुंचि ओन्क तेल्‍पिचि वेहा. सिन्‍नोर्कुन तम्मुर इन्कुंचि ओरतोनि व्यवहार कीम.

तीतु 1:13

ओर वेहता गवाइ निजमे आंद. अदुनहाटीं आबद्‍दम बोदातुन नम्मना विस्वासुल्कुंक गट्‍टिगा वेर्रे वेहा. अस्‍केन ओर सत्‍तेम विस्वासमते गट्‍टिपळांतुर.

तीतु 1:8

गानि आ अदिकारि हेडमितोन बेस हूळकुनानोर आयगोम, बेस कियमळतुन पावरम कियानोर आयगोम, मनसुना आसेन आपिसि पीसि मनानोर आयगोम, ओर सादा-सिंपल मनागोम, पवित्र आनि सततुन आपकुंचि मनानोर आयगोम.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

2 पत्रु 1:6

तेल्‍विते सततुन आपकुनमळ, सततुन आपकुनमळते दैरनेम, दैरनेमते बक्‍ति.