तीतु 2:15 - पवित्र पोल्‍ले

¹⁵ इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.

तीतु 2:15 Iomraidhean Croise

मत्‍तयाल 7:29

बारित्‍ते येसु ओर्कु ओरा दर्मसास्‍त्रम कराहना गुरुल्‍कुनलेसीं आयो गानि अदिकारम मत्‍ताप कराहतोर.

मरकुस 1:22

येसु पेनदा पोल्‍लें ओरा दर्मसास्‍त्रम कराहना गुरुल्‍कुनलेसीं आयो गानि अदिकारम मत्‍ताप कराहतोर. अदुनहाटीं ओना कराहमळतुन केंजसि लोकुल्‍क वेल्‍ले इचंत्रम आतुर.

मरकुस 1:27

अदुन हूळसि अगा मत्‍तोर अंटोर इचंत्रम आसि, वरोंक-वरोर इल्‍हा वळकालय दल्‍गतुर, “इद बसोंटा पोल्‍ले, इद अय्ते पूना बोदा आंदु, ईर अदिकारमते देय्याल्कुन ओना लोप्पोटाल पेय्सि होंटु इंचि आदेस हींतोर, अव ईना पोल्‍ले केंजसेक मंतां.”

लूकाल 4:36

अगा मत्‍तोर लोकुल्‍क इचंत्रम आसि, वरोंक-वरोर वळकालय दल्‍गतुर, “इद बसोंटा पोल्‍ले आंदु? ओर अदिकारमते, ताकतते देय्याल्‍कुंक आदेस हींतोर, अव पेय्सि दांतां!” इंचि इत्‍तुर.

1 कुरेंति 16:11

अदुनहाटीं ओन बोरे सिन्‍नगा हूळा मन्‍नि, ओन सांतिते नहगा लोहट. मिहगटा विस्वासुल्‍कुनतोनि ओर वायानुर इंचि नना एदुर हूळसेक मंतन.

1 तिमोति 5:20

बस्‍केळ्‍क पापम कीसेक मनानोन अंटोरा मुन्‍ने तेरहा. अस्‍के कळमातोर अल्हा कियाकोंटा वेर्रेते मनांतुर.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

तीतु 1:13

ओर वेहता गवाइ निजमे आंद. अदुनहाटीं आबद्‍दम बोदातुन नम्मना विस्वासुल्कुंक गट्‍टिगा वेर्रे वेहा. अस्‍केन ओर सत्‍तेम विस्वासमते गट्‍टिपळांतुर.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.