तीतु 2:12 - पवित्र पोल्‍ले

¹² अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

तीतु 2:12 Iomraidhean Croise

मत्‍तयाल 12:32

अल्‍हेने मनकना रूपमते पुटतोन नाकु विरोदमते बोर वळ्‍किना, पेन ओना तप्‍पुकुन मापि किय्‍यार. गानि पवित्र आत्माकु विरोदमते वळ्‍कानोन मात्रम पेन माप किय्‍यो. इद कालमते आयि, वायना कालमते आयि, बस्‍केने माप किय्‍यो.

मत्‍तयाल 16:24

अस्‍के येसु ओना सिस्युल्कुंक इल्‍हा वेहतोर. “ओक्‍कला बोरन्‍ना मनकल नावा पज्जो वायना इत्‍ते, ओर ओना पूरा इस्‍टाल्क होळसिसि सतता क्रुस तेह्‍कुंचि नावा पज्जो वायिर.

मत्‍तयाल 28:20

नना मीकु हीता आदेस परकारम ओर्कु ताकालय करहट, ई दुनिया मुंळगना आकिर वेलादाका नना बस्केळक मीतोने मनंतन,” इत्‍तोर.

लूकाल 1:6

ओर इव्वुरगुडा पेनदा नदरते नीतिमंतुल्क मत्‍तुर आनि सामि वेहता अन्‍नि नियमकु आनि आदेसकुन पीसि दोसेम हिलाकोंटा ताकुंदुर.

योहान 14:30

इंका मीतोनि एक्‍को वळ्‍कोन. बारित्‍ते दुनियापोर्रो राज्येम एलाना अदिकारि वासेकेन मंतोर. वासि अयना नावापोर्रो ओन्क बतले अदिकारम हिल्‍ले.

योहान 6:25

पजा लोकुल्‍क हब्बेर ओड्‍डु एवतंका येसुन अगा हूळसि, “रब्‍बी! निमे इगे बस्के वातिन?” इंचि पूसकीतुर.

प्रेरितुल्‍कुना कबाह्‍क 24:16

अदुनहाटीं नना पेनदा मुन्‍ने आयि, लोकुल्‍कुना मुन्‍ने आयि, बस्‍केळ्‍क बेस मनसुने ताकालय हूळंतन.”

प्रेरितुल्‍कुना कबाह्‍क 24:25

गानि बस्के अय्ते, सत्‍तेमते बल्हा ताकाना, बल्हा ओप्‍केते मनना, पेन दुनियातोरा न्‍यायम आकिरते बल्हा किय्‍यार इव पोल्‍लेना बारेमते पौलुस पिलिक्‍सुनतोनि चर्चा कीतोर, अस्‍के पिलिक्‍स वेरियसि, “इंदके निमे होन, वेला दोर्कतस्के नना नीकुन मर्रा केयंतन,” इंचि पौलुसुन इत्‍तोर.

रोम सहरतोरहाटीं पौलुसना सिट्‍टि 12:2

मिमेट इद दुनियातोर पिसताप पिस्‍सामन्‍नि गानि मिमेट मीवा मनसु मार्सकुंचि पेनदुक नच्‍चना पिस्वर पिस्‍सट. अस्‍के पेनदा इच्‍चा बतलो एरपाट कींतिर. एरपाट कीसि, “अद इच्‍चा वेल्‍लेन बेसतद, कुसि हियानद, बतले तप्पु हिलवद,” इंचि मीकु तेळियंता.

रोम सहरतोरहाटीं पौलुसना सिट्‍टि 6:12

अदुनहाटीं रोंड रोजकु पिस्सना मीवा पिस्वरते पापमता राज्येम वायाकोंटा जेगर्ता मंटु. इंका दाना सेड्‍डा आसेनाल लक्‍कु मंटु.

रोम सहरतोरहाटीं पौलुसना सिट्‍टि 6:19

इव पोल्‍लेन अर्तम कीकुनना ताकत मीकु हिल्‍ले इंचि नना उंदि उदाहरन हीसि मीकु वेहासेके. दीनकन्‍ना मुन्‍ने मिमेट मीवा मेंदुलतुन रोता कबाह्‍क, तप्‍पुड कबाह्‍क कियालय अप्‍पजेपसि मत्‍तिर. दानहेंदाल वेल्‍लेन पापम आता. अल्‍हेने इंदके मिमेट मीवा मेंदुलतुन सत्‍तेमता कबाह्‍क कियालय अप्‍पजेप्‍पट, अस्‍के मिमेट पेनदा पवित्र लोकुल्‍क आकिट.

रोम सहरतोरहाटीं पौलुसना सिट्‍टि 8:13

बारित्‍ते मिमेट पापि गुनाल्‍कुने पिसानय्ते तप्‍पाकोंटा हांतिर. गानि आत्माता सहायमतोनि मीवा पापि गुनाल्‍कुन हव्कानय्ते मिमेट पिस्संतिर.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

गलातिया 5:24

बोर अय्ते येसु किरिस्‍तुन विस्वासम कीतोर मंतुर, ओर ओरा पापि विचाराल्कुन, पापि आसेन क्रुसुनपोर्रो वेलाड वाटताप अवुंक लक्‍कु आतुर.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

कुलुसि 1:22

इंदके मीकुन पेनदा मुन्‍ने पवित्र, डाग हिलाकोंटा, दोसेम हिलाकोंटा निल्‍हागोम इंचि ओर ओना हामुरहेंदाल मीवा मेंदुल्ता हव्‍वितुन ओना मेंदुल्ते कल्‍पकुत्‍तोर.

1 तेसलोनि 4:7

बारित्‍ते पेन मनाकुन पवित्र मनालय केयता, कराब मनालय आयो.

1 तेसलोनि 4:9

इंदके वरोंक-वरोर पावरम कियमळ मिमेट पेनदाहेंदाले करियतिर. अदुनहाटीं दादाल-तम्मुह्कुनालेसीं मिमेट वरोंक-वरोर पावरम कीम्‍टु इंचि रासनद अव्‍सरम हिल्‍ले.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 6:17

ई दुनियाते मनना सिरमंत लोकुल्‍क, गर्रा कियामन्‍नि. नासडेम आसि होनना दनम पोर्रो आसे इर्राकोंटा, जीवाते मनना पेनदापोर्रो विस्वासम इर्राना. आ पेने मना आनंदमहाटीं गावाले मत्‍तव आ अन्‍नि बेसतवुन इरगा हींता, इंचि ओर्क आदेस हीम.

1 तिमोति 6:9

गानि सिरमंत आंतोम इनकुनना लोकुल्‍क कतरनाक परिक्‍साने, उर्रिने, अव्‍सरम हिल्वव वेल्‍लेन नुकसान कियनसोंटा इच्‍चाने हिरकंतुर. असोंटा इच्‍चां मनकालोर्कुन हेळाहचि नासडेम कींतां.

2 तिमोति 3:12

किरिस्‍तु येसुना लोप्पो पेनदा बक्‍तिते ताकंतन इंचि इच्‍चा इर्राना अंटोर्क कस्‍टाल्‍क अय्ते वायानुंगे.

2 तिमोति 4:10

बारित्‍ते देमासु इनानोर ई दुनियाता पावरमते नाकुन होळसि तेसलोनि सहर होत्‍तोर. क्रेसेंस इनानोर गलातिया एरियाते होत्‍तोर आनि तीतु इनानोर दलमतिया राज्येमते होत्‍तोर.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

इब्रि 8:11

अद वेलाते सिन्‍नाल्क-पेद्‍दाल्क अंटोरे नाकुन एरपाट कीसि मनांतुर, अदुनहाटीं, पेनदुन एरपाट कीम्‍टु, इंचि लोता पक्‍कातोर्क आयि जीवातोर्क आयि, ओर-ओरा नाटेनोर्क वेहना अव्‍सरम हिल्‍ले.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.

2 पत्रु 2:9

इल्‍हा, बक्‍तिगल्‍लोर्कुन परिक्‍सानाल बल्हा कापाळना आनि बक्‍ति हिल्वोर्कुन न्‍यायमता रोजुनदाका सिक्‍साते बल्हा वाटसि इर्राना इत्‍तद सामिंक तेळियसे मंता.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.

1 योहान 2:27

गानि बदुनतोनि अय्ते मीवा अबिसेकम आता, अद मीलोप्‍पो निल्‍सि मनंता. अदुनहाटीं बोर मीकु कराहना अवसरम हिल्‍ले. मीलोप्‍पो मनना अबिसेकम, मीकु अन्‍निटवुना बारेमते कराहंता. अद सत्‍तेम आंद, दाना कराहमळ आबद्‍दमतद आयो. अद मीकु बल्हा कराहंता, अल्हा मिमेट किरिस्‍तुना लोप्पो निल्‍सि मंटु.

1 योहान 2:6

बोर अय्ते, “नना पेनतोनि कलियसि पिस्सेक मंतन,” इंचि वेहंतोरो, ओर कुद्‍दु किरिस्‍तु पिसतसोंटा पिस्वर पिसागोम.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

पेन हुपिस्‍ता पोल्‍लें 14:12

अदुनहाटीं पेनदा आदेस परकारम ताकानोर आनि येसु सामिना पोर्रो विस्वासम कियाना पेनदा लोकुल्‍क तिप्पल्कुने ओप्के पियमळे गावाले.