तीतु 2:11 - पवित्र पोल्‍ले

¹¹ बारित्‍ते अंटोर लोकुल्‍कुंक मुक्‍ति हियनाहाटीं पेन दाना कुर्पातुन हुपिस्‍ता.

तीतु 2:11 Iomraidhean Croise

मत्‍तयाल 28:19

अदुनहाटीं मिमेट होंचि दुनियाता अन्‍नि देसेल्‍कुना लोकुल्‍कुन सिस्युल्क कीम्‍टु. ओर्कु बाबाना पोरोलते, मर्रिना पोरोलते आनि पवित्र आत्माता पोरोलते बापतिस्मा हीम्टु.

मरकुस 16:15

पजा ओर्कु इल्‍हा वेहतोर. “मिमेट होंचि दुनियाता अन्‍नि देसेल्‍कुना लोकुल्‍कुंक बेसता कबुर प्रचार कीम्‍टु.

लूकाल 24:47

पापाल्क मापि आयनाहाटीं मनसु मार्सकुनुळ अव्‍सरम मंता. इदे कबुरतुन येरुसलेमताल सुरुव कीसि, दुनियाता अन्‍नि देसेल्‍कुना लोकुल्‍कुंक किरिस्‍तुना अदिकारमते वेहमळ जरगार.

लूकाल 3:6

अस्‍के अंटोर लोकुल्‍क पेन मुक्‍ति हियानदुन हूळंतुर.”

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:9

हरेक मनकंक निजमाता वेलगु हियानोर, इद दुनियाते वासेक मत्‍तोर.

प्रेरितुल्‍कुना कबाह्‍क 11:23

ओर अगा होंचि अगाटा लोकुल्‍कुनपोर्रो पेनदा कुर्पा हूळसि इरगा कूस आतोर, सामिनतोनि बस्‍केळ्‍ताहाटीं पूरा मनसुनाल बेस विस्वासमते नित्‍तिसि मनना, इंचि ओर्क अंटोर्क दैरनेम हीतोर.

प्रेरितुल्‍कुना कबाह्‍क 13:43

वेल्‍लेटुर यहुदिल्कु अल्‍हेने यहुदि जातिते वाता वेरे जातितोर, पौलुस, बरनाबासुना पज्जो होत्‍तुर. ओर, लोकुल्‍कुनतोनि वळकसेके, “बस्‍केळ्‍क पेनदा कुर्पाते मंटु,” इंचि ओर्कु वेहतुर.

प्रेरितुल्‍कुना कबाह्‍क 13:47

बारित्‍ते पेन माकु इल्‍हा आदेस हीता: “सामि लोकुल्‍कुन बल्हा पिसागोटंतोर इदु पोल्‍ले निमे दुनियंता वेहगोम इंचि, नना नीकुन वेरे जातितोरहाटीं वेडसि हुप्‍सानोन कीतन,” इंचि इत्‍तोर.

प्रेरितुल्‍कुना कबाह्‍क 17:30

मुन्‍नेटा लोकुल्‍कुना पेनदा बारेमते तेल्वि तक्‍को लेक्‍कनहेंका पेन ओर्कुन हूळसिगुडा हूळवाप कीता. गानि इंदके मात्रम दुनियाता अंटोर लोकुल्‍क मनसु मार्सकुननाहाटीं आदेस हीसंता.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

रोम सहरतोरहाटीं पौलुसना सिट्‍टि 10:18

अयना नना उंदि पोल्‍ले पूसकींतन, इस्राएलतोर इद कबुरतुन केंजा हिल्‍लुरा? तप्‍पाकोंटा केंजतुर. इदुना बारेमते इल्‍हा रासतद मंता: “ओरा लेंग दुनियंता केंजा होत्‍ता, ओरा पोल्‍ले दुनियाता मूला-मूलादाका एव्ता,” इंचि दर्मसास्‍त्रमते रासि मंता.

रोम सहरतोरहाटीं पौलुसना सिट्‍टि 5:15

गानि पेनदा वरम आनि आदामुना पापम, इव रोंड पोल्‍लेन नड्‍डुम मात्रम वेल्‍लेन परक मंता. वरोर कीता पापमहेंदाल वेल्‍लेन मंदिक हामुर वाता. गानि दानकन्‍ना एक्‍को पेनदा वरम आनि कुर्पा मंता. ई कुर्पा येसु किरिस्‍तुनाहेंदाल वेल्‍लेन मंदिक दोर्कंता.

रोम सहरतोरहाटीं पौलुसना सिट्‍टि 5:2

इंदके मनम पेनतोनि कलियसि पिस्सना पिस्वरगुडा पेनदा कुर्पातेन दोर्कतद आंद. अचोने आयाका पेनदा महिमाता वेलगुने मनम उंदि रोज मनांतोम इत्‍ता आसेते वेल्‍लेन कूस मंतोम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 2:21

पेनदा कुर्पातुन नना विलवा हिल्‍ले इंचेक हिल्‍लेन. गानि मूसाना नियम परकारम ताकसि मनकालोर नीतिमंतुल्क आयानय्ते मनाहाटीं येसु किरिस्‍तु हायना अव्‍सरम मनाहिल्‍ले मरि.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

इपीसि 2:8

पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

1 तिमोति 2:4

लोकुल्‍क अंटोर्कुंक मुक्‍ति दोर्कना आनि निजमतुन एरपाट कियना इंचि पेनदा इच्‍चा मंता.

2 तिमोति 1:10

गानि इंदके इद पोल्‍ले, मनाकुन कापाळना किरिस्‍तु येसु वाताहेंका मनाकु तेळियसोत्‍ता. ई किरिस्‍ते हामुरतुन रद्‍द कीसि, बेसता कबुरताहेंदाल पिस्वरतुन आनि बस्‍केळ्‍क जीवाते मनानदुन पलाते अरहतोर.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

इब्रि 2:9

अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.