तीतु 2:10 - पवित्र पोल्‍ले

¹⁰ इंका मालकुल्कुनगटाल दोंगातनम कियामन्‍नि गानि अन्‍नि पोल्‍लेने बेस विस्वासमलायक ओर मंदना. अल्हा मत्‍ते, मनाकुन कापाळना मना पेनदा बारेमता कराहमळतुक ओर इंकिच्‍चो कदर तर्रांनोर आंतुर.

तीतु 2:10 Iomraidhean Croise

मत्‍तयाल 24:45

मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक सेवक मालाकुंक गावाले. अय्ते असोंटा सेवक बोर मंतोर? बोर सेवक अय्ते, मालक मल्सि वातस्के वेहता कबळ बरोबर कीसेक मनांतोर, ओरे सेवक बेस आसिर्वाद दोर्कुतोर आंद.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

लूकाल 1:47

नाकुन पिसागोटना पेन नावा आत्माकु कुसि हीता.

लूकाल 1:80

इल्‍हा आ पेडल पेद्‍दा बेर्सतोर. अल्हे आत्मातेगुडा बेस गट्‍टिगा आतोर. ओर ओना इस्राएल लोकुल्‍कुंक पेनदा पोल्‍लें वेहना वेला एवनदाका ओर बय्‍लि जेगाने मत्‍तोर.

लूकाल 16:10

“सिन्‍ना पोल्‍लेतेगुडा बोर अय्ते विस्वासमलायक मंतोर ओर पेद्‍दा पोल्‍लेतेगुडा विस्वासमलायक मंतोर. अल्‍हेने बोर अय्ते सिन्‍ना पोल्‍लेतेगुडा विस्वासमलायक हिल्‍लोर ओर पेद्‍दा पोल्‍लेतेगुडा विस्वासमलायक हिल्‍लोर.

योहान 12:6

ओन्क गरिब लोकुल्‍कुना पर्वा मंता इंचि अल्हा इना हिल्‍लोर. गानि ओना दोंगा बुद्‍दिहेंदाल, ओनगा कोत्‍तना संचि मननेंके, आ संचिते वाटता कोत्‍तानाल ओर दोसकुनुंदुर. अदुनहाटींगे ओर अल्हा वळ्कतोर.

1 कुरेंति 4:2

अल्‍हेने पेनदा मर्ममता देकरेक कियानोर विस्वासम कियानालायक मनमळ गावाले.

इपीसि 4:1

मीकुन पेन दाना लोकुल्‍क आयानाहाटीं केयता, अय्ते दाना लोकुल्‍क बल्हा अय्ते पिसानो अल्हा मिमेट पिस्‍सट इंचि, सामिनाहाटीं जेलुंक होत्‍तोन नना मीकु विनंति कीसंतन.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

1 तिमोति 1:1

इद सिट्‍टि पौलुसुनद आंद. मनम बोनपोर्रो अय्ते आसे पडसि मंतोम, आ किरिस्‍तु येसु आनि मनाकुन कापाळाना पेनदा आदेसताहेंदाल नना किरिस्‍तु येसुना प्रेरित आतन.

1 तिमोति 5:17

कलिसिया ताकसानोरव्टेटाल बोर अय्ते बेस कलिसिया ताकसंतोरो, ओन्क वेल्‍ले कदर हियगोम. विसेस कीसि बोर अय्ते प्रचार कियालय, कराहलय कस्‍टपळंतोरो ओन्क रोंड अंताल्‍क कदर दोर्कुगोम.

1 तिमोति 6:1

बोर अय्ते दासि कबळ कीसेके मंतुरो, ओर अंटोर ओरा मालकुल्कुन अन्‍नि तीरकुना मान-मर्यादालायक इनकुनगोम. अस्‍केने पेनदा पोरोल आनि कराहता पोल्‍ले बदनाम आयाकोंटा मनंता.

1 तिमोति 6:3

इंका ओक्‍कला बोरन्‍ना ई पोल्‍लें तप्‍पा वेरे कराहनय्ते, अचोने आयाका मना सामि येसु किरिस्‍तुना निजम पोल्‍लेन पियाकोंटा, ओर वेहता बक्‍तितुन ओप्कुनाकोंटे,

तीतु 1:3

बरोबर गावाले मत्‍ता वेलातेन पेन दाना पोल्‍लेन मनाकु वेहचि हुपिस्‍ता. इदे बेसता कबुरतुन वेहनाहाटीं मनाकुन कापाळना पेन नाकु आदेस हीसि अप्पजेपता.

तीतु 3:4

गानि मनाकुन पिसागोटना पेनबाबाल ओना बेसतनम आनि पावरमते निंडिस मत्‍ता दयातुन मनापोर्रो हुपिच्‍चि,

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

2 योहान 1:9

किरिस्‍तु कराहता बोदा परकारम ताकाकोंटा बोर अय्ते मुन्‍ने-मुन्‍ने दांतोर, ओर पेनतोनि कलिया हिल्‍लोर. गानि बोर अय्ते किरिस्‍तु कराहता बोदा परकारम ताकंतोर, ओनतोनि पेनबाबाल, मर्रि इव्वुरगुडा मनांतुर.