तीतु 1:2 - पवित्र पोल्‍ले

² ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

तीतु 1:2 Iomraidhean Croise

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

मरकुस 10:17

येसु अगटाल पेय्सि हर्रि पीसि होननेंके, वरोर मनकल विच्‍चि वासि काल्कुनपोर्रो अर्सि, “गुरु, निमे बेसतोन आंदिन. बस्‍केळ्‍क पिस्सना पिस्वरता वारसदार आयानाहाटीं नना बतल कीते बेस?” इंचि पूसकीतोर.

योहान 10:28

नना अवुंक बस्‍केळ्‍क पिस्सना पिस्वर हींतन, अव बस्‍केने नासडेम आयों, नावा कय्‍दाल अवुन बोरे गुंजकुना पर्रोर.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

योहान 5:39

बस्‍केळ्‍क पिस्सना पिस्वर दर्मसास्‍त्रमहेंदाल दोर्कंता इंचि मिमेट अव्टे पह्कट, अदे दर्मसास्‍त्रम नावा बारेमते गवाइ वेहचंता.

योहान 6:54

गानि बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर्क बस्‍केळ्‍क पिस्सना पिस्वर दोर्कंता. आकिर रोजुने ओर्कुन नना जीवाते तेहांतन.

योहान 6:68

अस्‍के सिमोन पत्रु, “सामि, मोमोट इंका बोनगा दाकोम? बस्‍केळ्‍क पिस्सना पिस्वर हियना पोल्‍लें अय्ते निहागेन मंतां!

प्रेरितुल्‍कुना कबाह्‍क 15:18

पेन कुद इदुन बारेमते वेल्‍लेन रोजकु मुन्‍ने वेहचि मत्‍ता.”

रोम सहरतोरहाटीं पौलुसना सिट्‍टि 1:2

पेनबाबाल हींतन इत्‍ता इदे बेसता कबुरता बारेमते पेनदा कबुरतोर मुन्‍नेने पवित्र दर्मसास्‍त्रमते रासि इरतुर.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 5:2

इंदके मनम पेनतोनि कलियसि पिस्सना पिस्वरगुडा पेनदा कुर्पातेन दोर्कतद आंद. अचोने आयाका पेनदा महिमाता वेलगुने मनम उंदि रोज मनांतोम इत्‍ता आसेते वेल्‍लेन कूस मंतोम.

रोम सहरतोरहाटीं पौलुसना सिट्‍टि 5:21

इल्‍हा बारि आता इत्‍ते, बल्हा पापम हामुरताहेंदाल राज्येम कीसेक मत्‍ता, अल्हेन पेनदा कुर्पागुडा सत्‍तेमतोनि मना सामि येसु किरिस्‍तुनहेंदाल बस्‍केळ्‍क पिस्सना पिस्वरताहाटीं राज्येम कींता.

रोम सहरतोरहाटीं पौलुसना सिट्‍टि 5:4

इल्‍हा ओप्के पीसि मत्‍ते मनालोप्‍पो बेसता गुनम वांता. बेसता गुनम मनाकु मुक्‍ति हियाना आसे पुट्‍टिचंता.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

1 तेसलोनि 2:15

ओरे सामि येसुन आनि पेनदा कबुरतोर्कुन हव्कतुर. ओर माकुन पलाते दोबतुर. पेन ओरतोनि कूस हिल्‍ले. ओर अंटोर लोकुल्‍कुना विरोदमते मंतुर.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

1 तिमोति 6:12

नीवा विस्वासमतुन दक्‍किच्‍कुनालय बेस लडाइ कीसेके मन्‍नु, बस्‍केळ्‍क पिस्सना पिस्वरतुन गट्‍टिगा पीसि ताका, इद पिस्वरहाटींगे नीकुन केयमळ जर्गता. ई मंचि पोल्‍लेतुन निमे वेल्‍लेन मंदि गवाइदार्कुना मुन्‍ने ओप्कुत्‍तिन.

1 तिमोति 6:19

इल्‍हा कीसेके मत्‍ते, मुन्‍नेटा पिस्वरहाटीं ओर उंदि बेस पुनादि तयार कीकुंतुर, आनि बस्‍केळ्‍क पिस्सना पिस्वर पिस्सेक मनंतुर.

2 तिमोति 1:1

पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:13

मनम विस्वासमलायक मनाकोन्‍ना ओर मात्रम विस्वासमलायक मनंतोर. बारित्‍ते ओनद ओर बस्‍केने एरपाट किय्योन इंचि इन्‍नोर.

2 तिमोति 2:15

बस्‍केने सिग्गु होनाकोंटा, पेनदा पोल्‍लेता सत्‍तेमतुन बरोबर कराहनोनलेसीं पेन निल्‍हाता वरोर सेवाकुड आसि मनालय कोसिस कीम.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

तीतु 3:7

ओर इल्‍हा बारि कीतोर इत्‍ते, मनम ओना कुर्पाहेंदाल नीतिमंतुल्क आयगोम आनि बस्‍केळ्‍क पिस्सना पिस्वरता आसेते मनम ओना वारसदार्क आयाना इंचि.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

यहुदा 1:21

बस्‍केळ्‍क मनना पिस्वरताहाटीं मना सामि येसु किरिस्‍तुना दयाता आसेते एदुर हूळसेक पेनदा पावरमते निल्‍सि मंटु.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.