तीतु 1:16 - पवित्र पोल्‍ले

¹⁶ पेन माकु एरपाटे इंचि ओर वेहांतुर, गानि ओरा कियना कबाह्‍क हूळते, ओर पेनदुन एरपाट किय्युर इत्‍तद दिस अर्रंता. ओर हय्सवोर, वेहता पोल्‍ले केंजवोर आंदुर, ओर असल बदे बेस कबळ कियनालायक हिल्‍लुर.

तीतु 1:16 Iomraidhean Croise

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

इपीसि 5:6

उत्‍तुत्‍ता पोल्‍लें वळ्‍किसि मीकुन बोरन्‍ना पोक्‍कते अरहानायो हुळाट. बारित्‍ते इसोंटा कबाह्कुनहेंकेन पेन दाना आदेस परकारम ताकवोरपोर्रो होंग हुपसंता.

1 तिमोति 1:9

इंका इव नियमकु नीतिमंतुल्‍कुनाहाटीं रासमळ जर्गाहिल्‍ले. गानि अव अय्ते, नियमकुन पीसि ताकवोराहाटीं, आदेसकुन पीसि ताकवोराहाटीं, बक्‍ति कियवोर आनि पापि लोकुल्‍कुनाहाटीं, अपवित्र आनि सत्‍तेमते ताकवोराहाटीं, तल्‍लुर-बाबोन हव्कानोराहाटीं, मनकालोर्कुन हव्कानोराहाटीं,

1 तिमोति 5:8

ओक्‍कला बोरन्‍ना ओना हेडमितोर्कुन बेस हूळकुनाकोंटे, विसेस कीसि सतता लोतोर्कुन बेस हूळकुनाकोंटे, ओर विस्वासमता कदर कियवोर आंतोर. अचोने आयका विस्वासम कियवोंकन्‍ना एक्‍को कराब मनकना लेक्‍काते वांतोर.

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

तीतु 3:1

राज्येम कियानोरद आनि अदिकारिल्कुना पोल्‍ले केंजसि ओर वेहताप ताकना, इंचि लोकुल्‍कुंक मति कीसि हीम. इंका कदरलायक मंदना हरेक बेस कबळ कियालय बस्‍केळ्‍क तयार मंदना.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

1 योहान 2:4

बोर अय्ते, “नना पेनदुन तेल्‍पिचकुत्‍तन,” इंचि इंतोर, गानि दाना आदेसकुन पीसि ताकोर ओर पोंगुळ आंदुर. ओनगा सत्‍तेम हिल्‍ले.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

पेन हुपिस्‍ता पोल्‍लें 21:27

गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.