तीतु 1:11 - पवित्र पोल्‍ले

¹¹ ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

तीतु 1:11 Iomraidhean Croise

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

लूकाल 20:40

पजा येसुन सवाल पूसकियालय बोर्के हिम्मत आयाहिल्‍ले.

योहान 10:12

गानि बूतिक मेहालय वातोर, ओर निजम मेहानोर आयोर. मेहनेंके ओन्क तोडेल्‍लिगिंटा दिस्सानय्ते, गोर्रेन अग्गेन होळसि बेकेनो वित्‍तंतोर. बारित्‍ते अव गोर्रे ओनव आयों. अस्‍के आ तोडेल्‍लि वासि गोर्रेन पोर्रो अर्रंता आनि गोर्रें बारे सिल्‍लर-सिल्‍लर आंता.

रोम सहरतोरहाटीं पौलुसना सिट्‍टि 3:19

मूसाना नियम परकारम बोर अय्ते ताकंतुर ओराहाटींगे मूसाना नियम मंता, इद मनाकु एरपाटे. अयना पेन न्‍यायम कियनेंके दुनियातोर अंटोर, इत्‍ते यहुदिल्क आयिर यहुदि आयवोर आयिर, अंटोर पेनदुक लेक्‍का हियमळे, बोरे तपिच्‍कुना परुर.

2 कुरेंति 11:10

किरिस्‍तुना सत्‍तेम नावा लोप्पो मंता, अदुनहाटीं अकाया एरियातोर बोरे नावा इद पेद्‍दिरकेमतुन विरोद किया पर्रुर.

1 तिमोति 5:13

अचोने आयका लोन-लोन तिरियना अलवट अर्सि लंडुंक हेडंतां. सिराप लंडुंक हेळमळे आयो, गानि हेकेटां-हीकेटां जोलीं केंजंतां, वेरेतोरा कबाह्‍कुने कय कुच्‍चंतां, बव पोल्‍लें अय्ते अव वळकना आयोनो, असोंटा पोल्‍लें वळकालय दल्‍गंतां.

1 तिमोति 5:4

ओक्‍कला बद्‍दना मुंडामोस्ता मुरतळकु मर्क-मियाह्क आयि, तंगमर्क-मियाह्कगिंटा मत्‍ते, मोदाला ओर बेस बक्‍तिते ताकसेके सतता कुटुंबतुन पोस कियमळ करियगोम. पजा सतता तल्‍लुर-बाबो ओराहाटीं कीता मंचितनमता रुनम तिरिचनाहाटीं, ओर्क मंचितनमतुन मलाहचि हियगोम. बारित्‍ते इल्‍हा कियमळ पेनदुक नच्‍चनालायक मंता.

1 तिमोति 6:5

आनि इसोंटोरा नड्‍डुम बस्‍केळ्‍क लोल्‍लिं-जगडाल्‍क आसेकेन मनंतां. इंका इसंटोरा बुद्‍दि हेळसोंचि, ओर निजमताल लक्‍कु आतोर आंद. अदुनहाटीं ओर पेनदा बक्‍तितुन कमाइ कियना उंदि हर्रि इनकुंतुर.

2 तिमोति 2:18

ओर इव्वुरगुडा सत्‍तेम हरदाल तप्‍सोंचि, हासि मर्रा जीवाते तेदमळ आसोत्‍ता इंचि इंतुर. इसोंटा पोल्‍ले वळ्‍किसि ओर इच्‍चुर लोकुल्‍कुन विस्वासमतुन हेळाहचंतुर.

2 तिमोति 3:6

ई लोकुल्‍कुने इच्‍चुर इसंटोर मंतुर गदा, बव मुर्ताह्क अय्ते कमजोर मनसुने पापमता मोताते रका-रकाल्कुना आसेने निंडिस पिस्सेक मंतां, अव मुरताह्कुना लोह्कुने होंचि अवुन ओराहेके कीकुंतुर.

तीतु 1:7

बारित्‍ते आ अदिकारि पेनदा कबाटुन मुन्‍ने ताकसानोर आंदुर. अदुनहाटीं ओनपोर्रो बदे दोसेम मननायो, ओर जिद्‍दि मनकल मनामन्‍नि, ओर बिराना होंगुंक वायानोर आयामन्‍नि, ओर कल्‍लु उनामन्‍नि, जगडाल्‍क कियामन्‍नि, तप्‍पुड कमाइ कियानोर आयामन्‍नि.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.