रोम सहरतोरहाटीं पौलुसना सिट्‍टि 9:8 - पवित्र पोल्‍ले

⁸ दीना अर्तम बतल इत्‍ते अब्राहामुना वंसंमते पुटतोर अंटोर पेनदा मर्क-मियाह्क आया परुर. गानि पेन हीता पोल्‍ले परकारम बोर अय्ते पुटतुर ओरे अब्राहामुना निजम मर्क-मियाह्कुना लेक्‍काते वांतुर.

रोम सहरतोरहाटीं पौलुसना सिट्‍टि 9:8 Iomraidhean Croise

मत्‍तयाल 3:9

वट्‍टिदे, मोमोट अब्राहामुना वंसमतोरम आंदुम, इंचि बस्‍केने इनकुनमट. नना मीकु निजम वेहांतन, पेन अब्राहामनाहाटीं ई बंडानालगुडा पिलाल्क पुट्‍टिचि हिया परंता.

योहान 1:13

पेनदा मर्क-मियाह्क आयमळ इत्‍ते मनकना पीटाल, मनकना इच्‍चा मत्‍ताप पुटमळ, मुय्दोना इच्‍चा मत्‍ताप पुटमळ आयो. गानि पेने ओर्कुन दाना संतानम कीकुंता.

रोम सहरतोरहाटीं पौलुसना सिट्‍टि 8:14

बोर अय्ते पेनदा आत्मा वेहताप ताकंतोर, ओर अंटोर पेनदा मर्क-मियाह्क आंदुर.

रोम सहरतोरहाटीं पौलुसना सिट्‍टि 8:16

इंका पेनदा आत्मा मना आत्मातोनि कलियसि, मनम पेनदा मर्क-मियाह्कुम इंचि गवाइ हीसेक मंता.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

इब्रि 11:11

विस्वासमहेंदाले अब्राहामुंक ओना मुत्‍तो सारानतोनि कलियसि, मातिरतनमतेगुडा मर्रिन कनाना बलम दोर्कता. बारित्‍ते, ओन्क संतानम हींतन इंचि बद पेन अय्ते पोल्‍ले हीतानो, अद पोल्‍ले तप्‍पो इंचि ओर दानपोर्रो विस्वासम इरतोर.