रोम सहरतोरहाटीं पौलुसना सिट्‍टि 9:7 - पवित्र पोल्‍ले

⁷ अचोने आयका अब्राहामुना वंसंमतोर अंटोरगुडा ओना निजम पिलाल्क इंचि मनम इनानायो. बारित्‍ते इदुना बारेमते दर्मसास्‍त्रमते, “सिराप इसाकुना वंसंमतोरे नीवा वंसंमतोर इंचि लेक्‍का कियमळ जर्गंता,” इल्‍हा रासि मंता.

रोम सहरतोरहाटीं पौलुसना सिट्‍टि 9:7 Iomraidhean Croise

मत्‍तयाल 3:9

वट्‍टिदे, मोमोट अब्राहामुना वंसमतोरम आंदुम, इंचि बस्‍केने इनकुनमट. नना मीकु निजम वेहांतन, पेन अब्राहामनाहाटीं ई बंडानालगुडा पिलाल्क पुट्‍टिचि हिया परंता.

लूकाल 16:30

अस्‍के सिरमंत मनकल, ‘अल्हा आयो अब्राहाम दादा, हातोरा लोप्पोटाल बोरन्‍ना होंचि ओर्क वेहते, ओर पापाल्कुनाल मनसु मार्सकुंतुर,’ इंचि इत्‍तोर.

लूकाल 3:8

अय्ते मरि, निजमे मीवा मनसु मार्सुकुत्‍तिर इंचि रुजुव कीसि हुप्‍सट. वट्‍टिदे, मोमोट अब्राहामुना वंसमतोरम आंदुम, इंचि बस्‍केने इनकुनमट. नना मीकु निजम वेहांतन, पेन अब्राहामनाहाटीं ई बंडानालगुडा पिलाल्क पुट्‍टिचि हिया परंता.

योहान 8:33

अस्‍के ओर, “मोमोट अय्ते अब्राहामुना वंसंमतोरम आंदुम, इदवेरदाका मोमोट इद बूमिपोर्रो बोनदे कय हिळु दासुल्क आसि मना हिल्‍लोम. अय्ते, अद सत्‍तेम मीकुन होळसार, इंचि निमे बल्हा इंतिन?” इंचि येसुंक जवाब हीतुर.

गलातिया 4:23

दासिदानकु पुटता पेडल इस्माइल, मनकना विचारमताल पुटतोर. आनि मरमिना मुत्‍तोंक पुटता पेडल इसाक बारे पेन हीता पोल्‍ले परकारम पुटतोर.

गलातिया 4:28

अदुनहाटीं विस्वासुल्‍कुनिटा, मनम मनकल विचारम कीताप आयो गानि पेन करार कीताप इसाकुनालेसीं दाना मर्क आतोम.

पिलिपिया 3:3

गानि मनकालोरा कबाह्कुनपोर्रो बरोसा इरताहेंका मनाकु मुक्‍ति दोर्कता इंचि आयो. येसु सामि मनाकुन पिसागोटतोर इंचि ओन्क मनम बस्‍केळ्‍क कदर हींतोम. अदुनहाटीं पेनदा आत्मा वेहताप दान मोळ्‍कानोरम मनमे निजम कतना आतोरम आंद, ओर आयुर.

इब्रि 11:18

अयना, “इसाकुनाहेंदाल नीकु दोर्काना वंसंम नावा लोकुल्‍क आयानुर,” इंचि पेन अब्राहामुंक मुन्‍नेन पोल्‍ले हीसि मत्‍ता. आयनागानि ई इसाकुने अब्राहाम, पेनदुक मोक्‍कु हियालय तयार आसि मत्‍तोर.