रोम सहरतोरहाटीं पौलुसना सिट्‍टि 9:1 - पवित्र पोल्‍ले

^1-3 नावा यहुदि लोकुल्‍क पेनदाल बल्हा लक्‍कु आसि मंतुर मरि? ओर अल्हा आताहाटीं मनसुने नाकु वेल्‍लेन दुक्‍कम, बादा अनपिच्‍चंता. नना किरिस्‍तुना मनकन इंचि इदु पोल्‍ले निजम वेहचंतन, आबद्‍दम आयो. नावा लोप्पो मनना पवित्र आत्मागुडा इद निजम इंचि गवाइ हीसंता. पेन नाकु सापनेम हीसि, नाकुन किरिस्‍तुनाल लक्‍कु किय्‍यिना बेसे! नावा मनसु मात्रम नावा इस्राएल लोकुल्‍क पिसगोम इंचि मंता.

रोम सहरतोरहाटीं पौलुसना सिट्‍टि 9:1 Iomraidhean Croise

रोम सहरतोरहाटीं पौलुसना सिट्‍टि 1:9

पेनदा मर्रिना बारेमता बेसता कबुरतुन वेहासेक, नावा पूरा मनसुनाल नना पेनदा सेवा कीसेक मंतन.

रोम सहरतोरहाटीं पौलुसना सिट्‍टि 2:15

मूसाना नियमकु ओरा मनसुने रासि मंतां इंचि ओर कियना कबाह्के हुप्‍संतां. दीनकु ओरा पिस्वरगुडा गवाइ मंता. बारित्‍ते ओर तप्‍पुड कबळ कियनेंके ओरा मनसे “इद तप्पु” इंचि दोसेम दोसंता. अल्‍हेने बेस कबळ कियनेंके ओरा मनसे ओर्क “इद बेस” इंचि वेहंता.

रोम सहरतोरहाटीं पौलुसना सिट्‍टि 8:16

इंका पेनदा आत्मा मना आत्मातोनि कलियसि, मनम पेनदा मर्क-मियाह्कुम इंचि गवाइ हीसेक मंता.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 1:23

मीकुन इंका नोप्‍पिचमळ नाक इस्‍टम हिल्‍ले, अदुनहाटीं नना इदवेरादाका मिहगा कुरेंति सहर वाया हिल्‍लेन. इद पोल्‍ले निजम इंचि ना मनसुन हूळना पेने गवाइ मंता.

2 कुरेंति 11:10

किरिस्‍तुना सत्‍तेम नावा लोप्पो मंता, अदुनहाटीं अकाया एरियातोर बोरे नावा इद पेद्‍दिरकेमतुन विरोद किया पर्रुर.

2 कुरेंति 11:31

नना वळ्‍कानद आबद्‍दम आयो इंचि सामि येसुना पेनबाबांक एरपाटे मंता. ओन्क बस्‍केळ्‍क दन्यवाद आयि.

2 कुरेंति 12:19

महगा तप्‍पु हिल्‍ले इंचि हुप्‍सालय इवन्‍नि मोमोट मीक वेहसेक मंतोम इंचि मिमेट इनकुंचंतिर आयावच्‍चु, गानि आयो. मोमोट अय्ते पेनदा मुन्‍ने किरिस्‍तुना अदिकारमते वळ्‍कंतोम. पावरमगल्‍लोरिटा! इवन्‍नि पोल्‍लें मीवा विस्वासम बेर्सनाहाटींगे वेहसेक मंतोम.

गलातिया 1:20

नना पेनदा मुन्‍ने निल्‍सि वेहचंतन, बतल अय्ते नना मीकु रासेक मंतन, अव्टे गिचचोगुडा आबद्‍दम हिल्‍ले.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

1 तेसलोनि 2:5

बारित्‍ते मोमोट मीकुन बस्‍केने बुद्रगिच्‍चना पोल्‍लें वळ्का हिल्‍लोम. अल्‍हेने मावा आस्तिताहाटीं मीकुन नळेह किया हिल्‍लोम, दीनकु पेने गवाइ मंता, इंचि मीक एरपाटे मंता.

1 तिमोति 1:5

ई आदेसता उद्‍देसम, पवित्र गुंडेताल, मनसुना बेस पोल्‍लेताल आनि निजम विस्वासमताल पुट्‍टना पावरम आंद.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

1 तिमोति 5:21

पेन, किरिस्‍तु येसु आनि पेन पेरता पेनदा दूतन मुन्‍ने इर्सि नना नीकु गट्‍टिगा आदेस हीसेक गदा, बदे उंदि बाजुन पियाकोंटा, सिन्‍ना-पेद्‍दा इनाकोंटा निमे इव नियमकुन पीसि ताका.