रोम सहरतोरहाटीं पौलुसना सिट्‍टि 8:9 - पवित्र पोल्‍ले

⁹ गानि मीवा लोप्‍पोगिंटा पेनदा आत्मा मत्‍ते, मिमेट पापि गुनाल्‍कुने पिस्सेक हिल्‍लिर गानि आत्मा वेहताप पिस्संतिर. बोना पिस्वरते अय्ते किरिस्‍तुना आत्मा हिल्‍ले, ओर किरिस्‍तुना मनकल आयोर.

रोम सहरतोरहाटीं पौलुसना सिट्‍टि 8:9 Iomraidhean Croise

लूकाल 11:13

अय्ते मिमेट सेड्‍डोर्क आसिगुडा मीवा पिलाल्कुंक बेसतद हियमळ तेळियतस्के, स्वर्गमते मनना पेनबाबाल, ओन तल्कानोर्कुंक पवित्र आत्मा बच्‍चोन वेल्‍ले हियनुर?”

योहान 14:17

आ सहायम कियानोर इत्‍ते, पवित्र आत्मा मीकु सत्‍तेमतुन हुप्‍संता. दुनियातोर दानहेके हूळसेक हिल्‍लुर, दान एरपाट कीसेक हिल्‍लुर. अदुनहाटीं अद दुनियातोर्क दोर्को. गानि मिमेट दान एरपाट कींतिर. बारित्‍ते अद मीवातोनि मंता आनि पजा मीवा लोप्पेन मन्‍नार.

योहान 14:23

अस्‍के येसु ओन्क जवाब हीतोर, “नाकुन पावरम कियानोर अंटोर नना वेहता पोल्‍लेनपोर्रो ताकंतुर, आनि नावा बाबाल ओर्कुन जीवा कींतोर. असंटोनगा मोमोट होंचि ओनालोप्‍पो जेगा पींतोम.

योहान 3:34

बोन अय्ते पेन लोहचीता, ओन पेन दाना आत्माते पुरागा निहता. अदुनहाटीं ओर सिराप पेनदा पोल्‍लेंगें वेहांतोर.

योहान 3:6

मना मेंदुल अय्ते तल्‍लुर-बाबोनहेंदाल पुट्‍टा परंता, गानि आत्मा मात्रम सिराप पवित्र आत्माहेंदाले पुट्‍टा परंता.

प्रेरितुल्‍कुना कबाह्‍क 16:7

पौलुस आनि तिमोति मूसिया एरियाता गेट्‍टुदाका एवतस्‍के ओर बितुनिया एरिया होनना कोसिस कीतुर. गानि येसुना आत्मा अगा इंका होन्‍ना हिया हिल्‍ले.

रोम सहरतोरहाटीं पौलुसना सिट्‍टि 7:5

मुन्‍ने मनम मना इस्‍ट परकारम ताकुंदुम अस्‍के मना मेंदुलतुन मनालोप्‍पो मत्‍ता पापि आसें वाळकुनुंदुं, मूसाना नियम मनाकु तेळियतस्के आ आसें इंका बेरस्सेक होत्‍तां. दीनहेंदाल मनाकु हामुर दोर्कता.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

रोम सहरतोरहाटीं पौलुसना सिट्‍टि 8:2

बारित्‍ते पेनदा आत्माता नियम येसु किरिस्‍तुनाहेंदाल मनाकु पूना पिस्वर हीता. मनाकुन पापम आनि हामुरता नियमताल तपिस्ता.

1 कुरेंति 15:23

हरेक मनकल वरोन पजा वरोर, मोदाला किरिस्‍तु जीवाते तेदतोर, किरिस्‍तु मर्रा वाता पजा ओना लोकुल्‍क जीवाते तेदांतुर.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 6:17

गानि बोर अय्ते सामिनतोनि उंदि आंतोर, ओर ओनतोनि आत्माते उंदि आंतोर.

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

2 कुरेंति 10:7

मिमेट सिराप मुन्‍ने मत्‍तवुन मीवा कळ्‍कुने हूळसेक मंतिट. मीक गिंटा बोर्कन्‍ना ओनद-ओन्क नना किरिस्‍तुनोन आंदुन इंचि बरोसा मनानय्ते बल्हा ओर किरिस्‍तुनोर आंदुर, अल्‍हेने मोमोटगुडा किरिस्‍तुनोर्कुम आंदुम इंचि ओन्क तेळियगोम

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

गलातिया 5:24

बोर अय्ते येसु किरिस्‍तुन विस्वासम कीतोर मंतुर, ओर ओरा पापि विचाराल्कुन, पापि आसेन क्रुसुनपोर्रो वेलाड वाटताप अवुंक लक्‍कु आतुर.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 2:22

अव्टे मिमेटगुडा पेनदा आत्माहेंदाल पेनदुक मनालय उंदि आसि जेगा तयार कीसेक मंतिर.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

पिलिपिया 1:19

बारित्‍ते मीवा पारतनां अल्हेन येसु किरिस्‍तुना आत्माता सहायमतोनि नाकु वायना ई कस्‍टाल्के नाकुन तप्‍पाकोंटा पलाते पेच्‍हंतां इंचि नाकु एरपाट मंता.

2 तिमोति 1:14

मनालोप्‍पो मनना पवित्र आत्माता बलमतोनि, नीकु अप्पजेपता मंचितनमतुन निमे कापाळकुन.

1 पत्रु 1:11

किरिस्‍तु बल्हा तकलिप वासि हायनुर, दाना पजा बल्हा ओनकु स्वर्गमते कदर दोर्कार इंचि ओरा लोप्पो मनना किरिस्‍तुना आत्मा मुन्‍नेन वेहचि मत्‍ता. गानि इव पोल्‍लें बोना बारेमते, बस्के आयनुं इंचि पेनदा कबुरतोर पहकुंदुर.

1 योहान 3:24

बोर अय्ते पेनदा आदेस परकारम ताकंतोर, ओर पेनदा लोप्पो निल्‍सि मनंतोर, ओनालोप्‍पो पेन निल्‍सि मनंता. इल्‍हा, पेन मना पिस्वरते निल्‍सि मनंता इंचि, मनाकु हीता पवित्र आत्माहेंदाल, एरपाट आंता.

1 योहान 4:13

इल्‍हा पेन मनालोप्‍पो मनंता, मनम पेनदा लोप्पो मनंतोम इंचि मनाकु एरपाट आंता. बारित्‍ते, पेन मनाकु दाना सतता आत्मातुन हीता.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.