रोम सहरतोरहाटीं पौलुसना सिट्‍टि 8:3 - पवित्र पोल्‍ले

³ मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

रोम सहरतोरहाटीं पौलुसना सिट्‍टि 8:3 Iomraidhean Croise

मरकुस 15:27

येसुनतोनि इंका इव्वुर दोंगाल्कुन, तिना बाजुंक वरोन, डेमा बाजुंक वरोन क्रुसकुन पोर्रो वेलाड वाटतुर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 9:24

अदुनहाटीं परिसिल्क, गुड्‍डितनमताल दिस्‍सानाल आता मनकन मरुंदि मल्का केय्‍सि, “ई मनकल पापि इंचि माकु एर्के, अदुनहाटीं पेनदुक कदर हीम,” इंचि इत्‍तुर.

प्रेरितुल्‍कुना कबाह्‍क 13:39

मूसाना नियम हेंदाल मीकु पापाल्कुनाल मापि दोर्को, गानि येसुना पोर्रो विस्वास इर्रानुर अंटोर्क ओरा पापाल्कुनाल मापि दोर्कंता.

रोम सहरतोरहाटीं पौलुसना सिट्‍टि 3:20

मूसाना नियमता कबळताहेंदाल मनम अंटोरम पापिर्के इंचि तेळियंता अचोने. गानि अव्टे वेहचि मत्‍ताप ताकसि पेनदा मुन्‍ने बोरे नीतिमंतुल्क आयुर.

रोम सहरतोरहाटीं पौलुसना सिट्‍टि 6:6

मना पडना पिस्वर येसुनतोनि क्रुसुनपोर्रो हाता, अदुनहाटीं पापमतोनि निंडिस मत्‍ता मना गुनम नासडेम आसि होत्‍ता. इंदके मनम पापमता अदिकारमते हिल्‍लोम इद मनाकु एरपाटे.

रोम सहरतोरहाटीं पौलुसना सिट्‍टि 7:18

नावा लोप्पो बदे बेसता पोल्‍ले हिल्‍ले इंचि नाकु एरपाटे मंता. बद अय्ते बेसतदो अदे कियना इच्‍चा नाकगुडा मंता, गानि अल्हा किया परसेक हिल्‍लेन.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

गलातिया 3:21

अय्ते मरि मूसाना नियमकु पेन हीता पोल्‍लेना विरोदमते मंतंगा? असले हिल्‍लें. ओक्‍कला मूसाना नियमकु पिस्वर हियानव अय्ते, मनम अवुनतोने नीतिमंतुल्क आसि मन्‍नेरम.

पिलिपिया 2:7

दान्क बदुल ओर ओनगा मत्‍ता अदिकाराल्कुन होळ्‍सीतोर. होळसिसि वरोर दासुनलेसीं आसि मनकन रूपमते इद बूमिपोर्रो पुटतोर.

इब्रि 10:12

गानि किरिस्‍तु अय्ते मना पापाल्कुन लक्‍कु कियालय, हमेसाताहाटीं उंदे मल्का ओना मेंदुल्तुन मोक्‍कु हीतोर. हीसि पेनदा तिना बाजुंक होंचि उद्‍दिसि मंतोर.

इब्रि 10:14

बारित्‍ते, पवित्र आयानाहाटीं पेन वेरे कीता मनासंटोर्कुन, ओर सिराप उंदे मल्का मोक्‍कु आसि, हमेसाताहाटीं अन्‍नि तीरकुने पुरागा कीतोर.

इब्रि 2:14

पेनदा पिलाल्क आता मनम, मेंदुल रूपमते मत्‍ताहाटीं येसुगुडा हरेक पोल्‍लेते मनालेहका आसि वातोर. मना पिस्वरंता हामुरता वेर्रे मनागा मत्‍ताहेंका देय्यमता अदिकारम मनापोर्रो मत्‍ता. गानि येसु ओना हामुरताहेंदाल, देय्यमता अदिकारमतुन नासडेम कीसि, मनाकुन हामुरता वेर्रेताल इळबळिस्तोर.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 4:15

मना पेद्‍दा पेर्मल येसुंकगुडा मनालेसीं पापम कियाना अन्‍नि परिक्‍सां वातां, गानि ओर बस्‍केने पापमते अर्रा हिल्‍लोर. अदुनहाटीं ओर मना कमजोरिन, दुक्‍काल्कुन तेल्‍पिचकुंतोर.

1 पत्रु 2:24

मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.