रोम सहरतोरहाटीं पौलुसना सिट्‍टि 8:16 - पवित्र पोल्‍ले

¹⁶ इंका पेनदा आत्मा मना आत्मातोनि कलियसि, मनम पेनदा मर्क-मियाह्कुम इंचि गवाइ हीसेक मंता.

रोम सहरतोरहाटीं पौलुसना सिट्‍टि 8:16 Iomraidhean Croise

मत्‍तयाल 5:9

पगातोर्कुन उंदि कियानोर्कुंके पेन आसिर्वाद हींता, ओर्कुने पेनदा पिलाल्क इंचि इंतुर.

लूकाल 20:36

ओर पेनदा दूतनलेसीं मनांतुर, बस्‍केने हायुर. ओर हामुरताल मर्रा जीवाते तेदताहाटीं, ओर पेनदा पिलाल्क आयानुर.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

प्रेरितुल्‍कुना कबाह्‍क 5:32

इव अन्‍नि पोल्‍लेनहाटीं मोमोट गवाइ मंतोम. पेनदा पोल्‍लें केंजसि ताकानोराहाटीं पवित्र आत्मागुडा गवाइ मंता,” इंचि इत्‍तुर.

रोम सहरतोरहाटीं पौलुसना सिट्‍टि 8:14

बोर अय्ते पेनदा आत्मा वेहताप ताकंतोर, ओर अंटोर पेनदा मर्क-मियाह्क आंदुर.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

रोम सहरतोरहाटीं पौलुसना सिट्‍टि 8:23

पेन पुटिस्तवे आयाका, पेनदाहेंदाल मोदाटा पलम इंचि आत्मा दोर्कतोरम मनमगुडा, दाना मर्क-मियाह्क आयालय मना कराब मेंदुलतुन होळसिसि पूना मेंदुल बस्के दोर्कार इंचि तनलाळसेक मंतोम.

रोम सहरतोरहाटीं पौलुसना सिट्‍टि 8:26

पारतना बल्हा कियमळो तेळियवस्के पवित्र आत्मा मनाकु सहायम कींता. मनाकु इनावायो असोंटा पोल्‍लेन पवित्र आत्मा मनाहाटीं पेनदागा तनलाळसेक विनंति कीसेक मंता.

रोम सहरतोरहाटीं पौलुसना सिट्‍टि 9:26

“मिमेट नावा लोकुल्‍क आयिर इंचि नना बगा अय्ते इत्‍तनो, अग्गेन मिमेट जीवाते मनना पेनदा मर्क-मियाह्क आतिट इंचि इनानुर,” इल्‍हा रासि मंता.

रोम सहरतोरहाटीं पौलुसना सिट्‍टि 9:8

दीना अर्तम बतल इत्‍ते अब्राहामुना वंसंमते पुटतोर अंटोर पेनदा मर्क-मियाह्क आया परुर. गानि पेन हीता पोल्‍ले परकारम बोर अय्ते पुटतुर ओरे अब्राहामुना निजम मर्क-मियाह्कुना लेक्‍काते वांतुर.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 1:22

पेन मनापोर्रो सिक्‍का वाटता अल्‍हेने गेरंटितालेसीं मनालोप्‍पो दाना पवित्र आत्मातुन इरता.

2 कुरेंति 5:5

इदे मेंदुलताहाटीं पेन माकुन तयार कीता. इद गेरांटि इंचि मावा लोप्पो पवित्र आत्मातुन हीता.

2 कुरेंति 6:18

नना मीवा बाबान आकन, मिमेट नावा मर्क-मियाह्क आकिट इल्‍हा पेद्‍दा सक्‍तिमंतुड पेन इंता,” इंचिगुडा रासि मंता.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 4:30

मुक्‍तिता रोजुनदाका, “ईर ना लोकुल्‍क” इंचि पेन मीपोर्रो उंदि सिक्‍का तंचि इर्ता. अदुनहाटीं मिमेट दाना पवित्र आत्माकु दुक्‍कम वायाकोंटा पिस्‍सट.

1 योहान 3:1

हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

1 योहान 3:10

इदुन पीसे, पेनदा पिलाल्क बोर आंदुर, देय्यमता पिलाल्क बोर आंदुर? इत्‍तद तेळियसि दांता. बोर अय्ते सत्‍तेमते ताकुर, ओरा दादन पावरम किय्युर, ओर पेनदा संतानम आयुर.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

1 योहान 4:13

इल्‍हा पेन मनालोप्‍पो मनंता, मनम पेनदा लोप्पो मनंतोम इंचि मनाकु एरपाट आंता. बारित्‍ते, पेन मनाकु दाना सतता आत्मातुन हीता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

पेन हुपिस्‍ता पोल्‍लें 21:7

गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.