रोम सहरतोरहाटीं पौलुसना सिट्‍टि 8:10 - पवित्र पोल्‍ले

¹⁰ मीवा लोप्‍पोगिंटा किरिस्‍तु मनानय्ते, मीवा मेंदुल पापम कीताहाटीं हासि होत्‍ता, गानि पेन मीकुन सत्‍तेमतोर कीताहाटीं, मीवा आत्मा बस्‍केळ्‍क पिस्सि मंता.

रोम सहरतोरहाटीं पौलुसना सिट्‍टि 8:10 Iomraidhean Croise

योहान 14:23

अस्‍के येसु ओन्क जवाब हीतोर, “नाकुन पावरम कियानोर अंटोर नना वेहता पोल्‍लेनपोर्रो ताकंतुर, आनि नावा बाबाल ओर्कुन जीवा कींतोर. असंटोनगा मोमोट होंचि ओनालोप्‍पो जेगा पींतोम.

योहान 15:5

“ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

योहान 4:14

गानि नना हियना एतुन बोर अय्ते उंटोरो, ओन्क मर्रा बस्‍केने दूपायो. नना हीता एर ओनालोप्‍पो बस्‍केळ्‍क ऊरसेके मनना ऊटालेसीं मारियसि, ओन्क बस्‍केळ्‍क पिस्सना पिस्वरतुन हिय्यार,” इंचि जवाब हीतोर.

योहान 6:54

गानि बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर्क बस्‍केळ्‍क पिस्सना पिस्वर दोर्कंता. आकिर रोजुने ओर्कुन नना जीवाते तेहांतन.

योहान 6:56

बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर नातोनि, नना ओरतोनि निलसि मनंतन.

रोम सहरतोरहाटीं पौलुसना सिट्‍टि 5:12

इद दुनियाते पापम आदामुनाहेंदाल वाता. पापमताहेंदाल हामुर वाता. दुनियाता अंटोर लोकुल्‍कगुडा पापम कीतुर, अदुनहाटीं अंटोर्के हामुर वाता.

रोम सहरतोरहाटीं पौलुसना सिट्‍टि 5:21

इल्‍हा बारि आता इत्‍ते, बल्हा पापम हामुरताहेंदाल राज्येम कीसेक मत्‍ता, अल्हेन पेनदा कुर्पागुडा सत्‍तेमतोनि मना सामि येसु किरिस्‍तुनहेंदाल बस्‍केळ्‍क पिस्सना पिस्वरताहाटीं राज्येम कींता.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

1 कुरेंति 15:45

दर्मसास्‍त्रमते इदुना बारेमते, “मोट्‍टा मोदाटा जीवाता मनकल आदाम आतोर” इंचि रासि मंता. आकिर आदाम, इत्‍ते किरिस्‍तु, पिस्वर हियना आत्मा आतोर.

2 कुरेंति 13:5

मिमेट नाकुन परिक्‍सा कीसि हूळना दानकन्‍ना, मिमेट विस्वासमते मंतिरा हिल्‍लिरा, मीवद-मिमेट परिक्‍सा कीसि हुळाट. अस्‍के येसु किरिस्‍तु मीलोप्‍पो मंतोर इंचि अनपिच्‍चोना? अल्हा अनपिच्‍चाकोंटे मिमेट ओना लोकुल्‍क आयिर इनकुंटु.

2 कुरेंति 4:11

येसुना पिस्वर मावा हायाना मेंदुल्ते दिस्‍सागोम इंचि मोमोट पिस्सि मंचिगुडा बस्‍केळ्‍क येसुनाहाटीं हामुरता कय्‍दे मनंतोम.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

1 तेसलोनि 4:16

बारित्‍ते सामि स्वर्गमताल हिळु रेयानुर अस्‍के पेद्‍दा आवाजते आदेस हियमळ, पेद्‍दा दूताता पोल्‍लेते आनि पेनदा तूताकोमता आवाज कियमळ जर्गंता. अस्‍के बोर अय्ते किरिस्‍तुनलोप्‍पो हातुर, ओर मुन्‍ने जीवाते तेदानुर.

इब्रि 12:23

नीतिमंतुड लोकुल्‍कुना आत्माना कलिसियातगा मिमेट वातिट. आ कलिसियातगा अंटोरा पोरोलीं रासि मंतां, अंटोर्क जेस्‍टम पालना अदिकारम मंता. अंटोर्कुन पेन दानतोनि मनालय पुरागा कीता. दुनियाते मनना अन्‍निटवुना न्‍यायम कियाना पेनदागा मिमेट वातिट.

इब्रि 9:27

बल्हा लोकुल्‍क अंटोर उंदि मल्का हासि दांतुर, पजा पेन ओरा न्‍यायम कींता, इंचि मुन्‍नेन निरनायम कीसि मंता,

पेन हुपिस्‍ता पोल्‍लें 14:13

अस्‍के स्वर्गमताल उंदि आवाज, “इल्‍हा रासा, बोर अय्ते सामिन विस्वासम कीसि हातुर, ओर इंदके नसिबतोर आंदुर,” इंचि नाक केंजावाता. “हो! निजमे, ओरा कस्‍टमताल ओर्क आराम दोर्कंता. ओर कीता कबाह्‍क ओरतोने दांतां,” इंचि आत्मा इत्‍तद केंजावाता.