रोम सहरतोरहाटीं पौलुसना सिट्‍टि 8:1 - पवित्र पोल्‍ले

¹ अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

रोम सहरतोरहाटीं पौलुसना सिट्‍टि 8:1 Iomraidhean Croise

योहान 14:20

अल्हा जर्गतस्के, नना बाबाना लोप्पो, मिमेट ना लोप्पो, नना मीलोप्‍पो मंतन इंचि मीकु तेळियार.

योहान 15:4

मिमेट नावातोनि बस्‍केळ्‍क कलियसि मंटु, अस्‍के ननागुडा इंका मीवातोनि बस्‍केळ्‍क कलियसि मनंतन. पंगा वेलिक अंटिस मनाकोंटे दान्क कायां हादों, अल्हेन मिमेटगुडा नावातोनि कलियसि मनाकोंटे बेसता कबाह्‍क किया परिर.”

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

रोम सहरतोरहाटीं पौलुसना सिट्‍टि 16:3

पिरिसकिला आनि दाना मुय्दो अकविलांक नावाहेंदाल जोहार वेहाटु. ओर नावातोनि येसु किरिस्‍तुना सेवा कियानोर आंदुर.

रोम सहरतोरहाटीं पौलुसना सिट्‍टि 16:7

अंदरिनिकुस आनि युनियास ओर नावा जीवातोर आंदुर, ओर नातोनि जेलने मत्‍तुर, ओर प्रेरितुल्कुना लोप्पो पोरोल पेय्सतोर इंचि अंटोर ओर्कुन एरपाट कींतुर, ओर नाकन्‍ना मुन्‍नेने किरिस्‍तुन विस्वासम कीतुर, ओर्क नावा जोहार वेहाटु.

रोम सहरतोरहाटीं पौलुसना सिट्‍टि 5:1

इल्‍हा, मना विस्वासमहेंदाल पेन मनाकुन नीतिमंतुल्क कीता. अदुनहाटीं सामि येसु किरिस्‍तुनाहेंदाल, पेनतोनि मनक सांति मंता.

रोम सहरतोरहाटीं पौलुसना सिट्‍टि 5:16

पेन हीता वरम आनि आदाम कीता पापमता पलम, इव रोंड पोल्‍लें उंदेतीर हिल्‍लें. बारित्‍ते आदामुना पापम अंटोरपोर्रो सिक्‍सातुन तत्‍ता. गानि मनम वेल्‍लेन पापाल्क कीसिगुडा पेन हीता वरमनाहेंदाल नीतिमंतुल्क आतोम.

रोम सहरतोरहाटीं पौलुसना सिट्‍टि 7:17

गानि कियामन्‍नि इत्‍ता कबाह्‍कुन कियानोन नना आयोन, नाकुन अल्हा किया वेहानद नावा लोप्पो मनना पापम आंद.

रोम सहरतोरहाटीं पौलुसना सिट्‍टि 7:20

गानि नना बव कबाह्‍क अय्ते कियानायो अवे कबाह्‍क कियानय्ते, आ कबाह्‍क कियानोन नना आयोन गानि नावा लोप्पो मनना पापम आंदु नाकुन किया वेहानद.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

रोम सहरतोरहाटीं पौलुसना सिट्‍टि 8:14

बोर अय्ते पेनदा आत्मा वेहताप ताकंतोर, ओर अंटोर पेनदा मर्क-मियाह्क आंदुर.

रोम सहरतोरहाटीं पौलुसना सिट्‍टि 8:2

बारित्‍ते पेनदा आत्माता नियम येसु किरिस्‍तुनाहेंदाल मनाकु पूना पिस्वर हीता. मनाकुन पापम आनि हामुरता नियमताल तपिस्ता.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

रोम सहरतोरहाटीं पौलुसना सिट्‍टि 8:39

बूमिता लोप्पोटव आयिं, बूमि पोर्रोटव आयिं. पेन पुट्‍टिस्‍तव बवे आयिं मना सामि येसु किरिस्‍तुनाहेंदाल मनापोर्रो मत्‍ता पेनदा पावरमताल लक्‍कु किया पर्रों.

रोम सहरतोरहाटीं पौलुसना सिट्‍टि 8:4

अल्हा बारि इत्‍ते, मूसाना नियमते रासि मत्‍ता आदेसकु मनाहेंदाल पूरा आयना इंचि. दीनहेंदाल इंदके मनम मना मनसुंक वाताप पिस्सेक हिल्‍लोम गानि पवित्र आत्मा वेहताप पिस्सेक मंतोम.

रोम सहरतोरहाटीं पौलुसना सिट्‍टि 8:9

गानि मीवा लोप्‍पोगिंटा पेनदा आत्मा मत्‍ते, मिमेट पापि गुनाल्‍कुने पिस्सेक हिल्‍लिर गानि आत्मा वेहताप पिस्संतिर. बोना पिस्वरते अय्ते किरिस्‍तुना आत्मा हिल्‍ले, ओर किरिस्‍तुना मनकल आयोर.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 15:22

बारित्‍ते, आदामुन लोप्पो अंटोर हासि दांतुर, किरिस्‍तुनलोप्‍पो अंटोर जीवाते तेहमळ जर्गार.

2 कुरेंति 12:2

किरिस्‍तुन विस्वासम कीतोर वरोर मनकल नाक एरपाट. पडनालुं वर्साना मुन्‍ने पेन ओन मूडो स्वर्गमदाका पीसि ओता. अस्‍के ओर मेंदुल्ते मत्‍तोरा, मना हिल्‍लोरा नाक तेळियो. पेनदुके तेळियंता.

2 कुरेंति 5:17

बल्हा इत्‍ते, इंदके बोर अय्ते किरिस्‍तुने मंतोर, ओर पूना मनकल आतोर. पळाना पिस्वर होत्‍ता, पूना पिस्वर सुरुव आता.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

गलातिया 5:16

नना वेहानद बतल इत्‍ते, पेनदा आत्मा मीकुन ताकिस्ताप ताकट, अल्हा ताकते मीवा मनसुना पापि विचाराल्कुनाल लक्‍कु मनांतिर.

गलातिया 5:25

मनमगिंटा पेनदा आत्माते पिसानय्ते, आत्मा वेहतापे ताककोम.

इपीसि 1:1

नना पौलुसुन, पेनदा इच्‍चा परकारम, किरिस्‍तु येसुना प्रेरितुन आतन. इपीसि सहरते मनना किरिस्‍तु येसुन विस्वासम कियाना पेनदा लोकुल्‍कुंक नना इद सिट्‍टि रासेक मंतन.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.