रोम सहरतोरहाटीं पौलुसना सिट्‍टि 7:8 - पवित्र पोल्‍ले

⁸ गानि पापम, मूसाना नियमते मत्‍ता आदेसकुन वाळकुंचि नावा लोप्पो अन्‍नि तीरकुना तप्‍पुड आसें पुटिस्ता. मूसाना नियम हिलाकोंटे पापमकु जीवा हिलवापे.

रोम सहरतोरहाटीं पौलुसना सिट्‍टि 7:8 Iomraidhean Croise

मरकुस 7:22

आस्‍ति कियमळ, दुस्‍ट गुनम, डोंगिगुनम, मेंदुलता आसे, कळ्‍क पोतमळ, अपमानम कियमळ, गर्रा आनि मुर्का गुनाल्‍क पलाते पेय्‍संतां.

योहान 15:22

“उंदि वेला नना वासि ओरतोनि वळ्‍काकोंटा मंचि मत्‍ते, ओरपोर्रो पापम मना कोनवळ. गानि इंदके मात्रम ओर्क ओरा पापमताल तपिच्‍कुनालय हर्रि हिल्‍ले.

योहान 15:24

वेरे बोर किया हिल्‍लोर असोंटा, अद्‍बूतामाता कबाह्‍क नना कियाकोंटा मंचि मत्‍ते, ओरपोर्रो पापम मना कोनवळ. गानि इंदके ओर नना कीता अद्‍बूतामाता कबाह्‍कुन हूळसिगुडा, नाकुन, नावा बाबान हय्सेक हिल्‍लुर.

रोम सहरतोरहाटीं पौलुसना सिट्‍टि 3:20

मूसाना नियमता कबळताहेंदाल मनम अंटोरम पापिर्के इंचि तेळियंता अचोने. गानि अव्टे वेहचि मत्‍ताप ताकसि पेनदा मुन्‍ने बोरे नीतिमंतुल्क आयुर.

रोम सहरतोरहाटीं पौलुसना सिट्‍टि 4:15

पेन नियमकु हीतस्के अवुन पीसि ताका पींता. ताकाकोंटे पेन सिक्‍सा हींता. गानि नियमकु हिलाकोंटे अवुन नेम्‍हना सवालगुडा वायो.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 7:11

पापम मोका हूळसि आदेसतुन वाळकुत्‍ता, नाकु दोका कीता. पजा अदे पापम नावा पिस्वरतुन नासडेम कीता.

रोम सहरतोरहाटीं पौलुसना सिट्‍टि 7:13

अल्हा अय्ते आ पवित्रमाता बेस आदेसकुनाहेंदाले नाकु हामुर वाता इंचंतिरा? अल्हा असले आयो. आ पवित्रमाता आदेसकुन वाळकुंचि पापम नाकु हामुरतुन हीता. अल्हा कीसि अद दाना असल रूपमतुन हुपिस्‍ता. पापम इत्‍ते बच्‍चोन कतरनाक आंद इंचि आ आदेसकुनाहेंदाल नाकु पुरागा तेळियनाहाटीं अल्हा आता.

रोम सहरतोरहाटीं पौलुसना सिट्‍टि 7:17

गानि कियामन्‍नि इत्‍ता कबाह्‍कुन कियानोन नना आयोन, नाकुन अल्हा किया वेहानद नावा लोप्पो मनना पापम आंद.

रोम सहरतोरहाटीं पौलुसना सिट्‍टि 7:9

दीनकन्‍ना मुन्‍ने मूसाना नियमतुन एरपाट कियाकोंटेन पिस्सेक मत्‍तन. गानि बस्के अय्ते मूसाना नियमते मत्‍तव अन्‍नि आदेसकु नाकु तेळियतां, अस्‍के नावा लोप्पो पापम कबळ कियालय दल्‍गिसि, नना पेनदा मुन्‍ने हासोत्‍ताप आतन.

1 कुरेंति 15:56

हामुरता कोंडि पापम आंद, पापमता ताकत मूसाना नियम आंद.