रोम सहरतोरहाटीं पौलुसना सिट्‍टि 7:7 - पवित्र पोल्‍ले

⁷ अय्ते मूसाना नियम तप्‍पु इंचि नना वेहसेक इन्कुंचंतिरा? अल्हा असले आयो. ओक्‍कला मूसाना नियम हिलाकोंटा मंचि मत्‍ते, असल तप्‍पु बतलो नाकु बस्‍केने तेळियाकोनवळ. ओक्‍कला मूसाना नियम, “वेरेतोरा दानपोर्रो आसे पळमा,” इंचि वेहाकोंटा मंचि मत्‍ते, आसे पळमळ तप्‍पु इंचि नाकु तेळियाकोनवळ.

रोम सहरतोरहाटीं पौलुसना सिट्‍टि 7:7 Iomraidhean Croise

मत्‍तयाल 5:28

गानि नना मीकु वेहसेके गदा बोरन्‍ना आयिर, बदाना मुरतळता हेके पापि नदरते हूळानय्ते ओर ओना मनसुने दानतोनि बोगमतनम कीतापे.

लूकाल 12:15

पजा येसु ओरतोनि, “बेस जेगर्ता मंचि, अन्‍नि लालचकुनाल मीवद मिमेटे लक्‍कु मंटु! बारित्‍ते मनकना पिस्वर वेल्‍लेन आस्‍ति मत्‍तेन बेस मनंता इंचि इनकुन्‍मट,” इंचि इत्‍तोर.

लूकाल 20:16

ओर वासि आ बटाइतोर्कुन हव्‍किसि अद तोटातुन वेरेतोर्क बटाइक हिय्यानुर,” इत्‍तोर. अद पोल्‍ले केंजसि, “अल्हा जर्गाकोंटा पेन आपिकांटी,” इंचि अगा मत्‍तोर इत्‍तुर.

प्रेरितुल्‍कुना कबाह्‍क 20:33

नना बस्‍केने बोनहेंदाले एंडि-बंगारम हिलाकोंटे बेसता कपडि गावाले इंचि आसे पडा हिल्‍लेन.

रोम सहरतोरहाटीं पौलुसना सिट्‍टि 13:9

अदुनहाटीं, “बोगमतनम कियमट, बोर्कुन हव्कमट, दोंगातनम कियमट, इंका वरोनदुनपोर्रो आस्‍ति कियमट,” इंचि आदेसकुने रासि मंता. इंका बवन्‍ना वेरे नियमकु मत्‍ते, अव अन्‍निगुडा उंदे पोल्‍लेते कलियंतां, अद बद पोल्‍ले इत्‍ते, “नीवद निमे बच्‍चोन पावरम कीकुंतिनो अचोने वेरेतोर्कुनगुडा पावरम कीम.”

रोम सहरतोरहाटीं पौलुसना सिट्‍टि 3:20

मूसाना नियमता कबळताहेंदाल मनम अंटोरम पापिर्के इंचि तेळियंता अचोने. गानि अव्टे वेहचि मत्‍ताप ताकसि पेनदा मुन्‍ने बोरे नीतिमंतुल्क आयुर.

रोम सहरतोरहाटीं पौलुसना सिट्‍टि 3:5

मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.)

रोम सहरतोरहाटीं पौलुसना सिट्‍टि 4:1

इंदके मना एनकटा पेद्‍दा मनकल अब्राहामुना बारेमते मनम बतल इनकोम? ओर नीतिमंतुड बल्हा आतोर?

रोम सहरतोरहाटीं पौलुसना सिट्‍टि 4:15

पेन नियमकु हीतस्के अवुन पीसि ताका पींता. ताकाकोंटे पेन सिक्‍सा हींता. गानि नियमकु हिलाकोंटे अवुन नेम्‍हना सवालगुडा वायो.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

रोम सहरतोरहाटीं पौलुसना सिट्‍टि 7:11

पापम मोका हूळसि आदेसतुन वाळकुत्‍ता, नाकु दोका कीता. पजा अदे पापम नावा पिस्वरतुन नासडेम कीता.

रोम सहरतोरहाटीं पौलुसना सिट्‍टि 7:13

अल्हा अय्ते आ पवित्रमाता बेस आदेसकुनाहेंदाले नाकु हामुर वाता इंचंतिरा? अल्हा असले आयो. आ पवित्रमाता आदेसकुन वाळकुंचि पापम नाकु हामुरतुन हीता. अल्हा कीसि अद दाना असल रूपमतुन हुपिस्‍ता. पापम इत्‍ते बच्‍चोन कतरनाक आंद इंचि आ आदेसकुनाहेंदाल नाकु पुरागा तेळियनाहाटीं अल्हा आता.

रोम सहरतोरहाटीं पौलुसना सिट्‍टि 7:5

मुन्‍ने मनम मना इस्‍ट परकारम ताकुंदुम अस्‍के मना मेंदुलतुन मनालोप्‍पो मत्‍ता पापि आसें वाळकुनुंदुं, मूसाना नियम मनाकु तेळियतस्के आ आसें इंका बेरस्सेक होत्‍तां. दीनहेंदाल मनाकु हामुर दोर्कता.

रोम सहरतोरहाटीं पौलुसना सिट्‍टि 7:8

गानि पापम, मूसाना नियमते मत्‍ता आदेसकुन वाळकुंचि नावा लोप्पो अन्‍नि तीरकुना तप्‍पुड आसें पुटिस्ता. मूसाना नियम हिलाकोंटे पापमकु जीवा हिलवापे.

1 कुरेंति 15:56

हामुरता कोंडि पापम आंद, पापमता ताकत मूसाना नियम आंद.

इपीसि 5:3

मीवा नड्‍डुम बोगमतनमता बारेमते, अन्‍नि तीरकुना अपवित्र पोल्‍लेना बारेमते इंका आस्तिक संबंदिस्‍ता पोल्‍लेना बारेमते आयि, बस्‍केने उद्‍दुलिं जर्गानायो. बारित्‍ते पवित्र लोकुल्‍क इसोंटवुना बारेमते उद्‍दुलिंगुडा किय्युर.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

1 तेसलोनि 4:5

लालचते मनानोर पेनदुन एरपाट किय्युर, असंटोरतोनि इल्‍हा मनमळ आयापर्रो.