रोम सहरतोरहाटीं पौलुसना सिट्‍टि 7:5 - पवित्र पोल्‍ले

⁵ मुन्‍ने मनम मना इस्‍ट परकारम ताकुंदुम अस्‍के मना मेंदुलतुन मनालोप्‍पो मत्‍ता पापि आसें वाळकुनुंदुं, मूसाना नियम मनाकु तेळियतस्के आ आसें इंका बेरस्सेक होत्‍तां. दीनहेंदाल मनाकु हामुर दोर्कता.

रोम सहरतोरहाटीं पौलुसना सिट्‍टि 7:5 Iomraidhean Croise

मत्‍तयाल 15:19

इत्‍ते कराब विचाराल्क, हव्‍कमळ, बोगमतनम, व्यबिचारम, दोंगातनाल्‍क, आबद्‍दम वळ्‍कमळ, अपमानम कियमळ इवन्‍नि पापि कबाह्‍क मनसुनाले पलाते पेय्‍संतां.

योहान 3:6

मना मेंदुल अय्ते तल्‍लुर-बाबोनहेंदाल पुट्‍टा परंता, गानि आत्मा मात्रम सिराप पवित्र आत्माहेंदाले पुट्‍टा परंता.

रोम सहरतोरहाटीं पौलुसना सिट्‍टि 1:26

अदुनहाटीं पेन ओर्कुन ओरा मनसुंक वाता सिग्गु हिल्वा कबाह्‍क कियालय होळसीता. अस्‍के मुर्ताह्क मुय्दुरतोनि मींडानद होळसि, मुर्ताह्कुनतोनि मुर्ताह्के मींडसि बस्‍केने ओप्वा कबाह्‍क कियालय दल्‍गतां.

रोम सहरतोरहाटीं पौलुसना सिट्‍टि 3:20

मूसाना नियमता कबळताहेंदाल मनम अंटोरम पापिर्के इंचि तेळियंता अचोने. गानि अव्टे वेहचि मत्‍ताप ताकसि पेनदा मुन्‍ने बोरे नीतिमंतुल्क आयुर.

रोम सहरतोरहाटीं पौलुसना सिट्‍टि 4:15

पेन नियमकु हीतस्के अवुन पीसि ताका पींता. ताकाकोंटे पेन सिक्‍सा हींता. गानि नियमकु हिलाकोंटे अवुन नेम्‍हना सवालगुडा वायो.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

रोम सहरतोरहाटीं पौलुसना सिट्‍टि 6:19

इव पोल्‍लेन अर्तम कीकुनना ताकत मीकु हिल्‍ले इंचि नना उंदि उदाहरन हीसि मीकु वेहासेके. दीनकन्‍ना मुन्‍ने मिमेट मीवा मेंदुलतुन रोता कबाह्‍क, तप्‍पुड कबाह्‍क कियालय अप्‍पजेपसि मत्‍तिर. दानहेंदाल वेल्‍लेन पापम आता. अल्‍हेने इंदके मिमेट मीवा मेंदुलतुन सत्‍तेमता कबाह्‍क कियालय अप्‍पजेप्‍पट, अस्‍के मिमेट पेनदा पवित्र लोकुल्‍क आकिट.

रोम सहरतोरहाटीं पौलुसना सिट्‍टि 6:21

अयना मिमेट कीता कबाह्कुनाहाटीं इंदके मीकु सिग्गु वासंता. मिमेट अव कीतस्‍के मीकु बतल इनाम दोर्कता? अव कबाह्‍कुनाहेंदाल सिराप हामुरे दोर्कुंदु.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 7:23

गानि नावा मेंदुलपोर्रो मात्रम इंकुंदि बदो वेरे नियम अदिकारम ताकिस्ताप नाक दिस्सेक मंता. आ नियम, नावा बुद्‍दिते मनना मूसाना नियमतोनि लडाइ कीसि नाकुन पापमता कय्‍दे अप्पजेपसंता.

1 कुरेंति 15:56

हामुरता कोंडि पापम आंद, पापमता ताकत मूसाना नियम आंद.

2 कुरेंति 10:3

निजमे, मोमोट दुनियातोरालेसीं मंतोम, गानि दुनियातोरालेसीं लडाइ किय्‍योम.

गलातिया 3:10

गानि बोर अय्ते मूसाना नियमतुन नम्मिसि मनंतोरो, ओन्क सिराप सापनेमे दोर्कंता. बारित्‍ते, “मूसाना नियमते रासि मत्‍ता अन्‍नि नियमकुन अन्‍नि वेलाते बरोबर पीसि ताकवोर अंटोर्क पेनदा सापनेम दल्‍गंता,” इंचि दर्मसास्‍त्रमते रासतद मंता.

गलातिया 5:24

बोर अय्ते येसु किरिस्‍तुन विस्वासम कीतोर मंतुर, ओर ओरा पापि विचाराल्कुन, पापि आसेन क्रुसुनपोर्रो वेलाड वाटताप अवुंक लक्‍कु आतुर.

इपीसि 2:11

मिमेट यहुदि आयवोर इंचि मीवा कतना आयाहिल्‍ले. गानि बोरद अय्ते कतना मनकानाहेंदाल आतानो, ओर मोमोट कतना आतोरम, इंचि वेह्‍कुंतुर. मीकुन बारे, कतना आयवोर, इंचि कारेड्‍डाल्‍क कींतुर. अदुनहाटीं मिमेट बल्हा मनिंदिरो अदुन मति कीम्‍ट.

इपीसि 2:3

मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

याकोब 1:15

आयंका आ लालच नेला तप्‍सि एरपूरताप, पापमतुन कनंता आनि पापम बेर्सि हामुरतुन पुटसंता.

याकोब 4:1

मीलोप्‍पो लडाईं, जगडाल्‍क, आयाना कारनम बतल? मीलोप्‍पो मंदना कराब आसेना लडाइताहेंदाले गदा.

1 योहान 3:4

पापम कियाना हरेक मनकल, दर्मसास्‍त्रमता विरोदमते मनंतोर. दर्मसास्‍त्रमता विरोदमते ताकमळ इत्‍तेन पापम आंद.