रोम सहरतोरहाटीं पौलुसना सिट्‍टि 5:8 - पवित्र पोल्‍ले

⁸ गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

रोम सहरतोरहाटीं पौलुसना सिट्‍टि 5:8 Iomraidhean Croise

योहान 15:13

वरोर मनकल ओना दंटागानाहाटीं ओना जीवा हियमळकन्‍ना पेद्‍दा पावरम बद्‍दे आयो.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

रोम सहरतोरहाटीं पौलुसना सिट्‍टि 3:5

मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.)

रोम सहरतोरहाटीं पौलुसना सिट्‍टि 4:25

मना पापाल्कुनाहाटीं हायालय, पेन येसुन वेरेतोरा कय्‍दे अप्पजेपता, आनि मनम पेनदा मुन्‍ने नीतिमंतुल्क आयालय ओन मर्रा हातोरा लोप्पोटाल जीवाते तेहाता.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 5:6

बस्के अय्ते मनद मनम पिसागोटकुना पराकोंटा आतोम, असोंटा वेलाते मना पापि लोकुल्‍कुनाहाटीं किरिस्‍तु ओना जीवा हीतोर.

रोम सहरतोरहाटीं पौलुसना सिट्‍टि 5:7

वरोर नीतिमंतुनाहाटीं बोरन्‍ना जीवा हिय्यालय तयार मनमळ वेल्‍लेने कस्‍टम, गानि वरोर बेसता मनकनाहाटीं बोरन्‍ना जीवा हिय्यालय तयार आया परांतुर आयावच्‍चु.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

रोम सहरतोरहाटीं पौलुसना सिट्‍टि 8:39

बूमिता लोप्पोटव आयिं, बूमि पोर्रोटव आयिं. पेन पुट्‍टिस्‍तव बवे आयिं मना सामि येसु किरिस्‍तुनाहेंदाल मनापोर्रो मत्‍ता पेनदा पावरमताल लक्‍कु किया पर्रों.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

1 तिमोति 1:16

अय्नागानि येसु किरिस्‍तु नापोर्रो दया हुपिस्तोर. अल्हा दया हुपिच्‍चि, मुन्‍ने बोर अय्ते बस्‍केळ्‍क पिस्सना पिस्वर दोर्कना इंचि ओनपोर्रो विस्वासम कींतुरो, ओर्क ओना अंतेम हिलुवा सहनमतुन हुपिचनाहाटीं उंदि उदाहरनता रूपमते नावसोंटा पापिन इरतोर.

इब्रि 8:3

हरेक पेद्‍दा पेर्माना कबळ अय्ते पेनदुक मोक्‍कु हियमळ, दानम वाटमळ आंद. अल्‍हेने मावा पेद्‍दा पेर्मल येसुनगागुडा मोक्‍कु हियालय बतलन्‍ना मनमळ अव्‍सरम मंता.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 3:16

किरिस्‍तु मनाहाटीं ओना सतता जीवा हीतोर. दीनाहेंदाल, पावरम इत्‍ते बतल मनाकु तेळियता. अदुनहाटीं मनम मना दंटा विस्‍वासुल्‍कुनाहाटीं जीवा हियालय तयार मनगोम.