रोम सहरतोरहाटीं पौलुसना सिट्‍टि 5:5 - पवित्र पोल्‍ले

⁵ इद आसे मनाकुन नाराज किय्‍यो, बारित्‍ते पेन दाना पवित्र आत्मातुन मना पिस्वरते हीसि, अद मनाकुन वेल्‍लेन पावरम कींता इंचि हुपिस्‍ता.

रोम सहरतोरहाटीं पौलुसना सिट्‍टि 5:5 Iomraidhean Croise

प्रेरितुल्‍कुना कबाह्‍क 10:45

पवित्र आत्माता वरम वेरे जातितोर पोर्रोगुडा वळियतदुन हूळसि पत्रुनतोनि वाता कतना आता विस्वासुल्कुंक इचंत्रम आता.

प्रेरितुल्‍कुना कबाह्‍क 2:17

पेन इंता गदा, “आकिर रोजकुने नना अंटोर लोकुल्‍कुनपोर्रो, नावा आत्मातुन कुम्मरिचंतन. अस्‍के मीवा मर्क-मियाह्क बविस्यवानिं कियानुर, मीवा लेय्युर्क दर्सनाल्‍क हूळानुर, आनि मात्रालोर कलां हूळानुर.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

रोम सहरतोरहाटीं पौलुसना सिट्‍टि 9:33

इदुना बारेमते दर्मसास्‍त्रमतेगुडा इल्‍हा रासि मंता: “हुळाट, सियोनते नना उंदि बंडातुन इरसंतन, अद बंडा इच्‍चुर्क दल्‍गंता, इंकिच्‍चुर बारे दान्क दल्‍गिसि हिळु अर्रंतुर. बोर अय्ते दानपोर्रो विस्वासम इर्रंतुरो, ओरद बस्‍केने सिन्‍नातनम आयो.” इंचि रासि मंता.

1 कुरेंति 8:3

गानि बोरन्‍नागिंटा पेनदुन पावरम कीते, पेनदुक ओर एरपाटे.

2 कुरेंति 1:22

पेन मनापोर्रो सिक्‍का वाटता अल्‍हेने गेरंटितालेसीं मनालोप्‍पो दाना पवित्र आत्मातुन इरता.

2 कुरेंति 13:14

सामि येसु किरिस्‍तुना कुर्पा, पेनदा पावरम आनि पवित्र आत्माता तोळ मी अंटोरतोनि मन्‍निकांटी.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 4:30

मुक्‍तिता रोजुनदाका, “ईर ना लोकुल्‍क” इंचि पेन मीपोर्रो उंदि सिक्‍का तंचि इर्ता. अदुनहाटीं मिमेट दाना पवित्र आत्माकु दुक्‍कम वायाकोंटा पिस्‍सट.

पिलिपिया 1:20

नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

1 तेसलोनि 4:8

अदुनहाटीं बोर अय्ते इद पोल्‍लेतुन पास्कंतोर, ओर मनकन पास्‍कोर गानि मीक पवित्र आत्मा हियना पेनदुन पास्कंतोर.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

1 योहान 4:19

मनम पावरम कींतोम, बारित्‍ते मुन्‍ने मनाकुन पेन पावरम कीता.