रोम सहरतोरहाटीं पौलुसना सिट्‍टि 5:4 - पवित्र पोल्‍ले

⁴ इल्‍हा ओप्के पीसि मत्‍ते मनालोप्‍पो बेसता गुनम वांता. बेसता गुनम मनाकु मुक्‍ति हियाना आसे पुट्‍टिचंता.

रोम सहरतोरहाटीं पौलुसना सिट्‍टि 5:4 Iomraidhean Croise

लूकाल 21:19

पेनदापोर्रोटा विस्वासमते आकिरदाका निल्‍सि मत्‍ते, मिमेट मीवा जीवातुन कापाळकुना परांतिर.

रोम सहरतोरहाटीं पौलुसना सिट्‍टि 15:4

दर्मसास्‍त्रमते मुन्‍नेटाले रासि मत्‍तद उंदि-उंदि पोल्‍ले मनाकु कराहनाहाटींगे मंता. अदुन करियते मनम ओप्के पीसि दैरनेमते पिस्‍सा परांतोम इत्‍ता आसे दोर्कंता.

पिलिपिया 2:22

गानि तिमोति असंटोर आयोर. वरोर मर्रि बाबनतोनि कलियसि कबळ कीताप, ओर बेसता कबुर वेहना सेवाते नावातोनि इमानदारिते कस्‍टपळतोर. ओना गुनम बसंटदो मीकु बेस एरपाट.

इब्रि 6:19

अद आसे इत्‍ते मना जीवाहाटीं उंदि कोय्याता कुसितसोंटद आंद. अद बेस गट्‍टिगा आनि मेसलाकोंटा पीसि मनंता. पेन मनना पवित्र जेगातगळ्क अद मनाकुन एव्‍सा पर्रंता.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.