रोम सहरतोरहाटीं पौलुसना सिट्‍टि 5:2 - पवित्र पोल्‍ले

² इंदके मनम पेनतोनि कलियसि पिस्सना पिस्वरगुडा पेनदा कुर्पातेन दोर्कतद आंद. अचोने आयाका पेनदा महिमाता वेलगुने मनम उंदि रोज मनांतोम इत्‍ता आसेते वेल्‍लेन कूस मंतोम.

रोम सहरतोरहाटीं पौलुसना सिट्‍टि 5:2 Iomraidhean Croise

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

योहान 10:7

अदुनहाटीं येसु मरुंदि मल्का ओर्क इल्‍हा वेहतोर. “नना निजम वेहासेक केंजट, गोर्रें होळियाना गलमा ननेन आंदुन.

योहान 10:9

गलमा ननाने आंदुन. बोर अय्ते नहगटाल लोप्पो नेंगंतोर, ओन नना पिसागोटंतन. ओर लोप्पो-पलाते होनुळ-वायुळ कींतोर, तिनालय ओन्क मेता दोर्कंता.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

रोम सहरतोरहाटीं पौलुसना सिट्‍टि 11:20

मिमेट इनानद निजमे! गानि उंदि पोल्‍ले मति इर्रट, ओर पेन पोर्रो विस्वासम कियवाहेंका पेन ओर्कुन कोम्मन नर्किसि पोहताप पोह्‍चीता. मिमेट बारे किरिस्‍तुनपोर्रो विस्वासम कीतिर इंचि पेनतोनि कलियसि मंतिट. अदुनहाटीं वट्‍टिदे पोंगसेके तिरियाकोंटा पेनदुक वेरियसि मंटु.

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

रोम सहरतोरहाटीं पौलुसना सिट्‍टि 14:4

इंकावरोना जीतागान हूळसि, “निमे बेस कबळ कीसंतिना हिल्‍लेना” इंचि वेहानद मीकु अव्‍सरम हिल्‍ले. अद कबटा लेक्‍का ओना मालके हूळांतोर. पेन दाना मनकालोर्कुन गट्‍टिगा निल्‍हा परांता, अदुनहाटीं असोंटा विस्वासुल्‍क गट्‍टिगेन निल्‍लंतुर.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 3:23

बारित्‍ते अंटोर लोकुल्‍क पापम कीसि, पेनदाहेंदाल दोर्कना कदरताल लक्‍कु आतुर.

रोम सहरतोरहाटीं पौलुसना सिट्‍टि 5:5

इद आसे मनाकुन नाराज किय्‍यो, बारित्‍ते पेन दाना पवित्र आत्मातुन मना पिस्वरते हीसि, अद मनाकुन वेल्‍लेन पावरम कींता इंचि हुपिस्‍ता.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

रोम सहरतोरहाटीं पौलुसना सिट्‍टि 8:24

मुक्‍ति दोर्कता इंचि इसोंटा आसेते मनम मना परंतोम. गानि मनम बद आसेते अय्ते मंतोम, अद आसेतुन मनम मना कळ्‍कुने हूळसेक मननेंके, अद आसे बल्हा आया परंता? बतल अय्ते मनाकु दोर्कता, अदुन एदुर हूळसेक बोरन्‍ना मनांतुरा? मन्‍नुर.

1 कुरेंति 15:1

विस्वासुल्‍कुनिटा! नना मीक वेहता बेसता कबुरतुन मर्रा उंदि मल्का मति कीसि हीसेक मंतन. अद बेसता कबुरतुन ओप्कुत्‍तिर, अवने गट्‍टिगा निल्सिगुडा मंतिर.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

इपीसि 2:18

बारित्‍ते ओनाहेंदाले मनम इव्वुरमगुडा उंदे पवित्र आत्माते पेनबाबानगा होना परांतोम.

इपीसि 3:12

किरिस्‍तुनपोर्रो विस्वासम इरताहाटीं, इंदके वेरियाकोंटा दैरनेमते पेनदा दग्‍गेरा होना पर्रांतोम.

इपीसि 6:13

इंचि आ सेड्‍डा रोजकु वातस्के वेरियाकोंटा नित्‍तालय मिमेट पेन हीता अन्‍नि आयुदाल्कुन पीकुंटु. अस्‍के मिमेट कियानद अन्‍नि पुरागा कीसि आकिरदाकागुडा नित्‍तिसि मना परकिट.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

पेन हुपिस्‍ता पोल्‍लें 21:11

अद सहर पेनदा महिमाता वेल्‍गुने निंडिस मत्‍ताहेंका दाना कांति यसब इनना वेल्‍लेन दाराता बंडालेसीं मेर्सेक मत्‍ता.

पेन हुपिस्‍ता पोल्‍लें 21:23

अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.

पेन हुपिस्‍ता पोल्‍लें 21:3

पजा राजगद्‍देतगटाल उंदि पेद्‍दा लेंग इल्‍हा केंजावाता, “हुळाट, पेन इंदके मनकालोरा नड्‍डुम जेगा आता. अद ओरतोने मनंता. ओर दाना लोकुल्‍क आंतुर, अद कुद्‍दु ओरा पेन आसि ओरतोने मनंता.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.