रोम सहरतोरहाटीं पौलुसना सिट्‍टि 5:12 - पवित्र पोल्‍ले

¹² इद दुनियाते पापम आदामुनाहेंदाल वाता. पापमताहेंदाल हामुर वाता. दुनियाता अंटोर लोकुल्‍कगुडा पापम कीतुर, अदुनहाटीं अंटोर्के हामुर वाता.

रोम सहरतोरहाटीं पौलुसना सिट्‍टि 5:12 Iomraidhean Croise

रोम सहरतोरहाटीं पौलुसना सिट्‍टि 3:23

बारित्‍ते अंटोर लोकुल्‍क पापम कीसि, पेनदाहेंदाल दोर्कना कदरताल लक्‍कु आतुर.

रोम सहरतोरहाटीं पौलुसना सिट्‍टि 5:18

इल्‍हा आदाम कीता पापमताहेंदाल अंटोर लोकुल्‍कुंक सिक्‍सा दोर्कता. अल्‍हेने इंकावरोर इत्‍ते येसु किरिस्‍तु कीता बेस कबाटाहेंदाल, पेन अंटोर्क नीतिमंतुल्क आयालय उंदि हर्रि तयार कीसि ओर्क बस्‍केळ्‍क पिस्सना पिस्वर हीता.

रोम सहरतोरहाटीं पौलुसना सिट्‍टि 5:19

वरोर आदाम पेनदा पोल्‍ले केंजवाहेंका वेल्‍लेन लोकुल्‍क पापिर्क आतुर. अल्हेन इंकावरोर मनकल इत्‍ते येसु किरिस्‍तु पेनदा पोल्‍ले केंजताहेंका, वेल्‍लेन लोकुल्‍क नीतिमंतुल्क आंतुर.

रोम सहरतोरहाटीं पौलुसना सिट्‍टि 5:21

इल्‍हा बारि आता इत्‍ते, बल्हा पापम हामुरताहेंदाल राज्येम कीसेक मत्‍ता, अल्हेन पेनदा कुर्पागुडा सत्‍तेमतोनि मना सामि येसु किरिस्‍तुनहेंदाल बस्‍केळ्‍क पिस्सना पिस्वरताहाटीं राज्येम कींता.

रोम सहरतोरहाटीं पौलुसना सिट्‍टि 6:21

अयना मिमेट कीता कबाह्कुनाहाटीं इंदके मीकु सिग्गु वासंता. मिमेट अव कीतस्‍के मीकु बतल इनाम दोर्कता? अव कबाह्‍कुनाहेंदाल सिराप हामुरे दोर्कुंदु.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

1 कुरेंति 15:56

हामुरता कोंडि पापम आंद, पापमता ताकत मूसाना नियम आंद.

इपीसि 2:3

मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

याकोब 1:15

आयंका आ लालच नेला तप्‍सि एरपूरताप, पापमतुन कनंता आनि पापम बेर्सि हामुरतुन पुटसंता.

याकोब 3:2

मनम अंटोरम बच्‍चुंगो तप्पुक कींतोम, गानि बोर अय्ते वळ्कानेंके उंदिगुडा तप्पु किय्योर, ओर अन्‍नि गुनाल्‍कुने पूरा मत्‍ता मनकल आंदुर आनि ओर ओना मेंदुलतुनगुडा पग्‍गमते दोहताप ईरा परांतोर.