रोम सहरतोरहाटीं पौलुसना सिट्‍टि 5:10 - पवित्र पोल्‍ले

¹⁰ उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

रोम सहरतोरहाटीं पौलुसना सिट्‍टि 5:10 Iomraidhean Croise

योहान 14:19

इंका कोन्‍नि रोजकु आता पज्जो, दुनियातोर नाकुन हूळा परुर, गानि मिमेट नाकुन हूळा परकिट. बारित्‍ते नना जीवातेन मनंतन, मिमेट इंका जीवातेन मंदकिर.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:57

नाकुन लोहता जीवाते मनना नावा बाबाना ताकततोनि, नना जीवाते मंतन. अल्हेन बोर अय्ते नावा मेंदुलतुन तिंतुर, ओर नाहेंदाल जीवाते मनांतुर.

रोम सहरतोरहाटीं पौलुसना सिट्‍टि 11:28

वेल्‍लेटोर इस्राएल लोकुल्‍क किरिस्‍तुना बारेमता बेसता कबुरतुन नम्मुवाहेंका इंदके ओर्कुन पेन बेसता कबुरता पगातोर इंता. दीनहेंदाल मीकु मात्रम पायदा आता. गानि अब्राहाम, इसाक, याकोब ई एनकटा पेद्‍दाल्कुंक हीता पोल्‍ले परकारम यहुदिल्क इंदकेगुडा पेनदा पावरमगल्‍ला लोकुल्‍के आंदुर.

रोम सहरतोरहाटीं पौलुसना सिट्‍टि 5:11

सिराप इच्‍चोने आयो गानि मना सामि येसु किरिस्‍तुनाहेंदाल मनम पेनतोनि मर्रा कलियतोम, अदुनहाटीं मनम वेल्‍लेन कुसिते मंतोम.

रोम सहरतोरहाटीं पौलुसना सिट्‍टि 5:6

बस्के अय्ते मनद मनम पिसागोटकुना पराकोंटा आतोम, असोंटा वेलाते मना पापि लोकुल्‍कुनाहाटीं किरिस्‍तु ओना जीवा हीतोर.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

रोम सहरतोरहाटीं पौलुसना सिट्‍टि 8:7

बल्हा इत्‍ते, पापि गुनमता मनकल पेनदुक पगातोर आंदुर. इसोंटा मनकल पेनदा नियमते ताका हिल्‍लोर, आनि ताकोरगुडा.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इपीसि 2:16

पजा ओर ओना जीवा क्रुसुनपोर्रो हीसि मना नड्‍डुम मत्‍ता पगातुन नासडेम कीतोर. इल्‍हा वेरे-वेरे आसि मत्‍ता मनाकुन उंदि मेंदुल कीसि पेनदा लोप्पो कल्‍पतोर.

इपीसि 2:3

मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 7:25

अदुनहाटीं येसु, ओनाहेंदाल बोर अय्ते पेनदागा वांतुरो, ओराहाटीं विनंति कियालय ओर बस्‍केळ्‍क जीवातेन मनंतोर. इल्‍हा येसु माकुन पुरागा पिसागोटा पर्रांतोर.

1 योहान 2:1

नावा पिलाल्‍कुनिटा! मिमेट पापम कियामन्‍नि इंचि नना इव पोल्‍लें मीकु रासेक मंतन. गानि ओक्‍कला बोरन्‍ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्‍तु आंदुर.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.