रोम सहरतोरहाटीं पौलुसना सिट्‍टि 4:2 - पवित्र पोल्‍ले

² ओक्‍कला अब्राहाम कीता बेसता कबाह्कुनहेंका पेन ओन नीतिमंतुड इंचि मत्‍ते, गर्रा कियालय ओनगा बतलन्‍ना कारनम मंचि मनवळ, गानि पेनदा मुन्‍ने ओर अल्हा किया परोर.

रोम सहरतोरहाटीं पौलुसना सिट्‍टि 4:2 Iomraidhean Croise

रोम सहरतोरहाटीं पौलुसना सिट्‍टि 15:17

येसु किरिस्‍तुना लोप्पो कलियसि मंचि, इल्‍हा पेनदा सेवा कीसेके इंचि नना वेल्‍लेन कुसिते मंतन.

1 कुरेंति 1:31

अदुनहाटीं, “पेद्‍दिरकेम कियानोर बोरे आयिर, सामि ओनाहाटीं बतलय्ते कीतोरो, अव्टे ओर पेद्‍दिर्केम कियागोम,” इंचि दर्मसास्‍त्रमते रासि मंता.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?

1 कुरेंति 9:16

नना बेसता कबुर वेहचि बतल पेद्‍दिरकेम कीसेक हिल्‍लेन. बारित्‍ते इद नावा जिम्मेदारि आंद, नाक बेसता कबुर वेहमळे गावाले. ओक्‍कला वेहाकोंटे नना बूळ्‍दि आकन.

2 कुरेंति 11:12

ओर बतलय्ते कीसेक मंतुर अदे कबळ मोमोट कीसेक मंतोम इंचि बोर अय्ते पेद्‍दिरकेम वेहकुंचेके मंतुर, ओर्कुन कमजोर कियानाहाटीं नना बतलय्ते कींतन, अदे कीसेक मनंतन.

2 कुरेंति 11:30

नाकु गिंटा पेद्‍दिरकेम कियाना मत्‍ते, नना किया पर्रुवा कबाह्‍कुना बारेमते पेद्‍दिरकेम कींतन.

2 कुरेंति 5:12

मोमोट बेसतोर्कुम इंचि मर्रा मी मुन्‍ने वेहकुंचेके हिल्‍लोम, गानि इच्‍चुर लोकुल्‍क मनसुने मत्‍ता पोल्‍लें आयाका पलाताल दिस्‍साना पोल्‍लेना बारेमते पेद्‍दिरकेम कींतुर, ओराहाटीं मावा बारेमते वेहालय मीक जवाब गावाले इंचि वेहासेक मंतोम.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

इपीसि 2:9

इद कबाह्‍कुनाहेंदाल दोर्कतद आयो, अदुनहाटीं बोरे पोंगुडतनम वेह्‍कुना मन्‍नि.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.