रोम सहरतोरहाटीं पौलुसना सिट्‍टि 4:16 - पवित्र पोल्‍ले

¹⁶ अदुनहाटीं पेन अब्राहामुना वंसंमतोर्क अंटोर्क हीता पोल्‍ले विस्वासम कीतोर्कुंक दाना कुर्पाताहेंदाले दोर्कंता. इद सिराप मूसाना नियम परकारम ताकानोर्कुंके आयो गानि अब्राहामुनलेसीं विस्वासमते ताकानोर अंटोराहाटीं मंता. ओर मना अंटोरा बाबल आंदुर.

रोम सहरतोरहाटीं पौलुसना सिट्‍टि 4:16 Iomraidhean Croise

लूकाल 19:9

अस्‍के येसु, “तप्‍सि होत्‍ता पापि लोकुल्‍कुन पहकिसि, ओर्कुन पिसागोटालय मनकना रूपमते पुटतोन नना वातन. अदुनहाटीं ईरगुडा अब्राहामुना वंसमते पुटतोरे आंदुर इंचि, इय्याला ईना लोतोर पापमताल पिस्तुर,” इंचि वेहतोर.

रोम सहरतोरहाटीं पौलुसना सिट्‍टि 15:8

नना वेहानद बतल इत्‍ते, एनकटा यहुदि पेद्‍दाल्कुंक पेन पोल्‍ले हीसि मत्‍ता, अद पोल्‍ले निजम आयाना इंचि, कतना आतोरा लोप्पो किरिस्‍तु सेवक आसि वातोर. इद पोल्‍लेतुन मर्गमटु.

रोम सहरतोरहाटीं पौलुसना सिट्‍टि 3:22

अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.

रोम सहरतोरहाटीं पौलुसना सिट्‍टि 3:30

अद बल्हा इत्‍ते, पेन उंदे आंद. कतना आतोर आयिर, कतना आयवोर आयिर, इव्‍वुर्कुनगुडा पेन ओरा विस्वासमहेंदाले नीतिमंतुल्क कींता.

रोम सहरतोरहाटीं पौलुसना सिट्‍टि 4:11

अब्राहामुना कतना आयाका मुन्‍नेन ओर पेनदुन विस्वासम कीतोर. अदुनहाटीं पेन ओन नीतिमंतुड इत्‍ता. नीतिमंतुना एरपाटता चिन्‍ह इंचि अब्राहामुंक कतना किया पीता. अदुनहाटीं विस्वासम कियानोर अंटोर कतना आयाकोन्‍नागुडा नीतिमंतुल्क आसि मंतुर. अदुनहाटीं ओर, अंटोर विस्वासुल्कुना बाबोनलेसीं मंतोर.

रोम सहरतोरहाटीं पौलुसना सिट्‍टि 5:1

इल्‍हा, मना विस्वासमहेंदाल पेन मनाकुन नीतिमंतुल्क कीता. अदुनहाटीं सामि येसु किरिस्‍तुनाहेंदाल, पेनतोनि मनक सांति मंता.

रोम सहरतोरहाटीं पौलुसना सिट्‍टि 9:8

दीना अर्तम बतल इत्‍ते अब्राहामुना वंसंमते पुटतोर अंटोर पेनदा मर्क-मियाह्क आया परुर. गानि पेन हीता पोल्‍ले परकारम बोर अय्ते पुटतुर ओरे अब्राहामुना निजम मर्क-मियाह्कुना लेक्‍काते वांतुर.

गलातिया 3:14

अब्राहामुंक पेन हीता आसिर्वाद येसु किरिस्‍तुनहेंदाल यहुदि आयवोर्कगुडा दोर्कना इंचि किरिस्‍तु मनाकुन पिसागोटतोर. दीनहेंदाल मनम ओनपोर्रो विस्वासम कीसि पेन हीता पोल्‍ले परकारम पवित्र आत्मातुन दोर्किच्‍कुना परंतोम.

गलातिया 3:16

अल्हेन अब्राहाम आनि ओना वंसंमतोनतोनि पेन कीता करारता बारेमते मंता. गानि दर्मसास्‍त्रमते, “वंसंमतोर्क” इंचि रासि हिल्‍ले. अगा अल्हा रासि मंचि मत्‍ते वेल्‍लेन मंदिताहाटीं आसि मनवळ. गानि अल्हा रासाकोंटा वरोनाहाटीं इत्‍ताप, “नीवा वंसंमतोन्क” इंचि रासि मंता. आ वरोर इत्‍ते किरिस्‍तु आंदुर.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

इपीसि 2:8

पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

तीतु 3:7

ओर इल्‍हा बारि कीतोर इत्‍ते, मनम ओना कुर्पाहेंदाल नीतिमंतुल्क आयगोम आनि बस्‍केळ्‍क पिस्सना पिस्वरता आसेते मनम ओना वारसदार्क आयाना इंचि.

2 पत्रु 1:10

अदुनहाटीं विस्वासुल्‍कुनिटा! पेन मीकुन केय्‍सि पेरता इत्‍ता पोल्‍लेतुन पक्‍का कियालय बस्‍केळ्‍क आतच्‍चोन कोसिस कीम्‍टु, अल्हा कीते मिमेट बस्‍केने विस्वासमताल अर्सि होन्‍निर.