रोम सहरतोरहाटीं पौलुसना सिट्‍टि 4:11 - पवित्र पोल्‍ले

¹¹ अब्राहामुना कतना आयाका मुन्‍नेन ओर पेनदुन विस्वासम कीतोर. अदुनहाटीं पेन ओन नीतिमंतुड इत्‍ता. नीतिमंतुना एरपाटता चिन्‍ह इंचि अब्राहामुंक कतना किया पीता. अदुनहाटीं विस्वासम कियानोर अंटोर कतना आयाकोन्‍नागुडा नीतिमंतुल्क आसि मंतुर. अदुनहाटीं ओर, अंटोर विस्वासुल्कुना बाबोनलेसीं मंतोर.

रोम सहरतोरहाटीं पौलुसना सिट्‍टि 4:11 Iomraidhean Croise

मत्‍तयाल 16:16

“निमे जीवाते मनना पेनदा मर्रिन किरिस्‍तुन आंदिन,” इंचि सिमोन पत्रु इतोर.

मत्‍तयाल 8:11

इंका नना मीकु वेहंतन गदा, वेल्‍लेटुर लोकुल्‍क पोळ्‍द पेय्‍सनाहेंदाल, पोळ्‍द अर्रानाहेंदाल वासि, अब्राहाम, इसाक, याकोब ईरतोनि स्वर्ग राज्येमते उद्‍दानुर.

लूकाल 19:9

अस्‍के येसु, “तप्‍सि होत्‍ता पापि लोकुल्‍कुन पहकिसि, ओर्कुन पिसागोटालय मनकना रूपमते पुटतोन नना वातन. अदुनहाटीं ईरगुडा अब्राहामुना वंसमते पुटतोरे आंदुर इंचि, इय्याला ईना लोतोर पापमताल पिस्तुर,” इंचि वेहतोर.

योहान 3:33

ओर वेहता गवाइतुन बोर अय्ते नम्मंतुरो, ओर अंटोर पेने सत्‍तेम इंचि पक्‍का कबुल कींतुर.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 6:35

अस्‍के येसु ओर्क इल्‍हा वेहालय दल्‍गतोर, “पिस्वर हियना तिंडि ननाने आंदुन. नहगा बोर अय्ते वांतुर, ओर्क बस्‍केने करवेस्सो. बोर अय्ते नापोर्रो विस्वासम इर्रंतुर, ओर्क बस्‍केने दूपा आयो.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:47

नना निजम-निजम वेहासेक, नापोर्रो विस्वासम कीतोन्कु बस्‍केळ्‍क पिस्सना पिस्वर दोर्कते इनकुंटु.

योहान 8:33

अस्‍के ओर, “मोमोट अय्ते अब्राहामुना वंसंमतोरम आंदुम, इदवेरदाका मोमोट इद बूमिपोर्रो बोनदे कय हिळु दासुल्क आसि मना हिल्‍लोम. अय्ते, अद सत्‍तेम मीकुन होळसार, इंचि निमे बल्हा इंतिन?” इंचि येसुंक जवाब हीतुर.

रोम सहरतोरहाटीं पौलुसना सिट्‍टि 10:11

दर्मसास्‍त्रमतेगुडा इल्‍हा रासि मंता: “ओनपोर्रो विस्वासम कियानोर बोरे आयिर, पेनदा मुन्‍ने ओनद बस्‍केने सिन्‍नातनम आयो.”

रोम सहरतोरहाटीं पौलुसना सिट्‍टि 10:4

गानि येसुनपोर्रो विस्वासम कियानोर अंटोर नीतिमंतुल्क आयानाहाटीं किरिस्‍तु मूसाना नियमता आकिरि आंदुर.

रोम सहरतोरहाटीं पौलुसना सिट्‍टि 10:6

मिमेट, “माकु पेनदा पोल्‍लें कराहलासि स्वर्गमते होंचि किरिस्‍तुन इदु बूमिपोर्रो बोर तर्रा परांतोर, हिलाकोंटे हातोरव्टेटाल किरिस्‍तुन जीवाते तेहचि तर्रालय बोर दांतोर?” इंचि इनकुनमट. गानि विस्वासम कीसि नीतिमंतुड आयनोरा बारेमते दर्मसास्‍त्रम बतल वेहंता इत्‍ते, “पेनदा पोल्‍ले निहागेन मंता, नीवा मनसुना लोप्पो आनि नीवा तोळदेन मंता.” मोमोट मीकु वेहता पोल्‍लें इवे आंदुं.

रोम सहरतोरहाटीं पौलुसना सिट्‍टि 3:22

अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.

रोम सहरतोरहाटीं पौलुसना सिट्‍टि 3:30

अद बल्हा इत्‍ते, पेन उंदे आंद. कतना आतोर आयिर, कतना आयवोर आयिर, इव्‍वुर्कुनगुडा पेन ओरा विस्वासमहेंदाले नीतिमंतुल्क कींता.

रोम सहरतोरहाटीं पौलुसना सिट्‍टि 4:10

अय्ते पेन अब्राहामुन बस्के नीतिमंतुड इंचि इत्‍ता? कतना आतारित्‍तेना, कतना आयाका मुन्‍नेन्‍ना? कतना आयाका मुन्‍नेन ओन नीतिमंतुड इंचि इत्‍ता.

रोम सहरतोरहाटीं पौलुसना सिट्‍टि 9:30

अय्ते मनम इंदके बतल इनकोम? यहुदि आयवोर पेनदा मुन्‍ने नीतिमंतुल्क आयालय हूळा हिल्‍लुर गानि येसु ओराहाटीं कीतदुन ओर विस्वासम कीतुर इंचि पेन ओर्कुन नीतिमंतुल्क कीता.

रोम सहरतोरहाटीं पौलुसना सिट्‍टि 9:33

इदुना बारेमते दर्मसास्‍त्रमतेगुडा इल्‍हा रासि मंता: “हुळाट, सियोनते नना उंदि बंडातुन इरसंतन, अद बंडा इच्‍चुर्क दल्‍गंता, इंकिच्‍चुर बारे दान्क दल्‍गिसि हिळु अर्रंतुर. बोर अय्ते दानपोर्रो विस्वासम इर्रंतुरो, ओरद बस्‍केने सिन्‍नातनम आयो.” इंचि रासि मंता.

रोम सहरतोरहाटीं पौलुसना सिट्‍टि 9:6

पेन इस्राएलना वंसंमतोर्क हीता पोल्‍ले तपता इंचि नना इंचेक हिल्‍लेन, गानि इस्राएल देसेमते पुटतोर अंटोर इस्राएलना वंसंमतोर आयुर इंचि नना वेहचंतन.

2 कुरेंति 1:22

पेन मनापोर्रो सिक्‍का वाटता अल्‍हेने गेरंटितालेसीं मनालोप्‍पो दाना पवित्र आत्मातुन इरता.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

गलातिया 3:29

मिमेट किरिस्‍तुना लोकुल्‍क आतिर, इत्‍ते अब्राहामुना वंसमतोर आंदिर. दीनहेंदाल पेन अब्राहामुंक हीता पोल्‍ले परकारम, पेन ओन्क हियना आसिर्वादता वारसदार्कगुडा आंदिर.

गलातिया 3:7

अदुनहाटीं बोर अय्ते पेनदापोर्रो विस्वासम इर्रंतोर, ओरे अब्राहामुना निजमाता वंसमतोर आंदुर, इद मीकु तेळियगोम.

गलातिया 5:5

बारित्‍ते मनम विस्वासमताहेंदाल पेनदा मुन्‍ने नीतिमंतुल्क आतोम इंचि आसे इरतोम. अदे आसेताहाटीं आत्मा बलमते दाना एदुर हूळसेक मंतोम.

गलातिया 6:16

अदुनहाटीं, बचुटुर अय्ते ई नियमते ताकंतुर अचटूर्कुंक आनि पेनदुन विस्वासम कीता अंटोर इस्राएल लोकुल्‍कुंक सांति, दया दोर्किकांटी.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 4:30

मुक्‍तिता रोजुनदाका, “ईर ना लोकुल्‍क” इंचि पेन मीपोर्रो उंदि सिक्‍का तंचि इर्ता. अदुनहाटीं मिमेट दाना पवित्र आत्माकु दुक्‍कम वायाकोंटा पिस्‍सट.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

इब्रि 11:7

विस्वासमहेंदाले नोहाल, कम्मुड वायाना मंता इंचि पेन ओन्क वेर्रे वेहतस्के ओर कम्मुडतुन बस्‍केने हूळा हिल्‍लोर गानि, पेनदा पोल्‍लेक कदर हीसि, कम्मुड वायाका मुन्‍नेन ओना कुटुंबतोर्कुन कापाळनाहाटीं पेद्‍दा डोंगा तयार कीतोर. इल्‍हा ओर दुनियातोर अंटोर तप्‍तुर इंचि ओना विस्वासमहेंदाल पेन दुनियातोर्कुन दोसिल्‍क इंचि वेहता. ओना इदे विस्वासमहेंदाल ओर, पेनदा मुन्‍ने नीतिमंतुल्क आतोरा लोप्पो कलियतोर.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

पेन हुपिस्‍ता पोल्‍लें 9:4

आ गोल्‍लाबामांकु, बूमिपोर्रोटा जाळितुन आयि, बवे पच्‍चटा पोर्कां, मराकुन आयि, नासडेम कियानायो. बोरा कपालमपोर्रो अय्ते पेनदा सिक्‍का तंचि हिल्‍लेनो सिराप ओर्कुने नासडेम कियाना इंचि वेहामळ जर्गता.