रोम सहरतोरहाटीं पौलुसना सिट्‍टि 3:8 - पवित्र पोल्‍ले

⁸ इल्‍हा कियानोर, “पापम कीते बेस जर्गसेक गदा! अय्ते दट पापम कीकोम,” इंचिगुडा इंतुर. इंका इल्‍हा मोमोटे कराहतोम इंचि इच्‍चुर लोकुल्‍क मापोर्रो दोसेमगुडा दोसंतुर. गानि अल्हा कियानोर अंटोर्कुंक, पेन दगता सिक्‍सा हींता.

रोम सहरतोरहाटीं पौलुसना सिट्‍टि 3:8 Iomraidhean Croise

मत्‍तयाल 5:11

“मिमेट नावा सिस्युल्क आताहाटीं लोकुल्‍क मीवा अपमानम कींतुर, तिप्‍पल्‍क कींतुर, मीवा विरोदमते बच्‍चुंगो आबद्‍दम पोल्‍लें वेहांतुर, अस्‍के मीकुगुडा पेन आसिर्वाद हींता.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 6:1

अय्ते मरि बतल इनकोम! पेन मनापोर्रो वेल्‍लेने कुर्पा कियाना इंचि पापम कीसेकेन दाकोमा?

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

रोम सहरतोरहाटीं पौलुसना सिट्‍टि 7:7

अय्ते मूसाना नियम तप्‍पु इंचि नना वेहसेक इन्कुंचंतिरा? अल्हा असले आयो. ओक्‍कला मूसाना नियम हिलाकोंटा मंचि मत्‍ते, असल तप्‍पु बतलो नाकु बस्‍केने तेळियाकोनवळ. ओक्‍कला मूसाना नियम, “वेरेतोरा दानपोर्रो आसे पळमा,” इंचि वेहाकोंटा मंचि मत्‍ते, आसे पळमळ तप्‍पु इंचि नाकु तेळियाकोनवळ.

2 कुरेंति 11:15

अदुनहाटीं देय्यमता सेवाकुल्कगुडा सत्‍तेमते ताकाना सेवाकुल्कुनलेसीं मारियते इद पेद्‍दा पोल्‍ले आयो, गानि आकिरते ओर कियाना कबळता इसाबते सिक्‍सा आयार.

2 कुरेंति 6:8

इंकावरोर माकुन कदर हिय्‍यिना-हिय्याकोन्‍ना, बेसतोर इन्‍निना-इन्‍नाकोन्‍ना, माकुन नळेह कियानोर इंचि इंतुर गानि मोमोट सत्‍तेमतोर्कुम आंदुम.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.