रोम सहरतोरहाटीं पौलुसना सिट्‍टि 3:4 - पवित्र पोल्‍ले

⁴ अल्हा आयापर्रो. लोकुल्‍क अंटोर आबद्‍दम वळकानोर आयिना, पेन मात्रम बस्‍केळ्‍क निजम मनंता. बारित्‍ते दर्मसास्‍त्रमते, “निमे वळ्कते नीवा पोल्‍ले निजम इंचि दिस अर्रंता, निमे न्‍यायम कियनेंके नीवा पोल्‍ले गेल्‍संता,” इंचि रासि मंता.

रोम सहरतोरहाटीं पौलुसना सिट्‍टि 3:4 Iomraidhean Croise

मत्‍तयाल 11:19

अल्हेन मनकना रूपमते पुटतोन नना तिंचेके-उंचेके वातन गानि लोकुल्‍क मात्रम, हुळाट, ईर बच्‍चोर तिंतोर, बच्‍चोर उंटोर? कर वसुल कियानोर आनि पापि लोकुल्‍क ईना दंटातोर आंदुर, इत्‍तुर. गानि पेनदा बुद्‍दि सत्‍तेमतद आंद इंचि, दाना बुद्‍दिते ताकानोर कियाना कबाह्‍कुन पोर्रोटाल तेळियंता,” इंचि वेहतोर.

लूकाल 20:16

ओर वासि आ बटाइतोर्कुन हव्‍किसि अद तोटातुन वेरेतोर्क बटाइक हिय्यानुर,” इत्‍तोर. अद पोल्‍ले केंजसि, “अल्हा जर्गाकोंटा पेन आपिकांटी,” इंचि अगा मत्‍तोर इत्‍तुर.

योहान 3:33

ओर वेहता गवाइतुन बोर अय्ते नम्मंतुरो, ओर अंटोर पेने सत्‍तेम इंचि पक्‍का कबुल कींतुर.

रोम सहरतोरहाटीं पौलुसना सिट्‍टि 11:1

अय्ते मरि, पेन दाना इस्राएल लोकुल्‍कुन होळसीता इत्‍तापा? हिल्‍ले. बारित्‍ते ननागुडा इस्राएल मनकने आंदुन. नना अब्राहामुना वंसंम आनि बेंजामिन गोत्रमतोन आंदुन.

रोम सहरतोरहाटीं पौलुसना सिट्‍टि 11:11

अय्ते नना इंकुंदि पोल्‍ले पूसकींतन. इस्राएल लोकुल्‍क पुरागा तेदा पराकोंटा हिळु अरतुरा? अर्रा हिल्‍लुर. गानि ओर पापम कीतुर इंचि ओर्क दोर्कना मुक्‍ति, यहुदि आयवोर्क दोर्कता. दीन हूळसि यहुदि लोकुल्‍कुना कळ्‍क पोत्‍तागोम इंचि पेन अल्हा कीता.

रोम सहरतोरहाटीं पौलुसना सिट्‍टि 3:31

“अल्हा अय्ते, विस्वासम कीताहेंका मनाकु मूसाना नियमता अक्‍केर हिल्‍ले, इनकुंचंतिरा?” अल्हा आयो. विस्वासमहेंदाले मूसाना नियमते मनम बेस ताका परंतोम.

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

रोम सहरतोरहाटीं पौलुसना सिट्‍टि 6:2

बस्‍केने कियामन्‍नि. पापि गुनाल्कुनाल उंदि मल्का मनम बस्‍केळ्‍ताहाटीं वेरे आसि हासोत्‍ताप आतोम. मर्रा असोंटा पापि गुनाल्‍कुने बल्हा पिसकोम?

रोम सहरतोरहाटीं पौलुसना सिट्‍टि 7:13

अल्हा अय्ते आ पवित्रमाता बेस आदेसकुनाहेंदाले नाकु हामुर वाता इंचंतिरा? अल्हा असले आयो. आ पवित्रमाता आदेसकुन वाळकुंचि पापम नाकु हामुरतुन हीता. अल्हा कीसि अद दाना असल रूपमतुन हुपिस्‍ता. पापम इत्‍ते बच्‍चोन कतरनाक आंद इंचि आ आदेसकुनाहेंदाल नाकु पुरागा तेळियनाहाटीं अल्हा आता.

रोम सहरतोरहाटीं पौलुसना सिट्‍टि 7:7

अय्ते मूसाना नियम तप्‍पु इंचि नना वेहसेक इन्कुंचंतिरा? अल्हा असले आयो. ओक्‍कला मूसाना नियम हिलाकोंटा मंचि मत्‍ते, असल तप्‍पु बतलो नाकु बस्‍केने तेळियाकोनवळ. ओक्‍कला मूसाना नियम, “वेरेतोरा दानपोर्रो आसे पळमा,” इंचि वेहाकोंटा मंचि मत्‍ते, आसे पळमळ तप्‍पु इंचि नाकु तेळियाकोनवळ.

रोम सहरतोरहाटीं पौलुसना सिट्‍टि 9:14

इदुन केंजसि मनम बतल इंदकोम मर्रि? पेन अन्‍यायम कीता इंदकोमा? असले आयो.

1 कुरेंति 6:15

मीवा मेंदुल्क किरिस्‍तुना मेंदुल्ता उंदि बागाल्क आंदुं इंचि मीक एरपाट मंता गदा! एरपाट मत्‍तस्के नना अवुन ओसि बोगमदाना मेंदुललेसीं कीकाना? बस्‍केने किय्योन.

2 कुरेंति 1:18

पेन विस्वासमगल्‍लद आंद. अल्हेन मोमोटगुडा “हो” आनि “हिल्‍ले” इल्‍हा रोंडु पोल्‍लें वळ्‍कोम.

गलातिया 2:17

नीतिमंतुल्क आयनाहाटीं नियमाल्‍कुन पीसि ताकका, मनम किरिस्‍तुन विस्वासम कींतोम. इंचि इच्‍चुर यहुदिल्क मनाकुन पापिर्क इंचि इनकुंतुर. इत्‍ते बतल किरिस्‍तु पापम किया वेहालय वातोरा? अल्हा असले आयो.

गलातिया 2:21

पेनदा कुर्पातुन नना विलवा हिल्‍ले इंचेक हिल्‍लेन. गानि मूसाना नियम परकारम ताकसि मनकालोर नीतिमंतुल्क आयानय्ते मनाहाटीं येसु किरिस्‍तु हायना अव्‍सरम मनाहिल्‍ले मरि.

गलातिया 6:14

गानि नना अय्ते, मना सामि येसु किरिस्‍तु क्रुसुनपोर्रो हातोर इंचि विस्वासम कींतन, दीन पोर्रेने नाकु पूरा विस्वासम मंता. आ क्रुसुनहाटींगे दुनियाता पोल्‍लें नाक कलियों, नावा पोल्‍लें ओर्क कलियों.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,