रोम सहरतोरहाटीं पौलुसना सिट्‍टि 2:8 - पवित्र पोल्‍ले

⁸ गानि बोर अय्ते सत्‍तेमते ताकाकोंटा तप्‍पुड कबाह्‍क कीसेके सतताहाटीं पिस्संतुर, ओरपोर्रो पेन होंग आसि सिक्‍सा हींता.

रोम सहरतोरहाटीं पौलुसना सिट्‍टि 2:8 Iomraidhean Croise

रोम सहरतोरहाटीं पौलुसना सिट्‍टि 1:18

बेसता कबुर अंटोर लोकुल्‍कुंक एविच्‍चना अव्‍सरम बारि मंता इत्‍ते, सत्‍तेम हर्दे ताकवा लोकुल्‍क कराब कबाह्‍क कीसि सत्‍तेमतुन दबांचि इरतुर. निजम पेन हिल्‍ले इत्‍ताप ताकसि, तप्‍पुड कबाह्‍क कीतुर. अदुनहाटीं पेन ओरपोर्रो स्वर्गमताल दाना होंगुन हुप्‍संता.

रोम सहरतोरहाटीं पौलुसना सिट्‍टि 10:16

गानि इस्राएल लोकुल्‍क अद बेसता कबुरतुन केंजसिगुडा अंटोर विस्वासम किया हिल्‍लुर. बारित्‍ते, “ए सामि! मोमोट वेहता कबुरतुन बोर नम्मुतुर?” इंचि दीना बारेमते दर्मसास्‍त्रमते यसायाहल रासतोर.

रोम सहरतोरहाटीं पौलुसना सिट्‍टि 15:18

यहुदि आयवोर नना वेहता पोल्‍लेन केंजतुर, नना कीतव चिन्‍हां आनि इचंत्रमता कबाह्‍कुन हूळतुर. केंजसि, हूळसि ओर किरिस्‍तुनपोर्रो विस्वासम इरतुर. इल्‍हा नना पवित्र आत्माता बलमते येरुसलेम सहरताल इलुरिकुम एरिया एवनदाका किरिस्‍तुना बेसता कबुरतुन वेहतन. अदुनहाटीं किरिस्‍तुनाहेंदाल कीता पोल्‍लेंगें नना दैरनेमते वेहंतन. इवुंक तप्‍पा वेरे बवे पोल्‍लें वेहोन.

रोम सहरतोरहाटीं पौलुसना सिट्‍टि 6:17

मुन्‍ने मिमेट पापमता दासुल्के मत्‍तिर, गानि मीकु एव्ता पेनदा पोल्‍लेन मिमेट बेस केंजसि, करियसि इंदके अवुन पीसि ताकसंतिर. इंचि पेनदुक नना दन्यवाद कींतन.

रोम सहरतोरहाटीं पौलुसना सिट्‍टि 9:22

अल्‍हेने पेनदुकगुडा अद इनकुत्‍ताप कियना अदिकारम मंता. गानि नासडेम आसि होनानोर्कुन नासडेम कीसि पोहका ओप्के पीसि मत्‍ता.

1 कुरेंति 11:16

इदुना बारेमते बोरन्‍ना लोल्‍लि कियानय्ते, ओनकु तेळियाना गदा, मावा इसोंटा रीति आयो, कलिसियातोरदगुडा इसोंटा रीति आयो.

2 कुरेंति 12:20

बारित्‍ते नना मिहगा वातास्‍के, मिमेट इनकुत्‍ताप नना मीक दोर्का पर्रोन आयावच्‍चु इंका नना इनकुत्‍ताप मिमेट मंदक होननिर. बोर्क एरपाट, मीलोप्‍पो जगडाल्‍क, कळ्‍क पोतमळ, होंग, सतता पायदा, अपमानम, पेद्‍दिरकेम, चुगलीं, लोल्‍लिं इसोंटवगुडा दिस अर्रानुं इंचि नना वेरियसेक मंतन.

पिलिपिया 1:17

गानि नापोर्रो कळ्‍क पोत्‍सि, किरिस्‍तुना बारेमता पोल्‍लेतुन वेहना लोकुल्‍क मात्रम नना जेलने मननेंके नाकु इरगा तकलिप आयागोम इंचि, ओरा सतता पाय्दाहाटीं अल्हा कीसंतुर.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

2 तेसलोनि 1:8

बोर अय्ते पेनदुन एरपाट किय्युर, बोर अय्ते मना सामि येसुना बेसता कबुरतुन पीसि ताकुर, ओर्क पेन सिक्‍सा हिय्यार.

तीतु 3:9

गानि अर्तम हिल्वा लोल्‍लिनाल, वंसाल्कुना बारेमता पोल्‍लेनाल, जगडाल्कुनाल इंका मूसाना नियमकुना बारेमता लोल्‍लिनाल निमे लक्‍कु मन. अव बतक ओज्जानव आयों, अवुनाहेंदाल बतल पायदा इंका वायो.

इब्रि 10:27

गानि दाना बदुलते, बोर अय्ते पेनदा विरोदमते ताकतुरो ओराहाटीं पेन सिक्‍साता आदेस हीसि, ओर्कुन बरा-बरा पोत्‍तना तळमिते वाट्‍सि बूळ्‍दि किय्‍यार इत्‍ता, वेरियानसोंटा पोल्‍लें मात्रम मिगिल्सि मंतां.

इब्रि 11:8

विस्वासमहेंदाले पेन अब्राहामुन, “नना नीकु हुप्‍साना देसेमते होन, अगाटा पूरा जेगा नीकु हीकन” इंचि इत्‍तस्के, बेके होनना इंचि तेळियाकोन्‍ना गानि तेळियवा जेगाहेके होनालय पेय्सतोर.

इब्रि 5:9

इल्‍हा, ओन्क बल्हा अय्ते आयाना मत्‍ता अल्हा पुरागा आसि, ओना पोल्‍लेपोर्रो ताकाना अंटोराहाटीं ओर, बस्‍केळ्‍ताहाटीं मुक्‍ति हियानोर आतोर.

याकोब 3:14

गानि मीवा मनसुने वेल्‍लेने कूटा-कूटा, लालचता इच्‍चां निंडिस मत्‍ते, नीवा तेल्‍विता बारेमते पेद्‍दिरकेम कीसि, सत्‍तेमता विरोदमते पापम कियामन्‍नि.

याकोब 3:16

बल्हा इत्‍ते, बगा अय्ते कूटा-कूटा आनि लालचता इच्‍चां मनंतंगो, अगा आपत्‍तिं आनि अन्‍नि तीरकुना कराब कबाह्‍क मनंतां.

1 पत्रु 3:1

अल्‍हेने मुत्‍तोह्कुनिटा, मिमेट मीवा मुय्दुरा कय्‍दा हिळु वेर्रेते मंटु. ओक्‍कला ओर पेनदा पोल्‍लेते ताकाकोंटे, पोल्‍लेनतोनि आयाकोन्‍ना मीवा पवित्र आनि सत्‍तेमते ताकानदुन हूळसि विस्वासमते वायानुर.

1 पत्रु 4:17

बारित्‍ते न्‍यायम कियाना वेला एवता. पेन मनातोने न्‍यायम सुरुव कींता अय्ते, बोर अय्ते पेनदा बेसता कबुरतुन केंजुर ओरा गति बतल आयार?

पेन हुपिस्‍ता पोल्‍लें 16:19

अस्‍के आ पेद्‍दा सहरता मूड तुकळां आतां. वेरे-वेरे देसेल्‍कुना सहरकंता कूल्‍सि अरतां. पेन दाना तलातला आयाना होंगुना अंगुर कल्‍दुन पेद्‍दा बेबिलोन सहरकु उहानाहाटीं अद मति मर्गाहिल्‍ले.