रोम सहरतोरहाटीं पौलुसना सिट्‍टि 2:7 - पवित्र पोल्‍ले

⁷ बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 2:7 Iomraidhean Croise

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

लूकाल 21:19

पेनदापोर्रोटा विस्वासमते आकिरदाका निल्‍सि मत्‍ते, मिमेट मीवा जीवातुन कापाळकुना परांतिर.

लूकाल 8:15

गानि विज्‍जां अरता बेसता जेगातसंटोर बोर इत्‍ते, बोर अय्ते पेनदा पोल्‍लेन सत्‍तेम, बेस मनसुने केंजसि, अव पोल्‍लेन मनसुने इर्रंतुर. पजा ओर्क बच्‍चोन तकलिप वायना गानि ओप्‍केते बेसता कबाह्‍क कींतुर, असंटोर इत्‍ते विज्‍जां अरता बेसता जेगातसंटोर आंदुर,” इंचि इत्‍तोर.

योहान 4:36

पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.

योहान 5:44

मीवद मिमेटे कदर कीकुनमळ इत्‍ते मीकु वेल्‍लेन इस्‍टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?

रोम सहरतोरहाटीं पौलुसना सिट्‍टि 2:10

गानि अवे रोजकुने बेसता कबाह्‍क कीसेक ताकानोर्कुंक पेद्‍दातनम, कदर, सांति दोर्कार. अव्टे मोदाला यहुदिल्कुंक पजा युनानिर्कुंक.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 8:18

नना मीकु इद बारि वेहचंतन इत्‍ते, मनाकु इंदके तकलिपकु, दुक्‍काल्क वांतंगे, गानि वायाना कालमते पेन दाना महिमाता वेलगुन हीसि बच्‍चोन मनाकु कदर हिय्यार, दाना मति कीते इंदकेटा तकलिपकु बग्‍गेन दल्‍गों इंचि नना इनकुंचंतन.

रोम सहरतोरहाटीं पौलुसना सिट्‍टि 9:23

पेन अल्हा ओप्के पीसि बारि मत्‍ता इत्‍ते, पेन दाना महिमा आनि दया बच्‍चोन बेसतद इंचि बोर लोकुल्‍कुंक अय्ते हुप्‍सना मत्‍ता, अद ओर्कुन मुन्‍नेन पेरता.

1 कुरेंति 15:42

हातोर मर्रा जीवाते तेदमळगुडा इल्हे मंता. कळियसि होनना मेंदुल्तुन बूमिते दोसंतोम, गानि बस्‍केने कळियसि होनवा मेंदुल मर्रा जीवाते तेदंता.

1 कुरेंति 15:50

विस्वासुल्‍कुनिटा! नना वेहानद बतल इत्‍ते, हव्वि, नेत्‍तुरता मेंदुल्क पेनदा राज्येम दोर्का पर्रो, आनि कळियना मेंदुल्क, कळियवा मेंदुल्तगा अदिकार दोर्का पर्रो.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

गलातिया 6:9

मनम उंदेतीर बेसता कबळ कीते, पेन निरनायम कीता वेला एवतस्‍के मनाकु दाना पाय्दा दोर्कंता. अदुनहाटीं मनम नेरबळाकोंटा बेस कबळ कियाना.

इपीसि 6:24

मना सामि येसु किरिस्‍तुन बोर अय्ते आगाकोंटा पावरम कींतुर, ओर अंटोरतोनि पेनदा कुर्पा हमेसा मन्‍निकांटी.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

1 तिमोति 1:17

बस्‍केळ्‍क मनना राजाल, बस्‍केने नासडेम आयवोर, बस्‍केने दिस्सोर असोंटा मावा उंदे पेनदुक पीळि-पीळिनदाका कदर, पेदातनम दोर्कि. आमीन.

2 तिमोति 1:10

गानि इंदके इद पोल्‍ले, मनाकुन कापाळना किरिस्‍तु येसु वाताहेंका मनाकु तेळियसोत्‍ता. ई किरिस्‍ते हामुरतुन रद्‍द कीसि, बेसता कबुरताहेंदाल पिस्वरतुन आनि बस्‍केळ्‍क जीवाते मनानदुन पलाते अरहतोर.

इब्रि 2:7

निमे ओन पेनदा दूतांकन्‍ना गिचचो सिन्‍नगा कीतिन, गानि निमे ओन्क पेद्‍दातनम आनि कदरता किरिटम हीसि, निमे नीवा कय्‍दा कबाह्कुनपोर्रो ओन्क अदिकारम हीतिन,

इब्रि 6:12

अदुनहाटीं मिमेट लंडोर्क आयमट. गानि बोर लोकुल्‍क अय्ते विस्वासम आनि ओप्केहेंदाल पेन हींतन इत्‍तादुन दक्‍किच्‍कुंतुरो ओरा अळगुने अळगु वाटसि मिमेट ताकट इंचि कोरसंतोम.

इब्रि 6:15

इल्‍हा अब्राहाम वेल्‍ले ओप्‍केते एदुर हूळतोर इंचि पेन ओन्क हींतन इंचि पोल्‍ले हीतद ओन्क दोर्कुता.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.