रोम सहरतोरहाटीं पौलुसना सिट्‍टि 2:4 - पवित्र पोल्‍ले

⁴ हिलाकोंटे दाना दया, ओप्के आनि मापितुन गम्मत इन्कुंचंतिरा? निजम बतले इत्‍ते, मिमेट मनसु मार्सकुनना इंचि पेने मीवापोर्रो दया हुपिस्‍ता, इद मीकु तेळियोना?

रोम सहरतोरहाटीं पौलुसना सिट्‍टि 2:4 Iomraidhean Croise

रोम सहरतोरहाटीं पौलुसना सिट्‍टि 10:12

पेनदापोर्रो विस्वासम इर्रनोर बोरे आयिर, ओर यहुदि आयिर, युनानिर आयिर अंटोर उंदे, अंटोर्कुंक ओर वरोरे सामि आंदुर. ओना पोरोल एतसि पारतना कियना अंटोर्कुंक ओर वेल्‍लेन आसिर्वाद हींतोर.

रोम सहरतोरहाटीं पौलुसना सिट्‍टि 11:22

नना वेहानद बेस केंजट. मिमेट पेनदा दयातुन, दाना होंगुन बेस एरपाट कीम्‍टु. बोर अय्ते विस्वासमताल पजोळ्क आतुर, ओरापोर्रो पेन होंग हुपिस्‍ता. गानि मिमेट विस्वासमते ताकसेकेन मंतिर इंचि मीवापोर्रो पेनदा दया मंता. हिलाकोंटे मीकुनगुडा कोम्मन नर्किसि पोहताप तेंडसि पोहंता.

रोम सहरतोरहाटीं पौलुसना सिट्‍टि 11:33

ओहो, मावा पेनदा दनम, बुद्‍दि आनि तेल्वि बच्‍चोन पेद्‍देद आंद! अद बल्हा न्‍यायम कींता, बस्के कींता, इदुन बोरे एरपाट किया पर्रोर. दाना हर्रि बोर्के तेळियो.

रोम सहरतोरहाटीं पौलुसना सिट्‍टि 3:25

मना पापाल्कुना सिक्‍सातगा मोक्‍कु आयालय पेन येसुन लोह्ता. येसु किरिस्‍तु मना पापाल्कुनाहाटीं मोक्‍कु आतोर इंचि मनम विस्वासम कीसि ओप्कुनगोम. दीनहेंदाल येसुनपोर्रो विस्वासम कीतोर्कुन पेन नीतिमंतुल्क कींता. इदवेरदाका बोर अय्ते पापम कीतुरो, ओर्क सिक्‍सा हियाकोंटा पेन ओप्के पीसि मत्‍ता. इल्‍हा अद नीतिमंतुड इंचि हुपिस्‍ता.

रोम सहरतोरहाटीं पौलुसना सिट्‍टि 6:1

अय्ते मरि बतल इनकोम! पेन मनापोर्रो वेल्‍लेने कुर्पा कियाना इंचि पापम कीसेकेन दाकोमा?

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

2 कुरेंति 8:2

अद बल्हा इत्‍ते, ओरापोर्रो वेल्‍लेने तकलिपकुना परिक्‍सां वातां, ओर वेल्‍लेने कूस आनि गरिब आसि मत्‍तुर. अयना गानि लोकुल्‍कुंक हिय्याना सहायम वेल्‍लेन बेर्सता.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 2:4

गानि पेन बच्‍चोनो दयागल्‍लद आंद, अद दाना पेद्‍दा पावरमते मनाकुन पावरम कीता.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

इपीसि 3:16

पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

पिलिपिया 4:19

नना सेवा कियना पेनदागा मनाकु गावाले मत्‍तादुंकन्‍ना एक्‍को संपत्‍ति मंता. अदुनहाटीं मनाकु बतल अव्‍सरम मनिनागानि, मनम किरिस्‍तु येसुना लोकुल्‍क आताहाटीं पेने दाना महिमाहेंदाल अदुन पूरा कींता.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

1 तिमोति 1:16

अय्नागानि येसु किरिस्‍तु नापोर्रो दया हुपिस्तोर. अल्हा दया हुपिच्‍चि, मुन्‍ने बोर अय्ते बस्‍केळ्‍क पिस्सना पिस्वर दोर्कना इंचि ओनपोर्रो विस्वासम कींतुरो, ओर्क ओना अंतेम हिलुवा सहनमतुन हुपिचनाहाटीं उंदि उदाहरनता रूपमते नावसोंटा पापिन इरतोर.

1 तिमोति 6:17

ई दुनियाते मनना सिरमंत लोकुल्‍क, गर्रा कियामन्‍नि. नासडेम आसि होनना दनम पोर्रो आसे इर्राकोंटा, जीवाते मनना पेनदापोर्रो विस्वासम इर्राना. आ पेने मना आनंदमहाटीं गावाले मत्‍तव आ अन्‍नि बेसतवुन इरगा हींता, इंचि ओर्क आदेस हीम.

1 पत्रु 3:20

एनकटा नोहाना कालमते डोंगा तयार कियानेंके लोकुल्‍क वायानुर इंचि पेन ओप्के पीसि एदुर हूळसेक मत्‍ता, गानि लोकुल्‍क पेनदा पोल्‍ले केंजा हिल्‍लुर. सिराप एनमिदि लोकुल्‍क पेनदुन नम्मिसि आ कम्मुळता एताल पिस्तुर.

2 पत्रु 1:11

इल्‍हा मिमेट मना सामि, मुक्‍ति हियना येसु किरिस्‍तुना बस्‍केळ्‍क मंदना राज्येमते वेल्‍ले कदरते होळिया परांतिट.

2 पत्रु 3:15

मना सामिना ओप्के पीसि मनमळ मना मुक्‍तिहाटींगे इंचि इनकुंटु. सामि हीता बुद्‍दि परकारमे मना पावरमगल्‍ला पौलुस दादल मीक इव पोल्‍लें रासतोर.

2 पत्रु 3:3

आकिर रोजकुने मीकुन कारेड्‍डाल्‍क कियानोर वायानुर, वासि ओर ओरा कराब इच्‍चाना परकारम ताकानुर, इद पोल्‍ले मीक मुन्‍ने तेळियमळ गावाले.

2 पत्रु 3:9

सामि हीता पोल्‍ले पूरा कियालय ओर आल्सेम कीसेक मंतोर इंचि इच्‍चुर इंतुर, ओर अल्हा आल्सेम कीसेक हिल्‍लोर. गानि बोरे मनकल नासडेम आयाकोंटा, अंटोर्क ओरा मनसु मार्सकुनना मोका दोर्कना इंचि मीवा बारेमते ओर्सुकुंचेके मंतोर.

पेन हुपिस्‍ता पोल्‍लें 2:21

मनसु मार्सकुननाहाटीं नना दानकु मोका हीतन, गानि बोगमतनमताल मनसु मार्सकुनालय दाना इच्‍चा हिल्‍ले.

पेन हुपिस्‍ता पोल्‍लें 3:20

हूळा, नना तल्‍पुनगा नित्‍तिसि तल्‍पुन टोक-टोक तंतस्के; बोर अय्ते ना लेंग केंजसि तल्‍पु तेंडांतोर, नना ओनगा लोप्पो दांतन, होंचि ओनतोनि कलियसि गाटो तिंतन, आनि ओर नातोनि तिंतोर.