रोम सहरतोरहाटीं पौलुसना सिट्‍टि 2:11 - पवित्र पोल्‍ले

¹¹ बारित्‍ते पेन मोकम हूळसि कबळ किय्‍यो.

रोम सहरतोरहाटीं पौलुसना सिट्‍टि 2:11 Iomraidhean Croise

मत्‍तयाल 22:16

परिसिल्क येसुन पसांचना उपायाल्‍क कीसि, ओरा इच्‍चुर सिस्युल्कुन हेरोद राजाना मनकालोरतोनि ओनाहेके लोहचीतुर. ओर येसुनगा होंचि इल्‍हा इत्‍तुर. “गुरु, निमे निजम वळ्‍कानोन, पेनदा हर्दा बारेमते सत्‍तेमते करहानोन आंदिन इंचि माक एरपाट मंता. बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इदिंका माकु एरके.

लूकाल 20:21

आ आयडां गुंजानोर येसुनगा वासि इल्‍हा इत्‍तुर. “गुरु, निमे सत्‍तेम वळ्‍कानोन, निजम करहानोन आंदिन, बोने सिन्‍ना-पेद्‍दा हूळिन. पेनदा हर्दा बारेमते सत्‍तेमते कराहंतिन इंचि माक एरपाटे मंता.

प्रेरितुल्‍कुना कबाह्‍क 10:34

अस्‍के पत्रु वळ्‍कमळ सुरुव कीतोर. ओर इत्‍तोर, “पेन हरेक मनकन उंदेतीर हूळंता इंचि इंदके नाकु निजम तेळियता.

रोम सहरतोरहाटीं पौलुसना सिट्‍टि 9:14

इदुन केंजसि मनम बतल इंदकोम मर्रि? पेन अन्‍यायम कीता इंदकोमा? असले आयो.

गलातिया 2:6

अगा मत्‍ता लीडर्क, नना वेहतव्टे बवे पोल्‍लें कल्‍पा हिल्‍लुर. पेनदा मुन्‍ने अंटोर समानमे. अदुनहाटीं ओर लोकुल्‍क बच्‍चोर पेद्‍दोर्क अयना बेसे, नाकु बतल पिकिर हिल्‍ले.

इपीसि 6:9

मालकुरिटा! मिमेट मीवा दासुल्‍कुन वेरहुळ-बेदरिच्‍चुळ कियमट, ओर्कुन बेस हूळकुंटु. मीवा इव्वुरागुडा मालक स्वर्गमते मंतोर. ओर सिन्‍ना-पेद्‍दा हूळोर, इद मति इर्कुंटु.

कुलुसि 3:25

पेन बोने मोकम हूळसि न्‍यायम किय्‍यो, बोर अय्ते तप्‍पु कींतोर, दाना सिक्‍सा ओनकु दोर्कंता.

1 पत्रु 1:17

हरेक मनकन सिन्‍ना-पेद्‍दा इनाकोंटा ओरा कबाह्‍कुन हूळसि न्‍यायम कियाना पेनदुन मिमेटगिंटा “बाबा” इंचि पारतना कीते, दुनियाते मतच्‍चोरजेम परायतोरम इंचि वेर्रेते ताकाटु.