रोम सहरतोरहाटीं पौलुसना सिट्‍टि 15:3 - पवित्र पोल्‍ले

³ किरिस्‍तु इद बूमिपोर्रो वातस्के ओनद ओरे कूस कीकुनालय वायाहिल्‍लोर. गानि, “पेनबाबा, नीकुन अपमानम कीतोरा अपमानम नाक आया पीता.” इंचि किरिस्‍तुना बारेमते दर्मसास्‍त्रमते रासि मत्‍ताप जर्गता.

रोम सहरतोरहाटीं पौलुसना सिट्‍टि 15:3 Iomraidhean Croise

मत्‍तयाल 10:25

सिराप सिस्युड गुरुनलेसीं, जीतागाड मालकुनालेसीं आयगोम अचोने सालु. ओक्‍कला लोता मालकुन नाकुने बेलजेबुल इनानय्ते, लोते मनना मीवद अंटोरद बद गति आयार!

मत्‍तयाल 26:39

इच्‍चुर मुन्‍ने होंचि बोकबोर्लें अर्सि ओर इल्‍हा पारतना कियालय दल्‍गुतोर, “ए बाबा, ओक्‍कला कुदुरते, नावा इद गोसा तप्‍पिसि होन्‍नि, गानि इद नावा विचारम मत्‍ताप आयो, नीवा विचारम मत्‍तापे आयि.”

मत्‍तयाल 26:42

येसु मरुंदि मल्का होंचि, “नावा बाबा, नना इदुन उन्‍ने पींता इनानय्ते, नीवा विचारमे पूरा आयि,” इंचि पारतना कीतोर.

मत्‍तयाल 27:44

अल्‍हेने येसुना पक्‍काते क्रुसुंक वेलाड वाट्‍सि मत्‍ता दोंगाल्कगुडा ओना अपमानम कीतुर.

योहान 15:10

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

योहान 15:24

वेरे बोर किया हिल्‍लोर असोंटा, अद्‍बूतामाता कबाह्‍क नना कियाकोंटा मंचि मत्‍ते, ओरपोर्रो पापम मना कोनवळ. गानि इंदके ओर नना कीता अद्‍बूतामाता कबाह्‍कुन हूळसिगुडा, नाकुन, नावा बाबान हय्सेक हिल्‍लुर.

योहान 4:34

अस्‍के येसु ओर्क इल्‍हा वेहतोर: “नाकुन लोहतोना इच्‍चा मत्‍ताप ताकमळ, ओर वेहता कबाह्‍कुन पूरा कियमळ, इदे नावा तिंडि आंद.

योहान 5:30

नावद नना बतले किया पर्रोन. पेनबाबानाहेंदाल केंजतापे न्‍यायम कींतन. नना नावा इच्‍चातुन पूरा कियालय वाया हिल्‍लेन, नाकुन लोहचीता पेनबाबाना इच्‍चातुन पूरा कियालय वातन. अदुनहाटीं नना कियना न्‍यायम सत्‍तेम मंता.”

योहान 6:38

बारित्‍ते नना नावा इच्‍चां पूरा कियालय स्वर्गमताल हिळु रेय्‍सि वाया हिल्‍लेन. नाकुन लोहतोना इच्‍चातुन पूरा कियालय नना वातन.

योहान 8:29

नाकुन लोहतोर नावा तोळ मंतोर. नना बस्‍केळ्‍क ओन्क कुसि हियना कबाह्के कींतन, अदुनहाटीं ओर नाकुन बस्‍केने ओंटिगा होळसोर,” इंचि वेहतोर.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

पिलिपिया 2:5

येसु किरिस्‍तुना गुनम मत्‍तापे मीवा गुनमगुडा मनना.

पिलिपिया 2:8

इल्‍हा मनकना रूपमते पुटसि ओनद ओर सिन्‍नगा कीकुत्‍तोर. इच्‍चोने आयका पेनबाबाना इच्‍चातुन पूरा कियालासि क्रुसुनपोर्रो जीवातुनगुडा हीतोर.