रोम सहरतोरहाटीं पौलुसना सिट्‍टि 15:1 - पवित्र पोल्‍ले

¹ अदुनहाटीं, विस्वासमते गट्‍टिगा मत्‍तोरम मनम सिराप मनाकु सुकम हियना कबाह्के कियाकोंटा विस्वासमते कमजोर मत्‍तोर्कुना कबाह्‍कुन हूळसि ओप्के पीसि मंदगोम.

रोम सहरतोरहाटीं पौलुसना सिट्‍टि 15:1 Iomraidhean Croise

रोम सहरतोरहाटीं पौलुसना सिट्‍टि 14:1

बोर अय्ते विस्वासमते कमजोर मंतोर, ओन्क बेस कदर हीसि मीलोप्‍पो कल्‍पट. गानि ओनतोनि बद बेसतद, बद बेसतद आयो इंचि वळ्कसेक मनमट.

रोम सहरतोरहाटीं पौलुसना सिट्‍टि 14:2

तिनमळ बारेमते केंजट. विस्वासमते मनानोरव्टेटाल इच्‍चुर बारे, “तिननव बवय्ते मंतांगो, अन्‍नि तिनावच्‍चु,” इंचि इंतुर, गानि विस्वासमते पूनें वातोर इच्‍चुर बारे, “हव्‍विं तिनामन्‍नि, सादा कुसिर तिनमळे बेस,” इंचि इंतुर.

रोम सहरतोरहाटीं पौलुसना सिट्‍टि 4:20

अब्राहाम पेन हीता पोल्‍लेपोर्रो बस्‍केने अनमानम किया हिल्‍लोर, गानि पेनदा विस्वासमते गट्‍टिगा आसि दाना महिमा कीतोर.

1 कुरेंति 4:10

मोमोट किरिस्‍तुनाहाटीं मुर्कालोरम आंदुम, गानि मिमेट किरिस्‍तुना लोप्पो तेल्वितोर आंदिर. मोमोट बलम हिल्‍वोरम आंदुम, गानि मिमेट बलम मत्‍तोर आंदिर. मिमेट कदर मत्‍तोर आंदिर, गानि मोमोट कदर हिल्‍वोरम आंदुम.

1 कुरेंति 9:22

विस्वासमते कमजोर मत्‍तोर्कुन किरिस्‍तुनगा तर्रालय, नना ओरालेसीं आतन. बल्हैना आयि इच्‍चुरन्‍ना पिसागोम इंचि, बोर बल्हा मंतुर, ननागुडा ओरालेसीं आतन.

2 कुरेंति 12:10

नना कमजोर आतस्‍केने, किरिस्‍तुना लोप्पो गट्‍टिगा मनंतन. अदुनहाटीं कमजोर आयिना, अपमानम आयिना, कस्‍टम आयिना, सताव आयिना आनि आपत्‍तिं वायिना नना कुसिते मनंतन.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 2:4

बोरे आयिर, सिराप सतता इस्‍टाल्कुना बारेमतेन आयो, गानि वेरेतोरा बारेमतेगुडा विचारम कियगोम.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

1 योहान 2:14

बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट गट्‍टिपळतिर. पेनदा पोल्‍ले मीलोप्‍पो निल्‍सि मनंता. मिमेट सेड्‍डातनमतुन गेल्‍सतिर, इंचि नना मीकु रासेक मंतन.