रोम सहरतोरहाटीं पौलुसना सिट्‍टि 13:7 - पवित्र पोल्‍ले

⁷ सरकारुंक बतलय्ते हियना मंतांगो अव हीसीम्टु, कर दोहनद दोहटु, तासिल दोहनद दोहटु, अदिकारिल्कुंक वेरियसि मनना इत्‍ते ओर्क वेरियट, बोर्क कदर हियना मंता ओर्क कदर हीम्टु.

रोम सहरतोरहाटीं पौलुसना सिट्‍टि 13:7 Iomraidhean Croise

मत्‍तयाल 17:25

अस्‍के पत्रु, “आ दोहंतोर!” इंचि इत्‍तोर. ओर लोता लोप्पो होत्‍तोर, होंचि येसुंक वेहाक मुन्‍नेन येसु, “सिमोनु, नीकु बतल अनपिच्‍चेक मंता? ई दुनियाते मनना राजुकु जकात आयि कर आयि बोराहेंदाल एतंतुर, ओरा मर्कुन हेंदाला मरि इंका बोरन्‍ना वेरेतोरा हेंदाला?” इंचि पूसकीतोर.

मत्‍तयाल 22:21

“कैसर राजानद,” इंचि ओर इत्‍तुर. पजा येसु ओर्कु वेहतोर. “बद कैसर राजानद मंता, अद कैसर राजांक हीम्टु, बद अय्ते पेनदाद मंता, अद पेनदुक हीम्टु.” इत्‍तोर.

मरकुस 12:17

पजा येसु, “बद कैसर राजानद मंता, अद कैसर राजांक हीम्टु. बद अय्ते पेनदाद मंता, अद पेनदुक हीम्टु,” इंचि ओर्कुन इत्‍तोर. अस्‍के ओना पोल्‍लें केंजसि ओर वेल्‍लेने इचंत्रम आतुर.

लूकाल 20:22

अय्ते नियम परकारम, कैसर राजांक मोमोट कर दोहमळ न्‍यायमेना, आयोना?” इत्‍तुर.

लूकाल 20:25

अस्‍के, “कैसरुंक दोहना कर कैसरुंक दोहाटु, पेनदुक हियानव पेनदुक हीम्टु,” इंचि येसु इत्‍तोर.

लूकाल 23:2

ओसि, “ईर मावा यहुदि लोकुल्‍कुंक एकरेवुल्क वेहचि ओर्कु तप्‍पुड हर्रि हुप्‍सानेंके मोमोट हूळतोम. इंका कैसर राजांक कर दोहामन्‍नि इंचि वेहांतोर. अचोने आयका ओनद ओरे, ‘नना किरिस्‍तुन, राजुन आंदुन,’ इल्‍हा वेहकुंतोर,” इंचि दोसेल्क दोसालय दल्‍गतुर.

रोम सहरतोरहाटीं पौलुसना सिट्‍टि 12:10

उंदि कुटुंबतोरलेसीं वरोंक-वरोर बेस पावरम कीकुंटु, वरोंक-वरोर कदर हियनेंके, मनाकन्‍ना एक्‍को इंकावरोंक कदर हीम्टु.

रोम सहरतोरहाटीं पौलुसना सिट्‍टि 13:6

देसेमतुन ताकसना अदिकारिल्‍क पेनदा सेवकुल्के आंदुर. अदुनहाटीं मिमेट ओर्क कर दोहसेक मंतिर.

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

इपीसि 6:5

दासुल्‍कुरिटा! इद बूमिपोर्रोटा मीवा मालकुल्‍कुना पोल्‍लेपोर्रो मंटु. मिमेट किरिस्‍तुना कदर कीताप, ओरदगुडा कपटम हिलुवा मनसुनाल कदर कीसेके ओर्कु वेरियसि ताकट.

1 तिमोति 5:13

अचोने आयका लोन-लोन तिरियना अलवट अर्सि लंडुंक हेडंतां. सिराप लंडुंक हेळमळे आयो, गानि हेकेटां-हीकेटां जोलीं केंजंतां, वेरेतोरा कबाह्‍कुने कय कुच्‍चंतां, बव पोल्‍लें अय्ते अव वळकना आयोनो, असोंटा पोल्‍लें वळकालय दल्‍गंतां.

1 तिमोति 5:17

कलिसिया ताकसानोरव्टेटाल बोर अय्ते बेस कलिसिया ताकसंतोरो, ओन्क वेल्‍ले कदर हियगोम. विसेस कीसि बोर अय्ते प्रचार कियालय, कराहलय कस्‍टपळंतोरो ओन्क रोंड अंताल्‍क कदर दोर्कुगोम.

1 तिमोति 6:1

बोर अय्ते दासि कबळ कीसेके मंतुरो, ओर अंटोर ओरा मालकुल्कुन अन्‍नि तीरकुना मान-मर्यादालायक इनकुनगोम. अस्‍केने पेनदा पोरोल आनि कराहता पोल्‍ले बदनाम आयाकोंटा मनंता.

1 पत्रु 3:7

अल्‍हेने मुय्दुर्कुनिटा! मीवा मुत्‍तोह्कुंकगुडा मी अचोने पेनदा कुर्पाता वारसान हक्‍क मंता. गानि अवुंक मीलेसीं ताकत हिल्‍ले. अदुनहाटीं मिमेट मुत्‍तोह्कुंक बेस कदर हीसि पिस्‍सट. अस्‍के मीवा पारतनाकु बतले अड्‍डम वायो.